Yeso‑ka yo‑yose mai tamine 15:3 - Deoso-ka Yama Hani

³ Mai mai hiyose, Fenisiya‑ya mai fiyakana, Samariya‑ya mai fiyakana, mai na, hini mai yakaniya, Bara mai tamine‑ya mai hiyara, “Yeso ati‑ya Bara mai nofawahineni.” Mai ati na, Yeso ati‑ya mai no‑nofa Baoro mai ati‑ya mai mita, mai ya‑yainamoneni.

Yeso‑ka yo‑yose mai tamine 15:3 ပူးပေါင်းရင်းမြစ်များ

Roka 15:32

Tika soho tokemari, abe amanakani, onamaro, kitame‑nima nane. Tika soho fawanemari, kamawahane. Kame ene ai ya‑yainahi.’ Ati nene.” Yeso ati nematane.

Yeso‑ka yo‑yose mai tamine 1:15

Mahi owa‑ya mai dama mai yorotokana, 120 mai toha, mai bai‑ya i‑di Bedoro waamise, mai‑ya hiyare,

Yeso‑ka yo‑yose mai tamine 13:48

Baoro ati‑ya Bara mai mita, mai ya‑yaina, Deoso ati‑ya mai kahiyara, Deoso mai‑ya kadikemata, Yeso ati‑ya mai nofawahani.

Yeso‑ka yo‑yose mai tamine 13:52

Yeso ati‑ya mai no‑nofa, Deoso‑ka Doni mai‑ya sawi ene mai ya‑yainamoneni.

Yeso‑ka yo‑yose mai tamine 14:27

Mai kobokanama, mai ati ihi Kirisito‑ka mai‑ya mai yorotokana, Deoso mai‑ya kasome tamine‑ya mai kamina, “Yeso ati‑ya Bara mai nofawahineni, Deoso ene.” Mai ati namoneni.

Yeso‑ka yo‑yose mai tamine 15:1

Yodeya‑ya mai wi‑wina Atioki‑ya mai toka, Kirisito‑ka mai‑ya mai kanawata, “Mose ati‑nima dai sowiri tati ataro abahi. Dai sowiri tati ataro abi awiriya, Deoso dai‑ya ati somawamaterebonane.” Mai ati namoneni.

Yeso‑ka yo‑yose mai tamine 15:12

Mai ati fawana, Baoro, Banabe mai fama, mai‑ya mai hiyara, Bara mai‑ya mai sawe, Deoso ene kite‑ya mai awa, tamine‑ya mai kaminamoneni.

Yeso‑ka yo‑yose mai tamine 15:22

Yeso‑ka yo‑yose mai toha, Yeso‑ka bote mai toha, Yeso ati‑ya mai no‑nofa mai toha, mai na, mai ibi hiyara, “Ai‑ka mai one ai yosehi, Baoro, Banabe mai fama, mai‑ya mai dabiya, Atioki‑ya mai tokabonehe. Ai‑ka webote mai fama, i‑di Yoda Basaba, i‑di Sira ne, mai ai yosehi.” Mai ati na.

Yeso‑ka yo‑yose mai tamine 15:32

Yoda, Sira mai fama Deoso ati‑ya mai mi‑mita mai toha, Kirisito‑ka mai‑ya mai hiyara, mai ati ihi mai ya‑yaina, mai habi kitawahamoneni.

Yeso‑ka yo‑yose mai tamine 15:4

Yerosare‑ya mai kobona, Kirisito‑ka mai‑ya mai hiyara, Yeso‑ka yo‑yose mai toha, bote mai toha na, mai‑ya mai hiyara, “Deoso oda‑ya kasome, oda ati ene Yeso ati‑ya Bara mai nofawahineni.” Mai ati na.

Yeso‑ka yo‑yose mai tamine 17:15

Bereya‑ka mai one Baoro‑ya sawe, Atena‑kaya mai towaka, Atena‑ya mai kobona, Baoro‑ta towitakose, mai winikanamabone, mai‑ya Baoro hiyare, “Dai kobotokanamiya, i‑di Sira, Timoti mai fama, mai dai yosemiya, mai kakama kanibote niyahi.” Baoro ati nemonane.

Yeso‑ka yo‑yose mai tamine 20:38

“Owa‑ya dai awamateraboneni.” Baoro ati ne, ati ene mai atibodi koma, maboro‑ya foyebona, tokeya, mai tokomakineni, fai foyi‑ya mai awabonehe.

Yeso‑ka yo‑yose mai tamine 21:5

Oda yananama, faha widi‑ya oda tokoma, oda‑ya mai sawineni. Mai makidi, mai fanawi, madehe na, faha widi‑ya oda kobona, Deoso oda hiyarabone, oda yobati‑kaya oda naha, Deoso oda hiyaramatasineni.

Yeso‑ka yo‑yose mai tamine 28:15

Homa‑ya Yeso‑ka mai wi‑wina oda tamine‑ya mai mita, Abio Foro‑ya mai one kama, Tafena 3 kana toha‑ya mai one kama, oda‑ya mai kobona, mai‑ya Baoro awe, Deoso‑ya kahiyare, atibodi kitawahemarine.

Yeso‑ka yo‑yose mai tamine 8:14

Yerosare‑kaya Yeso‑ka yo‑yose mai wina, Samariya‑kaya mai wi‑wina Deoso ati‑ya mai nofawahamone, mai tamine‑ya Yeso‑ka yo‑yose mai mita, Bedoro, Yowaho mai fama, mai‑ya mai yose, “Samariya‑ya mai wi‑wina mai dai tonakahi!” Mai ati na,

Homa 15:24

Esibaniya‑ya okabone, dai tabaro‑ya kobo·oniya, dai‑ya ohiyaraboneni. Ai ibi hiyaranadiya, Esibaniya‑ya okabone, owa dai kasomaba awineni.

Korito daidi 16:11

Owa‑nima i‑di Timoti ne, dai ati yasiriyahi. Dai tabaro‑ya koboneya, dai kasomayaho. I‑di Timoti mai eyehe owa‑ya dai yosema kanibote nayaho. I‑di Timoti mai‑nima onaboneni.

Korito daidi 16:6

Dai tabaro‑ya owiniya, owa amoni ba‑basi naba awineni. Abariko fama abariko ohari ne‑ya dai tabaro‑ya owinaba awineni. Makobote mai tabori one‑kaya owa‑ya dai yoseba awineni.

Korito yoto‑ke 1:16

Masedoni‑ya okiya, dai tabaro‑ya maa·onakosamabone owatibodi ati na, dai‑ya owati wee nofara, dai tabaro‑ya oki awiramaroni. Makobote yana·oniya, dai tabaro‑ya okabone, kobo·oniya, Yodeya‑ya okomakebone ona, owa dai kasomaba awineni.

Tito 3:13

I‑di Sena boriso mai‑ya ai tamine‑ya ka‑kamina, i‑di Aboro mai fama, tiwa tabaro‑ya mai kobokaniya, mai tikasomahi. Mai tafe wadariya, mai‑ka yamata‑ba daatiyahi.