Yeso‑ka yo‑yose mai tamine 16:17 - Deoso-ka Yama Hani

¹⁷ Oda nowati‑kaya fana kamake, mai‑ya haana, “Deoso kitabote yokana‑ka yo‑yose mai toha, mai ati dai tokadaba, dai abiya, Deoso tabaro‑ya dai winaboneni.” Ati namaroni.

Yeso‑ka yo‑yose mai tamine 16:17 ပူးပေါင်းရင်းမြစ်များ

Mateo 22:16

Mai‑ka mai da‑daba mai‑ya mai yose, i‑di Erodi‑ka mai one mai‑ya mai yose, Yeso‑ya mai hiyara, “Ayo, keyehe hirititerani. Deoso ati tikamine amosatene. Webote mai‑ya tinayofinara, fara yokana tikaminateni.

Mateo 8:29

“Yeso, Deoso Bidi amatini. Oda arabatinahi. Yama one‑ya oda‑ya saritikanabone tinamaro, hibayata mahi koboni awisare, oda bisitiriyahi.” Madi towe mai ati nameteni.

Maroko 1:24

“Yeso Nasare‑ke hini yamata‑nima tinaba? Oda‑ya bisitiriyahi. Tiwa owatoni. Deoso‑ka amosabote amatini.” Madi towe ati nemarine.

Maroko 12:14

Fara Yeso‑ya mai tokomake, Yeso‑ya mai hiyara, “Ayo, keyehe‑ya hirititerani. Mai nafi tinofa, mai one tinofi bi‑bidi tini awirani. Deoso ati tikamini amose, ene tiwati oda mitaboneni. Homano mai‑ka hidi webote i‑di Sesa tohe, fare ai‑ka yinero‑ya haanene.

Maroko 5:7

Madi towe‑ya Yeso hiyare, “Maki‑ya tisawimariyahi.” Yeso ati nematane. “Yeso, Deoso kitabote Bidi amatini. Owa arabatinahi. Owa bisitiriyahi.” Madi towe ati ne, ati kitematane. “Tiwa oni eme titi?” Yeso ati ne, “Ibowa ama·oni, oda damaro.” Ati nematane.

Roka 1:77

Deoso‑ka ai toha ai‑ya kasomebona, ai ene towe manakone‑ya Deoso haanamaterebona tamine‑ya tihiyarawahaboneni.

Roka 1:79

Yama soki‑ya mai naha mai kome fawaterabone‑ka hawi‑ya mai sawi, Deoso Bidi ene Deoso ati somebona‑ka hawi ai watowahaboneni.” Sakariya ati nematane.

Roka 20:21

“Ayo, keyehe‑ya hirititerani. Mai nafi tinofa, mai one tinofi bi‑bidi tini awirani. Deoso ati tikamine amose hinama tohe, fare ene tiwati oda mitaboneni.

Roka 4:34

“Ka! Yeso Nasare‑ke hini yamata‑nima tinaba? Oda‑ya bisitiriyahi. Tiwa owatoni. Deoso‑ka amosabote amatini.” Madi towe ati nematane.

Roka 4:41

Mai‑ya madi towe mai fo‑foya Yeso ati ene madi towe mai kanana, mai ati kita, “Deoso Bidi amatini.” Madi towe mai ati na, “Dai ati fawanahi.” Yeso ati nematane. “Deoso‑ka Ka‑kadika oha, owa‑ya mai wata, owa tamine‑ya mai hiyararaboneni.” Yeso atibodi ati nematane.

Roka 8:28

Yeso‑ya awe, kaikane, Yeso noko‑ya home, “Maki‑ya tisawimariyahi.” Yeso ati ne, “Yeso, Deoso kitabote Bidi amatini. Owa arabatinahi. Owa bisitiriyahi.” Maki ati ne, ati kitematane. Hibati‑ya koheti‑ya maki‑ya sodado mai sokini damameteni. Mai hiwakatome, madi towe ene maki kiti nafi, koheti‑ya betekasarimane, kabani‑kaya kanani tokawahematane. Haa‑nima maki ene ne, ene damematane, madi towe ene.

Yowaho 14:6

“Deoso tabaro hawine ama·oni. Deoso ati yokana ka‑kamina ama·oni. Ai abarabone‑ka yama da‑daa ama·oni. Owati‑ya mai tokadabara, Okobi‑ya mai koboteraboneni.

Yeso‑ka yo‑yose mai tamine 18:26

Deoso‑ya Yodeo mai hi‑hiyara‑ke yobe‑ya Deoso‑ka Ka‑kadika tamine‑ya i‑di Aboro hiyare, habo siitore, ati‑ya i‑di Birisira i‑di Akira mai mita, mai tabori‑kaya mai hiwakame, Deoso hawine‑ya mai hikaminawahane.

Yeso‑ka yo‑yose mai tamine 19:13

Madi towe mai‑ya mai foya, mai‑ya Yodeo mai one kananihebone mai ati na, “Yeso oni‑ya Baoro hirineya, madi towe mai kanateni.” Mai atibodi ati na. Ai owa madi towe foye, madi towe‑ya mai hiyara, “Yeso oni‑ya Baoro hiri ene oda ati‑ya dai mita, dai kananahi.” Mai ati na.

Bedoro daidi 2:16

Mai one‑ka yo‑yose dai tohara, Deoso‑ya na‑narifa dai toha, deoso ati‑nima dai ene amosarariyahi. Dai ene amosabone Deoso nofateni.

Bedoro yoto‑ke 2:2

Keyehe‑ya mai hi‑hiri mai ati‑ya mai one nofa, mai ati‑ya mai tokadaba, Deoso ati‑ya mai nofa‑mone mai ati na, mai ihi amosara mai ihi‑ya dai one mai awiya, Deoso‑ya mai kakowahaboneni.