Yeso‑ka yo‑yose mai tamine 14:22 - Deoso-ka Yama Hani

²² Baoro mai ati ihi Yeso ati‑ya mai nofa mai atibodi kitamamoneni. Mai‑ya hiyare, “Dai‑ya mai bisina, Yeso ati‑ya dai nofasa nahi, Deoso hawine‑ya ai sawe, ai‑ya mai bisina, ai habo siitoriyahi.” Mai ati namoneni.

Yeso‑ka yo‑yose mai tamine 14:22 ပူးပေါင်းရင်းမြစ်များ

Mateo 10:38

‘Owa‑ya mai ati nanahaba yama sibarini. Yeso ati okadababisaboneni.’ Dai atibodi ati ni awiriya, oka dai tohi awirani.

Mateo 16:24

Yeso‑ya oda da‑daba oda‑ya Yeso hiyaramaki, “Owa‑ya dai ati daba, dai‑ka yama dai nokotoniriyahi. Owa‑ya dai dabiya, owa‑ya mai nanahababone‑nima dai‑ya mai nanahabahareba awineni.

Mateo 19:24

Owati dai mitahi. Akoye hodone‑ya kamero tokiyomaterene. Fara‑nima mai naboneni. Mai yahi hone dama Neme‑ke ai nafi‑ka hidi kitabote tohawahebona‑ya mai dami sawiraboneni.” Yeso ati nemarine.

Maroko 10:30

Mai ihi amosa 100 kana manakone‑nima manakone naboneni. Bofe‑ya mai winanasa niya mai ihi amosa manakone kote‑ya mai kayafaboneni. Yobe toha, mai‑ka ayo mai toha, mai‑ka asima mai toha, mai‑ka ami mai toha, mai‑ka madehe toha, fadara toha na‑ya, mai one kayafaboneni. Bofe‑ya mai winanasa niya yama towe‑ya mai one kayafahare, mai‑ya mai one bisinaboneni. Makobote mai abateraboneni.

Maroko 9:47

Tiwa nokobodi one ene yama towe nokotiniya, tiwa noko one sobatinakihi, yama towe‑ya nokotinimarabonehe. Deoso ai nafi‑ka hidi kitabote tohawahe‑ya tiwa noko ohari‑ya tisawiya, yama sibabisaraboneni. Tiwa noko fami‑ya ti·abiya, tikitamiya, wara hirini‑kaya tikiya, yama towe tohaboneni.

Roka 24:26

Deoso‑ka yama hani ati‑nima Deoso‑ka Ka‑kadika abe, kitame, amosabote tohawahane.” Yeso ati nematane.

Yowaho 15:18

Bofe‑ka dai‑ya mai kaka, dai atibodi yama‑ya kadikariyahi. Owa‑ya mai kako dai tohamaroni.

Yowaho 15:20

Owati‑maro‑ya dai ati kadamowamariyahi. Owa‑ya mai bisinamaro dai‑ya mai bisinamakeboneni. Owati‑ya mai tokadaba dai ati‑ya mai tokadabahareboneni.

Yowaho 16:33

Yama tamine okamina, owati dai nofiya, dai habo siitoraboneni. Bofe‑ka dai‑ya mai bisinaboneni. Dai habo kitahi. Bofe‑ka mai kiti bi‑bidi, owa kiti nafibisineni.” Yeso ati nemarine.

Yowaho 3:5

“Owati amosabote timitahi. Ai‑ka ami‑ya ai wadi dai tohi bahiya, Deoso‑ka Doni ene ai wadamatasiya, Deoso ai nafi‑ka hidi kitabote tohawahebona‑ya ai sawiwahaboneni. Ai wadi fami awiriya, ai sawiraboneni.

Yeso‑ka yo‑yose mai tamine 11:23

Atioki‑ya kobone, mai‑ya awe, ya‑yaine, “Deoso mai‑ya kasomane.” Atibodi ati ne. “Ai‑ka Ayo i‑di Yeso ati‑nima dai nahi, dai nafi.” Ati nemonane.

Yeso‑ka yo‑yose mai tamine 11:26

Saoro‑ya wasi, Atioki‑ya Saoro‑ya kakame, Yeso ati‑ya mai no‑nofa faha fowe ohare‑ya mai‑ya mai daba, mai‑ya mai kanawata, Kirisito‑ka mai amani, mai ati nawawahamoneni, Atioki‑ya.

