Yeso‑ka yo‑yose mai tamine 14:1 - Deoso-ka Yama Hani

¹ Ikoniyo‑ya Baoro mai kobokana, Yodeo mai hi‑hiyara‑ke yobe‑ya mai towakiyoma, mai‑ya mai hiyara, mai ati ihi Yeso ati‑ya mai dama mai nofawahamoneni. Yodeo mai toha, Bara mai toha, mai naro.

Yeso‑ka yo‑yose mai tamine 14:1 ပူးပေါင်းရင်းမြစ်များ

Maroko 7:26

Fana Yodeo tohara, Sirofenisiya‑ka tohabisa, ati yanana, “Okoto tikasomahi. Madi towe kanatinihi.” Ati nameteni.

Yowaho 12:20

Yerosare‑ya Yodeo oda marinabone, Kereko mai one sawemaroni, Deoso‑ya mai kahiyarabonehe.

Yowaho 7:35

Oda‑ka hidi mai ibi hiyara, “Ebeni‑kaya tokabamata? Ai tokomakirabone ati neri, oda one Kereko mai tabori‑ya mai wina mai‑ya tokebona, Kereko mai‑ya kanawatoba awane.

Yeso‑ka yo‑yose mai tamine 11:21

Bara mai‑ya Yeso tamine‑ya mai hiyara, ai‑ka Ayo mai‑ya kasome, Yeso ati‑ya mai dami nofawaha,

Yeso‑ka yo‑yose mai tamine 13:43

Mai toka, mai nowati‑ya Baoro mai‑ya mai one dabamake, Yodeo mai one toha, Bara mai one toha na, Baoro mai‑ya mai dabamake, mai‑ya Baoro mai hiyara, “Deoso ati‑ya dai ati kadamowamariyahi. Deoso ati amose dai nofahi.” Baoro, Banabe mai ati namoneni.

Yeso‑ka yo‑yose mai tamine 13:46

Baoro, Banabe, mai fama mai ati fawani awira, “Yodeo dai toha, Deoso ati ene dai oda hiyari baha, dai ati a‑arira, Deoso ati dai nofara, Deoso tabaro‑ya dai wini awirabone, dai abi ohareboneni. Dai ati ene Bara mai‑ya oda tokiya, mai oda hiyarawahaboneni.

Yeso‑ka yo‑yose mai tamine 13:5

Sibe‑ka sidadi one Saramina toha‑ya mai kobona, Yodeo mai hi‑hiyara‑ke yobe‑ya mai tokiyoma, Deoso ati‑ya mai hiyarineni. Yowaho Maroko mai‑ya dabane, mai‑ya kasomebonaha.

Yeso‑ka yo‑yose mai tamine 13:51

Baoro mai tame mekori‑ya mai nanahaba, “Oda teme mekori oda nanahabi‑nima dai abawahaboneni, Deoso ati dai nofararo.” Mai ati na. Ikoniyo‑ya mai towakawahamoneni.

Yeso‑ka yo‑yose mai tamine 14:19

Atioki‑ka mai toha, Ikoniyo‑ka mai toha na, mai kamake, mai‑ya mai hiyara, “Baoro mai ati kasira, mai ati dai mitariyahi.” Mai ati na, mai ati‑ya mai mita, yati‑ya i‑di Baoro‑ya mai baana, mai hinahabe, “Abe amanakani.” Mai ati na, tabora awiri‑kaya Baoro horoniya mai tokamoneni.

Yeso‑ka yo‑yose mai tamine 14:2

Yodeo mai one Yeso ati‑ya mai nofara, iha‑nima mai ati toha, Baoro mai tamine‑ya keyehe‑ya mai hirina, mai ati ihi Baoro mai ati‑ya Bara mai nofaramoneni.

Yeso‑ka yo‑yose mai tamine 14:21

Derebi‑kaya Yeso Ati Amosabote‑ya mai kamina, mai ati ihi, Yeso ati‑ya mai dami nofawaha, makobote Risita‑ya mai tokomatasa, Ikoniyo‑ya mai tokomatasa, Atioki‑ya mai tokomatasa, mai namoneni.

Yeso‑ka yo‑yose mai tamine 16:1

Derebi‑ya Baoro mai towaka, Risita‑ya mai towakawaha, Risita‑ya Timoti wine. Timoti madi Yeso ati‑ya no‑nofa, Yodeo toha, badi‑ta Kereko toha nemonane.

Yeso‑ka yo‑yose mai tamine 16:2

“Timoti ene amosatene.” Yeso‑ka mai ati na. Risita‑ka mai, Ikoniyo‑ka mai na, Timoti‑ya mai nofamoneni.

Yeso‑ka yo‑yose mai tamine 17:12

Yodeo mai dama mai toha, Kereko mai‑ka hidi fana mai toha, makidi mai toha na, Yeso ati‑ya mai nofawahamoneni.

Yeso‑ka yo‑yose mai tamine 17:17

Mahi‑nima Deoso yokana tamine‑ya mai‑ya hiyaranadi, mai‑ka tabora bai‑ya mai yorotokana, mai‑ya hiyare, Sabado‑ya Yodeo mai toha, Deoso ati‑ya mai no‑nofa mai toha na, Deoso‑ya Yodeo mai hi‑hiyara‑ke yobe‑ya mai yorotokana, mai‑ya hiyaremonane.

Yeso‑ka yo‑yose mai tamine 17:4

Baoro ati‑ya Yodeo mai one nofa, Baoro‑ya mai sawimake, Kereko mai dama Baoro ati‑ya mai nofa, mai fanawi hidi toha, Baoro ati‑ya mai nofa na, Baoro, Sira mai fama mai‑ya mai sawimakemoneni.

