Yeso‑ka yo‑yose mai tamine 17:24 - Deoso-ka Yama Hani

²⁴ Hibati‑ya yama nafi‑ya Deoso wama, wami‑ya wama, neme‑ya wama nematane. Yama nafi‑ka hidi tohe, yobe‑ya ai wamana‑ya winaterene.

Yeso‑ka yo‑yose mai tamine 17:24 ပူးပေါင်းရင်းမြစ်များ

Mateo 11:25

Yeso Badi‑ya hiyare, “Abi Deoso, bofe‑ka hidi tiha, neme‑ka hidi tiha, yama‑ya mai wa‑wato‑mone mai ati na tiwa ene‑ya mai watorani. Madehe‑nima mai na, yama‑ya mai watoramone mai ati na tiwa ene‑ya mai watobisineni. Tiwa ene ya‑yai·oneni.

Mateo 5:34

Owati dai mitahi. Dai ati‑nima dai nahi. Haa‑nima dai one ati teni. ‘Keyehe‑ya hiri·oniya, Deoso tabaro fawanebonane.’ Dai one ati na, Mai ati‑nima dai ati riyahi. Deoso tabaro‑ya Deoso‑ka kadera amosa kawateni.

Roka 10:21

Mai‑ya hiyareya, Deoso‑ka Doni ene Yeso ya‑yaine, ati yanane, “Abi Deoso, bofe‑ka hidi tiha, neme‑ka hidi tiha, tiwa ene ya‑yai·oneni. Yama‑ya mai wa‑wato‑mone mai ati na tiwa ene‑ya mai watorani. Madehe‑nima mai na, yama‑ya mai watoramone mai ati na, tiwa ene‑ya mai watobisineni. Tiwati‑maro‑nima yama nineni.” Yeso ati nematane.

Yowaho 1:1

Hibati‑ya yama‑ba awisariya, Deoso‑ya Yo‑yofikana‑bona Deoso‑ya famematamonane. Fare Deoso amane.

Yeso‑ka yo‑yose mai tamine 14:15

“Haa‑nima dai riyahi, deoso oda tohi awirini. Dai one oda amani. Deoso yokana Ati Amosabote oda kaminabone oda kakamani. Dai‑ka deoso bara hini mai tohiya, dai‑ya mai kasomara, mai‑ya dai kahiyarariyahi. Deoso yokana‑ta dai nofabisahi. Deoso yokana neme‑ya wama, bofe‑ya wama, faha webote‑ya wama, faha abe na, yama nafi‑ya Deoso yokana wama nibisane.

Yeso‑ka yo‑yose mai tamine 4:24

Mai ati‑ya mai mita, Deoso‑ya mai hiyara, “Abi Deoso, hini tiwa ene neme‑ya wama, wami‑ya wama, faha‑ya wama, faha abe‑ya wama tinameteni.

Yeso‑ka yo‑yose mai tamine 7:48

Yobe ai wamane‑ya Deoso kitabote winaterene. Deoso ati‑ya mi‑mita‑mata ati ne,

Homa 1:19

Hibati‑ya yama nafi‑ya Deoso wamane, ene‑ya mai nafi awameteni, Deoso‑ya mai watabonehe.

Ebereo 1:2

Hibayata ai‑ya Deoso ati‑ya Bidi i‑di Yeso kaminawahene. Deoso ati ene yama nafi‑ya Bidi wamane, neme‑ya wama, bofe‑ya wama nematane. Makobote Deoso ati ene yama nafi‑ya Bidi kayafawahebonane.

Ebereo 3:4

Yobe hini‑ya wamaterene, yobe ai wamanibisateni. Yama nafi ai wamaterani. Yama nafi‑ya Deoso‑ta wamanibisematane.

Yeso Kirisito ene‑bona 20:11

Hidi Webote‑ka kadera sa‑sawana‑ya hidi itari oawani. Bofe toha, neme toha na, hidi‑ya mai nayofina, mai fawanani.