Yeso‑ka yo‑yose mai tamine 15:9 - Deoso-ka Yama Hani

⁹ Deoso noko‑ka oda‑nima mai na, Yeso ati‑ya mai nofa, mai‑ya ati somawamane.

Yeso‑ka yo‑yose mai tamine 15:9 ပူးပေါင်းရင်းမြစ်များ

Yeso‑ka yo‑yose mai tamine 10:15

Neme‑ya ati kakitase, “Yama kababone Deoso hina, kabi towe amani dai ati riyahi,” Ati nemonane.

Yeso‑ka yo‑yose mai tamine 10:28

“Yama‑ya dai wata awineni. Bara mai tabori‑ya Yodeo oda toha, oda tokaterani. Bara mai tabori‑ya oda toka, ‘Towe dai amani.’ Mai ati teni. Deoso owa‑ya kanawatowahe, mai nafi sibarani. Mai‑ya oda daba, oda sibarineni, oda towe toharani.

Yeso‑ka yo‑yose mai tamine 10:34

Bedoro mai‑ya hiyarawahe, “Ka! Deoso noko‑ka fara ai nafi hinama toha owatowahani.

Yeso‑ka yo‑yose mai tamine 11:12

Deoso‑ka Doni owa‑ya yose, ‘Mai‑ya tisawimahi. Mai oyoseni.’ Deoso‑ka Doni ati ne. Ati ene mai‑ya osawima, ai‑ka mai 6 toha, owa‑ya mai sawe, Koneriyo‑ka yobe‑ya oda tokiyomaroni.

Yeso‑ka yo‑yose mai tamine 14:1

Ikoniyo‑ya Baoro mai kobokana, Yodeo mai hi‑hiyara‑ke yobe‑ya mai towakiyoma, mai‑ya mai hiyara, mai ati ihi Yeso ati‑ya mai dama mai nofawahamoneni. Yodeo mai toha, Bara mai toha, mai naro.

Yeso‑ka yo‑yose mai tamine 14:27

Mai kobokanama, mai ati ihi Kirisito‑ka mai‑ya mai yorotokana, Deoso mai‑ya kasome tamine‑ya mai kamina, “Yeso ati‑ya Bara mai nofawahineni, Deoso ene.” Mai ati namoneni.

Homa 3:22

Yeso Kirisito Deoso tabaro hawine‑ya wamanemata, ati ai nofe, Deoso ai‑ya ati somawamatene. Yodeo oda toha, Bara dai toha, dai na, Deoso ai‑ya awe, fara hinama ai toha, Yeso ati‑ya ai nofiya, Deoso ai‑ya ati somawamebonane. Ai ene amosara‑ya Deoso fawanihi, ai ene amosara wadamara‑nima ai ene nawahani.

Homa 3:9

Yodeo ai toha, ai ene amosabisa‑mone dai one ati na awineni. Ai ene amosi awirini. Yodeo ai toha, Bara mai toha mai na, ai nafi ene amosarani.

Homa 9:24

Deoso‑ka ai tohabone Yodeo ai one toha, Bara ai one toha na, Deoso ai‑ya kasomebona, ai‑ya kadike, ai‑ya kayafematane.

Korito daidi 1:2

Korito‑ya dai wi‑wina, tabora bara‑ya dai wi‑wina dai na, Deoso ati dai no‑nofa, Yeso Kirisito ene Deoso dai‑ya haane, dai‑ya kayawe, oda‑ka hidi tohemari, dai‑ka hidi tohahariwahe, oda‑ka yama hani dai kadikahi.

Korito daidi 7:18

Hibati‑ya dai sowiri tati ataro‑ya mai wisinakosamaro, sibarini. Dai korikasariyahi. Hibati‑ya dai sowiri tati ataro‑ya mai wisinakosaramaro, sibarini. Mai wisihinakosariyahi.

Karatiya 3:28

Ai hinama tohawahineni. Yeso‑ka ai nafi tohawahani. Yodeo ai one toha, Bara ai one toha, ai one‑ya mai kanika, ai one‑ya mai kanikarihi mai namaroni. Maki mai toha, mai fanawi toha na, Yeso‑ka ai nafi tohawahineni. Yeso Kirisito ati ai nofa, ai hinama tohawahineni.

Karatiya 5:6

Yeso Kirisito‑ka ai toha ai sowiri tati ataro‑ya mai wisinakosa, ai‑ya kasomarihi, mai wisinakosara, ai‑ya kasomarihi, Yeso ati ai nofa, mai one ai kasoma na ai‑ya kasomabisateni.

Efesiyo 3:6

Yama Deoso ati kobohina mai hiwatoramete, dai‑ya ohiyarawahineni. Yodeo oda toha, Bara dai toha na, Yeso Ati Amosabote ai nofa, fara hinama ai toha, Deoso‑ka ai tohawahineni. Ai nafi‑ya Deoso kasome, yama amosa‑ya ai‑ya ati daane, ati‑nima nebonane. Yeso ati ai no‑nofa, Yeso‑ka ai nafi tohawahani.

Koroso 3:11

Deoso ati‑ya ai no‑nofa Kirisito ene fara hinama ai tohawaha, Yodeo dai one toha, Bara dai one toha namaro, dai one sowiri tati ataro‑ya mai wisinakosa, dai one sowiri tati ataro‑ya mai wisinakosarihi, dai one oda ati‑nima ati nihi, dai one ati bara toha, dai one yama yaki‑ya wina, dai one ahiyata‑ya wina na, dai one‑ya mai kanika, dai one‑ya mai kanikarihi namaroni. Yeso Kirisito ai atibodi‑ya sawiwahe, ene fara hinama ai tohawahineni.

Bedoro daidi 1:22

Deoso ati dai tokadabe, dai atibodi amosa, dai ene amosawamateni. Deoso‑ka dai toha, Deoso‑ka mai dai nofaboneni. Dai ibi nofi nafiyahi.