Yeso‑ka yo‑yose mai tamine 18:4

Sabado‑ya Deoso‑ya Yodeo mai hi‑hiyara‑ke yobe‑ya tokatene. Yodeo mai toha, Kereko mai toha na, mai‑ya hiyaratene, yama‑ya mai watowahabonehe.

Yeso‑ka yo‑yose mai tamine 18:8

Deoso‑ya mai hi‑hiyara‑ke yobe hidi i‑di Kirisibo, hika mai nafi eyehe Yeso ati‑ya mai nofawaha, Korito‑ka mai dama Baoro ati‑ya mai mita, Yeso ati‑ya mai nofa, mai mai habahinirisawahani.

Yeso‑ka yo‑yose mai tamine 19:10

Faha fowe fama‑ya Baoro mai‑ya hiyaranadi, mai‑ya hiyaranadine. Asiya‑ya mai wi‑wina mai nafi Yeso tamine‑ya mita, Yodeo mai toha, Bara mai toha na, Yeso tamine‑ya mai nafi mitamoneni.

Yeso‑ka yo‑yose mai tamine 19:17

Yodeo mai toha, Kereko mai toha, Efesiyo‑ya mai wina, Sefa bidi mai tamine‑ya mai mita, mai habi siitona, Yeso‑ya mai ati nakitawahamoneni.

Yeso‑ka yo‑yose mai tamine 19:8

Deoso‑ya Yodeo mai hi‑hiyara‑ke yobe‑ya Baoro tokiyome, mai‑ya hiyare, abariko fama abariko owa oharimaki ne‑ya mai‑ya hiyaranadi, “Owati dai mitahi. Deoso‑ka Ka‑kadika kobone, ai‑ka Hidi amane.” Baoro ati nane, habo kiteri.

Yeso‑ka yo‑yose mai tamine 2:47

Deoso‑ya mai kahiyaranade, mai ihi amosa, mai‑ya mai dami nofa, mai‑nima Yeso ati‑ya mai one nofamake, mai‑ya mai dabamakineni.

Yeso‑ka yo‑yose mai tamine 20:21

Yodeo dai one toha, Kereko dai one toha na, dai nafi ohiyara, ‘Ai‑ka Ayo Yeso ati dai nofabone, Deoso‑ya dai‑ya dai kaminahi.’ Oteni.

Yeso‑ka yo‑yose mai tamine 21:28

Mai ibi haana, “Isara·eo‑ka nodi dai toha, oda dai kasomahi. Hai, mai tabori dami‑ya toke, mai‑ya hiyare, ‘Mose ati‑nima dai rihi, Yodeo mai‑nima dai rihi, Deoso tabaro‑ya dai tokarihi dai nahi.’ Ati tene. Fare ahi‑ya Deoso‑ka yobe‑ya Kereko mai‑ya kakame ene Deoso ati yawawahane.” Mai ati namaroni.

Yeso‑ka yo‑yose mai tamine 9:20

Deoso‑ya mai hi‑hiyara‑ke yobe‑ya i‑di Saoro Yeso tamine‑ya hiyare, “I‑di Yeso, Deoso Bidi amane.” Ati ne.

Homa 1:16

Yeso Kirisito Ati Amosabote okamina, owa habo siitora, owa habo kitabisa, ya‑yai·oneni. Deoso kitabote tohe, ati ene Yeso Kirisito Ati Amosabote‑ya ai nofa, ai‑ya ati somawamatene. Yodeo Yeso tamine‑ya mai miti baha, Bara Yeso tamine‑ya mai mitamakinineni.

Homa 10:12

Yodeo mai‑nima Bara mai na, mai‑ka hidi i‑di Yeso Kirisito tohe‑ya mai haana, fara hinama mai‑ya kasomi nafi tene.

Karatiya 2:3

Tito owa‑ya sawi, Yodeo tohi awirene, Kereko amane. Yodeo mai‑nima ni awirene, sowiri tati ataro wisinakosi awiremarine. “Sibarane.” Mai ati namaroni. Owa‑ya mai weeni awiramaroni.

Karatiya 3:28

Ai hinama tohawahineni. Yeso‑ka ai nafi tohawahani. Yodeo ai one toha, Bara ai one toha, ai one‑ya mai kanika, ai one‑ya mai kanikarihi mai namaroni. Maki mai toha, mai fanawi toha na, Yeso‑ka ai nafi tohawahineni. Yeso Kirisito ati ai nofa, ai hinama tohawahineni.

Koroso 3:11

Deoso ati‑ya ai no‑nofa Kirisito ene fara hinama ai tohawaha, Yodeo dai one toha, Bara dai one toha namaro, dai one sowiri tati ataro‑ya mai wisinakosa, dai one sowiri tati ataro‑ya mai wisinakosarihi, dai one oda ati‑nima ati nihi, dai one ati bara toha, dai one yama yaki‑ya wina, dai one ahiyata‑ya wina na, dai one‑ya mai kanika, dai one‑ya mai kanikarihi namaroni. Yeso Kirisito ai atibodi‑ya sawiwahe, ene fara hinama ai tohawahineni.

Timoti yoto‑ke 3:11

Atioki‑ya owa‑ya mai wee, Ikoniyo‑ya owa‑ya mai wee, Risita‑ya owa‑ya mai weenamaro, owa tiwatoneni. Owa‑ya mai bisinamaro, Ai‑ka Ayo Yeso owa‑ya kasome, hasinasa oneni.