Yeso‑ka yo‑yose mai tamine 13:43 - Deoso-ka Yama Hani

⁴³ Mai toka, mai nowati‑ya Baoro mai‑ya mai one dabamake, Yodeo mai one toha, Bara mai one toha na, Baoro mai‑ya mai dabamake, mai‑ya Baoro mai hiyara, “Deoso ati‑ya dai ati kadamowamariyahi. Deoso ati amose dai nofahi.” Baoro, Banabe mai ati namoneni.

Yeso‑ka yo‑yose mai tamine 13:43 ပူးပေါင်းရင်းမြစ်များ

Mateo 23:15

Ka! Mose‑ka yama hani ati‑ya dai ka‑kamina dai toha, fariseo dai toha na, dai ati kasiroteni. Dai ene manakone wadani. Tabora dami‑ya dai toka, hawi‑ya dai toka, faha kowani‑kaya dai toka, dai teni, dai‑nima mai one nawahabonehe. Satanasi ati dai nofa, dai ati ene Satanasi ati‑ya mai nofi ba‑basi neni.

Yeso‑ka yo‑yose mai tamine 11:23

Atioki‑ya kobone, mai‑ya awe, ya‑yaine, “Deoso mai‑ya kasomane.” Atibodi ati ne. “Ai‑ka Ayo i‑di Yeso ati‑nima dai nahi, dai nafi.” Ati nemonane.

Yeso‑ka yo‑yose mai tamine 13:50

Yodeo mai ati ihi sidadi‑ka hidi fana mai toha, hidi makidi mai toha na, mai ati yawa, mai ihi mai nafi ati yawa, mai ihi tabora bara‑kaya Baoro, Banabe mai towakawahani.

Yeso‑ka yo‑yose mai tamine 14:22

Baoro mai ati ihi Yeso ati‑ya mai nofa mai atibodi kitamamoneni. Mai‑ya hiyare, “Dai‑ya mai bisina, Yeso ati‑ya dai nofasa nahi, Deoso hawine‑ya ai sawe, ai‑ya mai bisina, ai habo siitoriyahi.” Mai ati namoneni.

Yeso‑ka yo‑yose mai tamine 14:3

Ikoniyo‑ya mai wina mai amoni dami‑ya, Yeso tamine‑ya mai hiyara, Deoso mai‑ya kasome, Baoro mai ihi kita‑ya mai awa, mai‑ya mai nakitamineni. Deoso ene tohe‑ya mai watowahamoneni.

Yeso‑ka yo‑yose mai tamine 16:14

Fana ohare oni Ridiya toha, tabori bote oni Tiyatira tohateni. I‑di Ridiya bora amosa‑ya da‑daa, yinero‑ya kanikateni. Deoso‑ya nofa, Yeso tamine‑ta wato awisara. Baoro Yeso tamine‑ya kamine, ati‑ya Ridiya mita, Yeso ati‑ya nofawaha,

Yeso‑ka yo‑yose mai tamine 17:17

Mahi‑nima Deoso yokana tamine‑ya mai‑ya hiyaranadi, mai‑ka tabora bai‑ya mai yorotokana, mai‑ya hiyare, Sabado‑ya Yodeo mai toha, Deoso ati‑ya mai no‑nofa mai toha na, Deoso‑ya Yodeo mai hi‑hiyara‑ke yobe‑ya mai yorotokana, mai‑ya hiyaremonane.

Yeso‑ka yo‑yose mai tamine 17:34

Baoro ati‑ya mai nofa, Baoro‑ya mai sawi, Are·obako‑ka mai‑ka owa i‑di Dionisiyo toha, fana i‑di Damari toha, mai one fa‑famaraba na toha, Baoro‑ya mai sawi, Yeso ati‑ya mai nofawahani.

Yeso‑ka yo‑yose mai tamine 17:4

Baoro ati‑ya Yodeo mai one nofa, Baoro‑ya mai sawimake, Kereko mai dama Baoro ati‑ya mai nofa, mai fanawi hidi toha, Baoro ati‑ya mai nofa na, Baoro, Sira mai fama mai‑ya mai sawimakemoneni.

