Yeso‑ka yo‑yose mai tamine 16:32 - Deoso-ka Yama Hani

³² Kadeya hidi hika mai eyehe‑ya Deoso ati‑ya mai kamineni.

Yeso‑ka yo‑yose mai tamine 16:32 ပူးပေါင်းရင်းမြစ်များ

Maroko 16:15

Mai‑ya weeni hawa tohe, mai‑ya yose, “Yama nafi‑ya dai yakanawariya, mai nafi‑ya Deoso ati amosabote tamine dai kaminahi.

Yeso‑ka yo‑yose mai tamine 16:31

“Ai‑ka Hidi Yeso Kirisito ati tinofiya, tiwa manakone aba, tika mai manakone aba, Deoso tabaro‑ya dai winaboneni.” Mai ati nineni.

Yeso‑ka yo‑yose mai tamine 16:33

Mai hiyari hawa toha, mai mai kosihina, mai‑ka ko‑kosi ihi‑ya kadeya hidi sokonawahane. Yeso ati‑ya kadeya hidi nofawahe, hika mai eyehe habanisawahane.

Homa 1:14

Mai dami‑ya Yeso ati okaminabone Deoso ati nemarine. Kereko mai toha, Bara mai one toha, yama yaki‑ya mai wi‑wina mai toha, yama‑ya mai wa‑wato mai toha, yama‑ya mai watora mai toha, mai na, mai nafi‑ya Yeso Ati Amosabote okaminabone owatibodi ati teni.

Homa 1:16

Yeso Kirisito Ati Amosabote okamina, owa habo siitora, owa habo kitabisa, ya‑yai·oneni. Deoso kitabote tohe, ati ene Yeso Kirisito Ati Amosabote‑ya ai nofa, ai‑ya ati somawamatene. Yodeo Yeso tamine‑ya mai miti baha, Bara Yeso tamine‑ya mai mitamakinineni.

Efesiyo 3:8

Hibati‑ya Deoso owa‑ya haanemari, owa ene amosara nafe mai one‑ta ihi amosara bi‑bidi na, owa‑ta owa‑ya Deoso haanemarine, Bara mai‑ya Yeso Ati Amosabote okaminabonehe. Yeso Kirisito ai‑ya kasomi nafi ene nafi ai watoterebonane.

Tesaronika daidi 2:8

Dai oda nofi nafe, dai‑ya Deoso Ati Amosabote oda kamina, dai ene yama oda anini kita, dai oda kasoma, mai‑ka yama wadara mai oda kasoma, oda namaroni.