Yeso‑ka yo‑yose mai tamine 11:29

Yeso ati‑ya mai no‑nofa mai ibi hiyara, “Yodeya‑ya mai wi‑wina mai tafe wadara. Mai‑ka yinero‑ba ai daanahi. Mai tafe‑ba‑ya mai kanikibakaro.” Mai ati namoneni.

Yeso‑ka yo‑yose mai tamine 13:43

Mai toka, mai nowati‑ya Baoro mai‑ya mai one dabamake, Yodeo mai one toha, Bara mai one toha na, Baoro mai‑ya mai dabamake, mai‑ya Baoro mai hiyara, “Deoso ati‑ya dai ati kadamowamariyahi. Deoso ati amose dai nofahi.” Baoro, Banabe mai ati namoneni.

Yeso‑ka yo‑yose mai tamine 14:20

Yeso ati‑ya mai no‑nofa Baoro home‑ya mai kakatoma, mai yorona, Baoro kitame waamisame, mai tabori‑kaya mai‑ya tosawime, mahi owa‑ya Banabe eyehe Derebi‑kaya mai towakamamoneni.

Yeso‑ka yo‑yose mai tamine 14:28

Abariko dameya, Kirisito‑ka mai eyehe mai winamoneni.

Yeso‑ka yo‑yose mai tamine 15:32

Yoda, Sira mai fama Deoso ati‑ya mai mi‑mita mai toha, Kirisito‑ka mai‑ya mai hiyara, mai ati ihi mai ya‑yaina, mai habi kitawahamoneni.

Yeso‑ka yo‑yose mai tamine 15:41

Siriya‑ya mai towaka, Sirisiya‑kaya mai towakawaha, Kirisito‑ka mai‑ya mai hiyara, mai habi kitawahani.

Yeso‑ka yo‑yose mai tamine 18:23

Atioki‑ya wine, makobote Karatiya mai tabori dami‑kaya tokomatasa, Firikiya mai tabori dami‑kaya tokomatasa ne. Yeso ati‑ya mai no‑nofa Baoro ati ene mai habi kitawahamoneni.

Yeso‑ka yo‑yose mai tamine 6:7

Mai ihi Yeso tamine‑ya mai dami mita, Yerosare‑ya Yeso ati‑ya mai no‑nofa mai dodamamaki, Deoso‑ka yama‑bone‑ya mai da‑daa Yeso ati‑ya mai dami nofa, ati‑ya mai tokadabamoneni.

Yeso‑ka yo‑yose mai tamine 9:16

Owa tamine hiyari ene, mai bisihineya, yama bisini kome‑ya watowahebonane.” Yeso ati nane.

Homa 8:17

Deoso bidi ai toha, Deoso‑ka yama ai kayafaboneni. Deoso‑ka yama‑ya Kirisito kayafi‑nima ai kayafahareboneni. Kirisito‑ya mai bisinamete, fare Kirisito ati ai nofe ene ai‑ya mai nofara, ai‑ya mai bisiniya, sibaraboneni. Kirisito eyehe yama amosabote ai kayafaboneni.

Korito daidi 1:8

Deoso dai eme‑ya nakitebonane, dai ene amosa fawarabonehe. Yeso Kirisito koboneya, dai ene ya‑yainebonane.

Firibo 1:29

Kirisito‑ka dai amani, Yeso ati dai nofaro. Deoso dai‑ya nofe, Kirisito ati dai tokadabiya, dai‑ya mai nakomaboneni. Dai‑ya mai bisina, dai ya‑yainahi.

Koroso 1:23

Dai ene amosawama, Kirisito ati dai tokadaba, Deoso Ati Amosabote ati dai mitemari, ati dai nofi faware, dai habo siitorihi na, dai ene Deoso ya‑yainebonane. Deoso Ati Amosabote okaminamaro, ati dai mitemarine. Deoso ati‑ya mai nafi mitawahineni. Bofe‑ya mai wi‑wina mai nafi Deoso ati‑ya mai mitawahineni. Yeso‑ka yo‑yose ama·oni, Deoso ati okaminabonehe.