Yeso‑ka yo‑yose mai tamine 18:7

Bara mai‑ya Baoro toke, Deoso‑ya Yodeo mai hi‑hiyara‑ke yobe fowari‑ya Titiyo Yosito‑ka yobe waari‑ya tokane. Titiyo Yosito Deoso‑ya kahiyaratene.

Yeso‑ka yo‑yose mai tamine 2:10

Firikiya‑ka mai ati‑nima ai owa ati nihi, Banafiriya‑ka mai ati‑nima ai owa ati nihi, Eyito‑ka mai ati‑nima ai owa ati nihi, Ribiya tabora kote‑ya Sireni tabora toha, Sireni yakari‑ka mai ati‑nima ai owa ati nihi, Homa‑ka mai ati‑nima ai owa ati nihi,

Yeso‑ka yo‑yose mai tamine 28:23

Mai kamatasi‑bone‑ka mahi tamine‑ya Baoro‑ya mai kamineni. Mai ati kami‑ke mahi kobone, mai one mai‑ya sawe, Baoro wini‑kaya mai kobona, yama wahabisari‑ya Baoro mai‑ya hiyari yanakane, Deoso tabaro tamine‑ya hiyare, Yeso tamine i‑di Mose hikanahanomata‑ya mai‑ya yofikana, Deoso ati‑ya mai mi‑mita‑mete Yeso tamine mai hikanahanomata‑ya mai‑ya yofikana nane. Mahi toke‑ya ati fawanemarine.

Yeso‑ka yo‑yose mai tamine 6:5

Mai ati‑ya mai mita, mai ya‑yaina, mai 7 kana mai‑ya mai kadika, i‑di Tefaho‑ya mai kadiki dai toha, Tefaho Yeso ati‑ya nofi nafi, Deoso‑ka Doni ati‑nima ene ne, Firibi, Bokoro, Nikano, Timaho, Bamena, Nikorao mai na, mai‑ya mai kadikamoneni. Nikorao Bare tohe, tabaro oni Atioki tohemata, Yodeo mai‑ya sawimari, sawine.

Homa 11:6

Hibati‑ya Deoso ai‑ya nofe, ai‑ya kadikematane. Deoso hini ene amane. Ai ene ai‑ya kadike‑mana, hini ene tohare nane.

Homa 3:24

Ai nafi ene amosara, ai ene manakone wadasa na‑mani, ai aba neni. Deoso ai‑ya kasomebona, Bidi‑ya yosematane, ai manakone‑ya nanahabebonaha. Ai manakone‑ya Yeso Kirisito nanahabe, ati ai nofeya, Deoso ai‑ya ati somawame, Deoso ati ene ai manakone wadamarani.

Homa 5:2

Deoso‑ya ai tamine‑ya Yeso Kirisito hiyare, “Abi, tika mai tiawahi. Mai manakone onahaba, owati‑ya mai nofawaha, tika dao mai tohawahani.” Ati tene. Deoso ai‑ya kasomi fawatere, tabaro‑ya ai winamakebone, ai ya‑yainineni.

Homa 5:21

Ai ene towe manakone ai nafi ababone Deoso ai‑ya kasome, ai‑ka Ayo Yeso Kirisito ene amosabote ene ai‑ya Deoso ati somawame, Yeso ene amose‑nima ai ene na, Deoso ai‑ya awawahe, Deoso tabaro‑ya, ai nafi winawahaboneni.

Korito yoto‑ke 5:11

Yeso Kirisito ene kite, ati dai tokadabare, yofinatene. “Yeso ati dai nofa, ati dai tokadaba, dai naho.” Oda ati teni. Ai atibodi ati‑ya Deoso wato, oda ene amosa dai atibodi wata awineni.

Korito yoto‑ke 6:1

Deoso oda‑ya yosemarine, dai oda hiyarabonehe. Deoso dai kasomi‑ya nofe, ati dai nanahabarayaho.

Karatiya 5:1

Yeso Kirisito dai manakone‑ya nanahabemari, ati dai nofe, Deoso‑ka dai toha, dai noko wadahi. Dai‑ya mai yaditonamatasariyahi.

