Yeso‑ka yo‑yose mai tamine 13:32 - Deoso-ka Yama Hani

³² Ai‑ka idi mai‑ya Deoso Ati Amosabote‑ya hiyaremata, fare Ati Amosabote dai‑ya oda kaminineni.

Yeso‑ka yo‑yose mai tamine 13:32 ပူးပေါင်းရင်းမြစ်များ

Roka 1:19

“Kabireo ama·oni. Deoso‑kaya osawiteni. Deoso owa‑ya yosene, ati amosabote tiwa‑ya okaminebonaha.

Roka 2:10

Deoso‑ka yo‑yose mai‑ya hiyare, “Dai habo siitoriyahi. Yama amosa tamine okaminabone, owati dai mita, dai ya‑yainaboneni. Bofe‑ya dai wi‑wina dai nafi‑ya Deoso kasomebonane.

Yeso‑ka yo‑yose mai tamine 10:36

Hibati‑ya Deoso Bidi‑ya yosene, Isara·eo‑ka nodi mai‑ya Ati Amosabote hikaminebonaha. Yeso Kirisito ati‑ya mai nofa, Deoso mai‑ya ati somawamebonane. Fare‑nima Yeso Kirisito ati dai nofa, Deoso dai‑ya ati somawamaharibonane.

Yeso‑ka yo‑yose mai tamine 13:23

Dafi‑ka nodi i‑di Yeso tohe, Deoso ati ene ai nafi manakone‑ya Yeso nanahabane. Hibati‑ya Deoso ati yananemata ati‑nima yama nawahani.

Yeso‑ka yo‑yose mai tamine 13:38

Soho, yama dai watomakihi. Yeso ene Deoso ai‑ya ati somawamatene.

Yeso‑ka yo‑yose mai tamine 14:15

“Haa‑nima dai riyahi, deoso oda tohi awirini. Dai one oda amani. Deoso yokana Ati Amosabote oda kaminabone oda kakamani. Dai‑ka deoso bara hini mai tohiya, dai‑ya mai kasomara, mai‑ya dai kahiyarariyahi. Deoso yokana‑ta dai nofabisahi. Deoso yokana neme‑ya wama, bofe‑ya wama, faha webote‑ya wama, faha abe na, yama nafi‑ya Deoso yokana wama nibisane.

Yeso‑ka yo‑yose mai tamine 26:6

Hibati‑ya oda‑ka idi mai‑ya i‑di Deoso hiyaremata, Deoso ati onofe ene owa‑ya mai ati nanahabi kofinineni.

Yeso‑ka yo‑yose mai tamine 3:19

Deoso‑ya dai‑ya dai kaminawaha, Deoso dai‑ya ati somawame, dai ene‑ya kadikamaterebonane.

Yeso‑ka yo‑yose mai tamine 5:42

Mai ati fawara, mahi‑nima Deoso‑ka yobe‑ya Yeso tamine‑ya mai one‑ya mai kanawato, yobe owa‑ya mai toka, Yeso Kirisito tamine‑ya mai kamina namoneni.

Homa 1:2

Hibati‑ya Yeso kaki awisareya, Deoso ati‑ya mai mi‑mita‑mete Deoso Ati Amosabote‑ya mai mita, Deoso‑ka yama hani‑ya ati mai hikanahanomatane.

Homa 10:15

Deoso mai‑ya yosere‑mana, Yeso tamine‑ya mai kaminara neni. “Yeso Kirisito tamine‑ya mai ka‑kamina mai kobona mai ihi ai ya‑yaiteni.” Deoso‑ka yama hani ati nineni.

Homa 4:13

Hibati‑ya Abaraho‑ya Deoso hiyare, “Abaraho, yama nafi tikayahaboneni. Makobote tika nodi tiwa tabaro‑ya mai kayafaboneni.” Deoso ati ne, “Ati‑nima yama naboneni.” Abaraho ati ne, Deoso ati‑ya nofe, Deoso ati somawame ene Deoso ati‑nima yama na‑ya Abaraho kayafebonane. Abaraho hini ene tohi awirihi, Mose ati ene tohi awirihi ne, Deoso ati‑ya Abaraho nofe ene Deoso ati‑nima yama na‑ya kayafebonane.

Homa 9:4

Isara·eo‑ka nodi oka mai toha, Deoso mai‑ya kadikematane, mai‑ya bidinebonaha. Hibati‑ya kabani‑ya mai yakana, mai hawi‑bone‑ya Deoso wehene mai‑ya yofikanematane. Adami tati‑ya mai‑ya hiyare, ati yokana mai himite, ati i‑di Mose hikanahano‑ya mai kayafa, Deoso ati ene Deoso‑ka yobe‑bona‑ya mai wamanameteni, Deoso‑ya mai kahiyarabonehe. Mai‑ya hiyaramatase, “Oka Ka‑kadika dai‑ka nodi tohebona, dai‑ya kasomebonane. Owati‑nima yama naboneni.” Deoso ati nematane.