Tesaronika daidi 3:13

Mai‑ya dai nofiya, dai ene sibaraboneni. Yeso ati‑nima dai naboneni. Yeso hika mai eyehe kameya, Deoso noko‑kaya ai nahoya, “Dai ene sibarini.” Ai‑ka Abi i‑di Deoso ati nawahebonane.

Timoti yoto‑ke 1:8

Ai‑ka Ayo i‑di Yeso ati tihiyara, mai noki ihi tiwa habo siitoriyahi. Kadeya‑ya owaa, owa ene tiwa habo siitorihi na, Deoso Ati Amosabote tikaminiya, kadeya‑ya tiwa‑ya mai nawaaba awineni. Tiwa‑ya mai nawaa, sibaraboneni. Deoso tiwa‑ya kasomebonane.

Timoti yoto‑ke 3:12

Yeso Kirisito ati ai no‑nofa Yeso ati‑nima ai niya, ai‑ya mai bisinaboneni.

Bedoro daidi 2:21

Dai ene Yeso Kirisito‑ya mai bisina, Yeso‑ya mai nanahabamaroni. Yeso ene amose hinama tohe, mai bisihine yawaremari, “Owa‑nima dai nahi. Dai ene amosa, dai‑ya mai bisiniya, dai yawariyahi.” Yeso ati nemarine.

Bedoro daidi 5:10

Deoso yama nafi‑ya da‑daa dai‑ya kadikemarine, hini tabaro‑ya dai winawahabonehe. Bofe‑ya dai winasa niya, dai‑ya mai bisina, makobote Yeso Kirisito amosabote‑nima dai nawahaboneni. Deoso ene dai kitawaha dai korikasara, Yeso ati‑ya dai nofi nafiwahaboneni.

Bedoro daidi 5:9

Satanasi ati tinofariyahi. Yeso ati‑ta tinofabisahi. Deoso ati‑ya dai no‑nofa dai nafi‑ya Satanasi keyehe‑ya hiri kitine. Kirisito‑ya mai ka‑kako mai yahi kome dai awabone, tabora dami‑ya mai wi‑wina Yeso ati‑ya mai nofa, Satanasi mai‑ya keyehe‑ya hirikitine.

Bedoro yoto‑ke 1:11

Ai‑ka Ayo Yeso Kirisito tabaro abaterebona, fare‑ya dai koboniya, Deoso ya‑yainebonane. Dai‑ka yama dai kayafawahabone, dai abamateraboneni.

Yoda‑ka yama hani 1:3

Hibati‑ya dai‑ka yama hani‑bone okanahanabone onamaroni. Deoso ai‑ya nofe, ai‑ya ati somawame tamine okanahanabone onamaroni. Deoso ati yokana‑ya ai‑ya mai kaminamaro mai ati dai fawani awiraboneni, yama bara‑ya mai kamina mai ati dai nofarabone tamine okanahanobisaboneni.

Yeso Kirisito ene‑bona 1:9

Yowaho ama·oni. Dai‑ka owa ama·oni. Deoso‑ya mai nofara ai‑ya mai weena, Yeso‑ya ai na‑narifa Deoso‑ka hawi bai‑ya ai maakiterani. Deoso ati onofa, i‑di Yeso tamine okamina ihi owa‑ya mai wata, faha webote bai‑ya wami itakosa, oni Batomosi toha‑ya owa‑ya mai nawineni.

Yeso Kirisito ene‑bona 2:10

Dai habo siitoriyahi. Diaboro ati ene kadeya‑ya dai one‑ya mai nafoyabone, dai maaki‑bone‑ka mai ihi amani. Ai amoni ai yehe kafama‑ya dai‑ya mai weenaboneni. Deoso‑ka hawi bai‑ya dai maakani awiriya, dai‑ya mai nanahabiya, dai sibaraboneni. Dai kitamiya, owati ihi dai abaraboneni.

Yeso Kirisito ene‑bona 7:14

Owati yanana, “Hidi amatini. Mai tiwatobisahi.” Onani. Hidi bi‑bidi ne ati yananamatase, “‘Bofe‑ya yama towe dama yananabone ihi yama yofinaboneni.’ Deoso‑ka yama hani ati neni. Fara‑ya mai yanana, neme‑ya mai kobonineni. Kaneiro Bidi emene‑ya mai‑ka bora mai sokona, mai‑ka bora sawa tohawahineni.