Karatiya 5:4

Yeso dai manakone nafi‑ya nanahabare‑mana, dai sowiri tati ataro‑ya dai manakone kote dai nanahababone dai ati na, Yeso Kirisito‑ka dai toharamone owatibodi ati ni neni.

Efesiyo 2:8

Ai aba‑nima ai namaro, Deoso ai‑ya nofi nafi hini ene ai‑ya kasome, Yeso ati ai no‑nofa, ai atibodi‑ya Deoso‑ka Doni sawiwahe, Deoso tabaro‑ya ai winabone, hini ai ene ai tohi awira, Deoso ene amane.

Firibo 3:16

Hibati‑ya Deoso ati ai tokadabamaro, Deoso ati ai tokadabasahi.

Firibo 4:1

Oka soho dai toha dai onofa, dai‑ya owati foya, dai ene ya‑yai·oneni. Dai tamine ohiyarateni. Owati dai kadika, Yeso dai‑ya sawi, Deoso ati dai tokadabiyahi.

Koroso 1:23

Dai ene amosawama, Kirisito ati dai tokadaba, Deoso Ati Amosabote ati dai mitemari, ati dai nofi faware, dai habo siitorihi na, dai ene Deoso ya‑yainebonane. Deoso Ati Amosabote okaminamaro, ati dai mitemarine. Deoso ati‑ya mai nafi mitawahineni. Bofe‑ya mai wi‑wina mai nafi Deoso ati‑ya mai mitawahineni. Yeso‑ka yo‑yose ama·oni, Deoso ati okaminabonehe.

Koroso 1:28

Mai dami‑ya Yeso Kirisito tamine oda hiyara, Deoso oda kasome, mai oda kanawata, Kirisito kameya, “Ayo Yeso, mai tiawahi. Tiwati mai nofa, tiwati‑nima mai namaroni.” Oda ati naboneni. Kirisito ati nafi oda kamine, ati‑nima dai naboneni.

Tito 2:11

Hibati‑ya ai ene amosara, Deoso ai‑ya kasome, ai nafi manakone‑ya Yeso nanahabemarine. Yeso ati ai nofa, Deoso tabaro‑ya ai winabone, ai abateraboneni.

Ebereo 12:15

Dai noko wadahi. Deoso dai‑ya kasomebona ati ne, dai ene amosanadira, dai‑ya kasomi awirebonane. Dai ati bida toha ene mai ibi nofaraboneni. Mai dami ihi amosaraboneni.

Ebereo 13:9

Yamata bara dai kababone tamine‑ya mai kamina, mai ati‑nima dai na, dai‑ya kasomi nafebone mai ati na, mai ati dai nofariyahi, Yama ai kaba ai atibodi‑ya namosaterani. Deoso ati ai nofa, ai atibodi‑ya kasomabisatene. Yamata bara mai hikaba, mai atibodi‑ya kasomaterani.

Bedoro daidi 5:12

Oka soho, i‑di Sira owati‑ya kanahanone, dai kadikabonehe. I‑di Sira Deoso ati‑ya nofe, Deoso ati‑ya tokadabatene. Owati dami awirini. Owati fa‑famaraba nineni, dai okasomabonehe. Deoso ati‑ta dai‑ya okamine, Deoso ati‑nima yama teni. Ati dai tokadabayaho.

Bedoro yoto‑ke 3:14

Soho, dai ene‑ya Yeso kadikebona, yama dai nimana, dai noko wadahi, dai atibodi yati kabatata rabonehe. Dai atibodi dai‑ya weera, dai ibi ati somiyahi.

Yowaho daidi 2:28

Oka madehe‑nima dai na, owati dai mitahi. Kirisito ati‑nima dai ene na, makobote kamataseya, dai ya‑yainaboneni. Yeso ati‑nima mai ihi ra, Kirisito kamataseya, mai kananaboneni, mai habi siitonaro.

Yowaho yoto‑ke 1:9

Yama nafi‑ya mai watobisamone mai ati na, Kirisito ati‑ya mai tokadabara, Deoso mai‑ya sawiterene. Kirisito ati‑ya mai tokadaba, Deoso mai‑ya sawi, Deoso Bidi mai‑ya sawi tene.