Yeso‑ka yo‑yose mai tamine 16:16 - Deoso-ka Yama Hani

¹⁶ Deoso‑ya mai hi‑hiyara‑ya oda tokatasa, fana mai hikanikamete oda‑ya kobona, madi towe fana‑ya foyane. Madi towe ene yama nabone‑ya fana kamina ihi hika hidi yinero nafi‑ya mai kayafateni.

Yeso‑ka yo‑yose mai tamine 16:16 ပူးပေါင်းရင်းမြစ်များ

Yeso‑ka yo‑yose mai tamine 16:13

Firibo‑ya Deoso‑ya mai hi‑hiyara‑ke yobe wadare ene Sabado‑ya mai fanawi yorotokana, faha widi‑ya Deoso‑ya mai hiyarateni. Mai‑ya oda tokomake, mai oda hiyarawahamaroni.

Yeso‑ka yo‑yose mai tamine 16:18

Mahi‑nima fana ati yanani dama ihi Baoro ati yawe, kiinawame, madi towe‑ya hiyare, “Yeso ati ene tikahi. Fana atibodi‑ya tifoyamariyahi.” Ati ne, ati ene madi towe toke, ene fana yama nabone‑ya watomara, hikaminamaramaroni.

Yeso‑ka yo‑yose mai tamine 16:19

Fana‑ka hidi mai ati yawawaha, “Fana‑ya madi foyamare ene yinero oda kayafamara oda naboneni.” Fana‑ka hidi mai ati namaroni. Baoro, Sira, mai fama mai‑ya fana‑ka hidi mai waratona, mai‑ya mai horoni towakamamaroni kofeno‑ka mai‑ya.

Yeso‑ka yo‑yose mai tamine 19:24

Yara owa i‑di Demetiro yobe bidi‑bona‑ya barata‑ya wamane, yobe bidi‑ya daane, yinero nafi‑ya kayafatene. “Ai‑ka deoso i‑di Diyana‑ka yobe amane.” Ati ne. Demetiro‑nima barata‑ya mai wa‑wama, mai‑ka yinero damane.

Karatiya 5:20

Mai‑ka deoso bare‑ya mai kahiyara, madi mai‑ya mai hiyara, mai ibi wee, mai ati yawa, mai ibi kaka, mai yorotokaterani. Hini mai‑ya mai nofabisineni.

Timoti daidi 6:10

Yinero‑ya mai nokotonihe, mai ihi amosaraba awineni. Yinero‑ya ai one no‑nokotoni Deoso hawine‑ya mai sawimi awiramaroni. Hini mai ihi mai yawi kitawahamaroni.

Timoti yoto‑ke 3:8

Hibati‑ya i‑di Yani, i‑di Yabiri mai fama, i‑di Mose‑ya mai weena, fara mai‑nima mai nawawahineni. Deoso ati‑ya mai nofara, yama towe‑ta‑ya mai atibodi nofa, Deoso ati mai watorani.

Bedoro yoto‑ke 2:3

Keyehe‑ya dai‑ya mai ka‑kanawato, hini mai ati‑ya dai‑ya mai kamineni, Deoso ati monaha. Yinero‑ya mai nokotonihe, keyehe‑ya mai hiriteni, dai‑ka yinero‑ya mai kayafabone, mai ihi‑ya Deoso watomata, mai manakone‑ya daaneya, mai ababoneni. Mai manakone daani‑ya Deoso fawaterebonane.