Yeso‑ka yo‑yose mai tamine 13:39 - Deoso-ka Yama Hani

³⁹ Yeso ati ai nofa, ai‑ya Deoso ati somawamatene. Mose‑ka yama hani ati ihi ai‑ya Deoso ati somawamare, Yeso ati ai nofa‑ta Deoso ai‑ya ati somawamatene.

Yeso‑ka yo‑yose mai tamine 13:39 ပူးပေါင်းရင်းမြစ်များ

Roka 10:25

Makobote Mose‑ka yama hani ati‑ya ka‑kanawato Yeso‑ya kaki, “Owa ene Yeso ati tosawaribonane.” Atibodi ati ne, Yeso‑ya hiyare, “Yeso, hini yamata‑nima owa ene nibati, ai abaterabone‑kaya osawebonehe?” Ati nematane.

Roka 10:28

“Fara amani. Tiwati‑nima tiniya, ai abaterabone‑kaya tisaweboneni.” Yeso ati nematane.

Roka 18:14

Ene manakone Deoso haahinamarebonane. Fariseo ene manakone wadanasa nane. Hini mai‑ya mai kahiyara, Deoso ati ene mai mai hinofaraboneni. Hini ai‑ya ai nokotoniriya, Deoso ati ene ai‑ya mai kahiyarawahaboneni.” Yeso ati nematane.

Yowaho 1:17

Ai ene towe manakone‑bone tamine‑ya Mose kanahanomatamonane. Yeso Kirisito ene amose, ai ene towe manakone‑ya nanahabe, Yeso Kirisito ene Deoso ai watowahamaroni.

Yowaho 5:24

Owati amosabote dai mitahi. Okobi owa‑ya yosemarine. Owati‑ya mai mita, Okobi ati‑ya mai nofa, mai abateraboneni. Mai ihi towe manakone oda haarabone, mai kome fawarabone‑ka mai tohami awirini, mai abarabone‑ka mai tohabisineni.

Yeso‑ka yo‑yose mai tamine 10:43

Hibati‑ya Deoso ati‑ya mai mi‑mita‑mete Yeso tamine‑ya mai kanahanameteni. Ati mai hinofeya, Deoso mai‑ya ati somawamebona mai ati nameteni.” Bedoro ati nemonane.

Homa 10:10

Yeso ati‑ya ai atibodi nofa, Deoso ai‑ya ati somawamatene. “Yeso oka hidi amane.” Ai ati na, Deoso‑ka ai tohateni.

Homa 10:4

Mose ati‑ya mai tokadababone mai ati na, Mose ati nafi‑ya mai tokadabara ene Mose ati mai‑ya barikane, Deoso tabaro‑ya mai koboraboneni. Yeso ati‑ya mai nofa, Mose ati mai‑ya barinami awirebona, Deoso mai‑ya ati somawamatene.

Homa 3:19

Deoso‑ka yama hani ihi ai nafi ene amosara ai watowahineni. Bara mai atibodi‑ya Deoso hini ati‑ya kanahanomata, ati‑ya mai tokadabarihi, Mose ati‑ya Yodeo mai tokadabarihi mai na, ai nafi ene‑ya Deoso kadikeya, eya ati nebonane. “Owati dai tokadabarani.” Deoso ati neya, “Hehe, towe oda amani. Tiwati oda tokadabaterani.” Ai nafi ati naboneni.

Homa 3:20

Mose ati‑ya ai ati tokadaba, ati nafi ai tokadabare, Deoso ai‑ya ati somawami awirane. Mose ati ai kadika, ai ene towe‑ya ai watowahateni.

Homa 4:15

Hibati‑ya Deoso ati‑ya i‑di Mose kanahanomatane. Ati hikanahano awire‑mana, ati ai nanahabare nane. Deoso ati ai nanahabare‑mana, yaware nane.

Homa 4:24

Abaraho tamine‑ya mai kanahanamete Deoso ati ai no‑nofa ai‑ya kasomaharibona ai watonane. Ai‑ka Ayo i‑di Yeso Kirisito‑ya Deoso nakitamemata, ati ai nofe, ai‑ya ati somawame, ai‑ya kasomaharibonane.

Homa 5:1

Yeso ati‑ya ai no‑nofa Deoso ai‑ya ati somawame, ai‑ka Ayo i‑di Yeso Kirisito ai manakone‑ya nanahabe ene ai manakone wadamara, Deoso ai‑ya ati yawamare, ai‑ya ati somatene.

