Yeso‑ka yo‑yose mai tamine 13:52 - Deoso-ka Yama Hani

⁵² Yeso ati‑ya mai no‑nofa, Deoso‑ka Doni mai‑ya sawi ene mai ya‑yainamoneni.

Yeso‑ka yo‑yose mai tamine 13:52 ပူးပေါင်းရင်းမြစ်များ

Mateo 5:12

Deoso ati‑ya mai mi‑mita‑mete mai‑nima dai na, fara hibati‑ya mai‑ya mai bisinaharemeteni. Dai ya‑yainahi. Deoso dai‑ya kasomebona, neme‑ya dai ene manakone nafe dai kayafaboneni.” Yeso ati nemarine.

Yeso‑ka yo‑yose mai tamine 11:29

Yeso ati‑ya mai no‑nofa mai ibi hiyara, “Yodeya‑ya mai wi‑wina mai tafe wadara. Mai‑ka yinero‑ba ai daanahi. Mai tafe‑ba‑ya mai kanikibakaro.” Mai ati namoneni.

Yeso‑ka yo‑yose mai tamine 2:4

Deoso‑ka Doni mai atibodi‑ya sawiwahe, hibati‑ya mai one ati‑ya mai watora, Deoso‑ka Doni ene mai one ati‑ya mai hiyarawahamoneni.

Yeso‑ka yo‑yose mai tamine 2:46

Mahi‑nima Deoso‑ka yobe‑ya mai yorotokana, Deoso‑ya mai hiyara, tabora‑ya mai tokoma, mai tafe‑ya mai ebena, mai nafi ya‑yainawahani. Yama‑ya mai da‑daa mai ya‑yai, yama‑ya mai kayafa, mai ya‑yai namoneni.

Yeso‑ka yo‑yose mai tamine 4:31

Deoso‑ya mai hiyari hawa toha, mai yorotokani‑ke yobe henene, Deoso‑ka Doni mai nafi‑ya sawi ene Deoso ati‑ya mai kamina, mai habi siitonami awiramoneni.

Yeso‑ka yo‑yose mai tamine 5:41

Yeso‑ka yo‑yose mai toka, mai ya‑yaina, “Yeso‑nima oda nawaha, oda‑ya mai bisinamakineni.” Mai atibodi ati na. Mai ya‑yainamoneni.

Homa 14:17

Deoso ai‑ka hidi tohe, yama ai kaba, yama ai fawa na ihi Deoso ya‑yaini awirihi, yawi awirihi nane. Deoso‑ka Doni ai‑ya sawi, ai ene amosa, ai ati soma, ai ya‑yai na ene Deoso ya‑yaitene.

Homa 15:13

Dai tamine Deoso‑ya ohiyarateni. Yama‑ya Deoso dai‑ya daanebona ati ne dai nimaniya, Deoso ene dai atibodi dai‑ya ati soma, dai habo siitora, dai ya‑yaina, Deoso‑ka Doni kite ene Deoso ati‑nima yama nabone dai watowahaboneni.

Homa 5:3

Hibayata Yeso ati‑ya ai no‑nofa, Yeso ati‑ya mai nofara ai‑ya mai kaka, ai‑ya mai bisi na, fara mai ihi ai yawara ai ya‑yainibisa, ai komene ene ai habo kiti ba‑basi nabone ai watoneni.

Korito yoto‑ke 8:2

Mai mai bisihina, Deoso ati‑ya mai nofasa na, mai ya‑yainineni. Mai‑ka yama bide toha, mai atibodi ya‑yaina, mai one yama‑ya kihara mai‑ka yama bide kote‑bone ba‑basi na‑ya mai daanani.

Karatiya 5:22

Deoso‑ka Doni ai‑ya sawi, ai atibodi yati toha, Deoso‑ka Doni ene eya ai teni. Ai ibi nofa, ai ya‑yai, ai atibodi ai‑ya weerihi, ai atibodi ati somabisateni. Ai ati yawa kanibote rihi, ai ibi kasoma, Deoso ati ai tokadaba ai na, yama amosa teni, ai ati‑nima ai teboneni.

Tesaronika daidi 1:6

Oda‑nima dai nawaha, i‑di Yeso‑nima dai nawahamaroni. Yeso ati dai no‑nofa, dai‑ya mai bisina, dai yawara, dai ya‑yaina, Deoso‑ka Doni dai‑ya sawi ene dai ya‑yainawahamaroni.

Tiyako 1:2

Oka dai toha, yama amosara dai‑ya kobona, dai yawara, dai ya‑yainibisahi.

Bedoro daidi 4:13

Dai ya‑yaina, Kirisito‑nima dai nawaha, makobote Yeso Kirisito amosabote kamatase‑ya dai awiya, dai ya‑yaini nafeboneni.