Yeso‑ka yo‑yose mai tamine 13:6 - Deoso-ka Yama Hani

⁶ Sibe‑ka tabora dama‑ya mai yakana, sidadi one oni Bafo‑ya mai kobona, Bafo‑ya i‑di Bayeso‑ya mai awa, Bayeso Yodeo mai‑ka inawa tohe, Deoso ati‑ya mi‑mita‑mona ati ne, keyehe‑ya hi‑hiri amane. Bayeso oni fame, oni owa Erima tohane.

Yeso‑ka yo‑yose mai tamine 13:6 ပူးပေါင်းရင်းမြစ်များ

Mateo 16:17

“Simaho, Yona bidi amatini. Ya‑yaitinahi. Owa tiwatobisineni. Bofe‑ka mai ihi tohi awira, Okobi neme‑ke ene yama tiwatowahani.

Mateo 24:24

‘Deoso‑ka Ka‑kadika ama·oni.’ Mai one ati naboneni, keyehe‑ya mai hirinaro. ‘Deoso ati‑ya mi‑mita ama·oni.’ Mai one ati nihi naboneni. Mai ihi kiti nafeboneni, Deoso‑ka dai toha, mai‑ka keyehe‑ya dai nofabonehe.

Mateo 7:15

“Dai noko wadahi. ‘Deoso ati‑ya mi‑mita oda amani.’ Mai one ati naboneni. Deoso ati‑mona mai ati na, keyehe‑ya mai hirina, Satanasi ati‑ya mai kaminabisateni.

Maroko 10:46

Sidadi oni Yeriko‑ya mai kobona, Yeriko‑ya mai fiyakanabone, Yeso hika mai da‑daba mai toha, mai one dama mai toha na, Yeriko‑ya mai fiyakani yanatoniya, maki ati yananemarine. Maki noko towe tohe, oni Batimeo tohe, badi oni Timeo toha nemarine. Batimeo hiniya mai‑ka yinero‑ya haane, hawi fowari‑ya itemarine.

Yeso‑ka yo‑yose mai tamine 13:13

Bafo‑ya maboro‑ya Baoro mai foya, Banafiriya sidadi oni Beki toha‑ya, Yowaho Maroko maaname, Yerosare‑kaya winitonamemonane.

Yeso‑ka yo‑yose mai tamine 13:8

Banabe mai ati‑ya Inawa i‑di Erima nofare, “Seoso Baoro, mai ati tinofariyahi.” Erima ati nemonane.

Korito yoto‑ke 11:13

Kirisito‑ka yo‑yose mai tohara, Kirisito‑ka yo‑yose hini mai‑ya mai tonihe, keyehe‑ya mai hiriteni.

Timoti yoto‑ke 3:8

Hibati‑ya i‑di Yani, i‑di Yabiri mai fama, i‑di Mose‑ya mai weena, fara mai‑nima mai nawawahineni. Deoso ati‑ya mai nofara, yama towe‑ta‑ya mai atibodi nofa, Deoso ati mai watorani.

Yowaho daidi 4:1

Soho, owati dai mitahi. Deoso‑ka yo‑yose mai ati‑mone mai ati na, mai ati dai kadika, mai ati dai wataboneni. Deoso ati yokana tohe dai wato, Deoso ati tohare dai wato, dai naboneni. Deoso‑ka yo‑yose ati‑mone mai dami ati na, ati bare‑ya mai kaminabisineni.

Yeso Kirisito ene‑bona 19:20

Mai kiti awirani. Bani Hame faha‑ke toha, Deoso ati‑ya mi‑mita‑mona ati ne toha, mai na, mai‑ya mai wata, mai‑ya mai nanahabi awira, hiniya wara hirini‑ya yati hirini sawini‑kaya mai‑ya mai korotoniki amani. Deoso ati‑ya mi‑mita‑mona ati ne, hiniya keyehe‑ya hi‑hiri, ene kite bofe‑ka mai awiya, hika keyehe mai hikadabamaroni. Bani Hame faha‑ke‑ka yo‑yose amane. Keyehe‑ya hi‑hiri ene Bani Hame faha‑ke oni korimari‑ya bofe‑ka mai kobobokanihe, Bani Hame faha‑ke korimari‑ya mai kahiyara namaroni.