Homa 5:20

Deoso ati i‑di Mose hikanahanomata, ati ai tokadabare, ai ene amosara manakone tonafe, Deoso ai‑ya kasomare‑mana, ai aba neni. Ai ene amosara manakone‑ya Yeso nanahabe, ai ene manakone‑ya fiyakanematane.

Homa 5:9

Yeso abe, emene tokafodo ene Deoso ai‑ya ati somawame, Yeso ene Deoso ai‑ya ati yawamaterebonane.

Homa 8:1

Hibayata Yeso Kirisito ati ai no‑nofa Yeso‑ka ai toha, Deoso ai‑ya yawi awire, ai manakone amosara‑ya daani awirebonane.

Homa 8:3

Ai atibodi bote‑ya Mose ati namosaterene. Ai tabaro‑ya Deoso hini Bidi‑ya yose, ai abano‑nima Yeso abano ne, ene amose hinama, ai ene towe manakone‑ya nanahabematane. Ai atibodi yati‑ya Mose ati daaterene. Deoso‑ta ai atibodi yati‑ya daane, ai ene amosawama, yama towe ai nokotonimaraboneni.

Homa 9:31

Isara·eo‑ka nodi Deoso ati‑ya mai kayafameteni, mai ihi amosabonehe. Mose ati‑ya mai tokadababone mai ati na, ati mai hikadabarene. Mai ati‑nima mai ni awira, mai ihi Deoso mai‑ya ati somawami awire, Deoso‑ka mai tohi awirani.

Korito daidi 6:11

Hibati‑ya mai ihi‑nima dai ene namaro, ai‑ka Hidi i‑di Yeso Kirisito dai manakone‑ya nanahabe, dai manakone wadamara, Deoso‑ka Doni dai atibodi‑ya namosawahemarine.

Karatiya 2:16

Bedoro, I‑di Mose ati‑ta ai ati tokadaba, Deoso ai‑ya ati somawamaterene. Yama tiwatoneni. Yeso Kirisito ai manakone‑ya nanahabe, ai‑ya hiyare, ‘Owa ene‑ta Deoso dai‑ya ati somawamebonane. Owati dai nofa, dai sibaraboneni. Deoso dai‑ya ati somawamebonane.’ Yeso ati nemarine. I‑di Mose ati nafi ai tokadabaterani. Mose ati ene Deoso ai‑ya ati somawamare. Fare Yeso ai manakone‑ya nanahabe, Yeso ati ai nofiya, Deoso ai‑ya ati somawamebonane.” Onamaroni, Bedoro‑ya ohiyararo.

Karatiya 2:19

Mose ati‑nima onabone onamaro, Mose ati nafi okadabara, hini owa ene o·ababoneni. Hibati‑ya Deoso owa‑ya awe, o·aba‑nima onamaroni. Yeso abe, owa manakone‑ya nanahabe, Yeso ene okitamawahani. Deoso ati‑ya noko·onibisaboneni.

Karatiya 3:8

Hibati‑ya Yodeo mai toha, Bara mai toha mai na, mai tamine‑ya Deoso hiyarane Abaraho‑ya. Deoso hini Ati Amosabote‑ya kaminemarine. “Abaraho, tabora dami‑ya mai wi‑wina mai okasomaboneni, mai nafi. Owati tinofa‑nima owati‑ya mai nofiya, mai okasomaboneni.” Deoso ati nemarine. Deoso ati‑ya mai kanahanamaroni, Deoso‑ka yama hani‑ya.

Karatiya 5:3

Owati dai mitahi. I‑di Mose ati ene dai‑ya Deoso ati somawamebona dai ati na, ati nafi dai tokadabaho. Hiniya dai sowiri tati ataro‑ya mai wisinakosa, Mose ati nafi dai tokadabara, Deoso dai‑ya ati somawamarebonane.

Ebereo 10:11

Hibati‑ya mahi‑nima Deoso‑ka yama‑bone‑ya mai da‑daa, bani mai‑ya mai daana mai atibodi‑ya namosi awirameteni.

Ebereo 10:4

Bowi mai ame, bodi mai ame na ihi mai atibodi amosawamara, mai ihi amosara manakone‑ya bani mai ame nanahabaterani.

Ebereo 7:19

Mose ati kote‑ta ai tokadaba Deoso tabaro‑ya ai winaraboneni. Yeso ati ai nofa, Deoso bidi ai tohawaha, Deoso tabaro‑ya ai winabisaboneni.