Yeso‑ka yo‑yose mai tamine 13:3 - Deoso-ka Yama Hani

³ Deoso‑ka Doni ati ene mahi owa‑ya mai tafara, i‑di Banabe i‑di Saoro mai‑ya mai yahi fore, mai‑ya mai yosemoneni.

Yeso‑ka yo‑yose mai tamine 13:3 ပူးပေါင်းရင်းမြစ်များ

Roka 2:37

i‑di Ana hasinibisa, hika ano 84 tohameteni. Deoso‑ka yobe‑ya i‑di Ana sawi fawara, yama tehe‑ya Deoso‑ya hiyara, yama soki‑ya Deoso‑ya hiyara, tafi nafira, Deoso‑ya kahiyarameteni.

Yeso‑ka yo‑yose mai tamine 1:24

Deoso‑ya mai hiyara, “Abi Deoso, ai atibodi tiwata, ebeni‑ke oda‑ya dabamabati? Ebeni‑ke‑ya tiwati koboniti?

Yeso‑ka yo‑yose mai tamine 13:2

Deoso‑ya mai kahiyara mahi ohari‑ya mai tafarani, Deoso‑ya mai hiyari oharebonehe. Deoso‑ya mai hiyariya, Deoso‑ka Doni mai‑ya hiyarawahe, “I‑di Banabe i‑di Saoro mai fama mai yoronahi. Oka mai toha, mai oyoseboneni, oka yama ani‑ya mai aninabonehe.” Ati nemonane.

Yeso‑ka yo‑yose mai tamine 13:4

Deoso‑ka Doni ati ene Serosiya‑ya mai toka, Serosiya‑ya maboro‑ya mai foya, faha teberi‑ya mai towaka, faha teberi oni Sibe tohateni.

Yeso‑ka yo‑yose mai tamine 14:23

Sidadi‑nima Kirisito‑ka mai toha, mai‑ka webote mai‑bone mai‑ya Baoro mai kadika, mai eyehe Deoso‑ya mai hiyara, mahi owa‑ya Baoro mai tokabone, mai tafarani, Deoso‑ya mai kahiyarabonehe. Mai‑ya Baoro mai hiyara, “Yeso ati dai no‑nofa Deoso dai‑ya kasomayaho.” Mai ati namoneni.

Yeso‑ka yo‑yose mai tamine 14:26

Atariya‑ya maboro‑ya mai foya, tabora webote Siriya‑ka tabora bide oni Atioki‑ya mai towakamaboneni. Hibati‑ya Atioki‑ya mai mai hiyose, Deoso tamine‑ya mai hiyarabone mai towakamete mai hiyari hawa toha, mai winitokanamamoneni.

Yeso‑ka yo‑yose mai tamine 15:40

Baoro i‑di Sira‑ya haanane, mai towakamabonehe. “Deoso dai‑ya sawine.” Kirisito‑ka mai ati namoneni.

Yeso‑ka yo‑yose mai tamine 6:6

Yeso‑ka yo‑yose mai‑kaya mai mai hiwakama, Yeso‑ka yo‑yose Deoso‑ya mai hiyara, mai‑ya mai yahi foremoneni.

Yeso‑ka yo‑yose mai tamine 9:17

Ananiya toke, Yoda‑ka yobe‑ya tokiyome, Saoro‑ya yehe fori, “Soho Saoro, Yeso owa‑ya yosene, hawi‑ya yakatina, tiawemona, fare owa‑ya yose, yama‑ya tiawamatasabone, Deoso‑ka Doni tiwa‑ya sawiwahebonane.” Ananiya ati nemonane.

Homa 10:15

Deoso mai‑ya yosere‑mana, Yeso tamine‑ya mai kaminara neni. “Yeso Kirisito tamine‑ya mai ka‑kamina mai kobona mai ihi ai ya‑yaiteni.” Deoso‑ka yama hani ati nineni.

Timoti daidi 4:14

Hibati‑ya Deoso ati‑ya mai wato ba‑basi na, tiwa tati‑ya mai yahi fore, tiwa tamine‑ya mai hiyara, “Deoso ati ene mai tikanawatohi.” Mai ati namaroni. Mai ati timita, tiwati kadamowamariyahi. Mai ati ihi Deoso tiwa‑ya kasomatene.

Timoti daidi 5:22

Deoso ati‑ya mai hiyarabone mai ati na, mai ihi tiwibaiyahi. Mai ihi amosiya, mai tati‑ya tiwa yehe foriya, “Deoso ati tihiyariyahi.” Tinahi. Mai ihi amosara, mai tati‑ya tiwa yehe foririyahi. Tiwati yanariyahi. Ene amosare tati‑ya tiwa yehe foriya, tiwa‑ya mai awiya, tiwa‑ya mai weenaboneni. “Ene amosare ene‑nima ene nawahene.” Mai ati naboneni. Tiwa ene amosa hinama tohiyahi.

Timoti yoto‑ke 1:6

Hibati‑ya tiwa tati‑ya owa yehe fore ene Deoso tiwa‑ya kasomane yama‑ya tiwatowahabonehe. Tiwa habo kitamaro, Deoso ati tikaminiya, tiwa habo kitasa nahi.

Timoti yoto‑ke 2:2

Owati‑ya dai dami mitamaroni. Yama okanawata, owa‑nima mai tikanawatoyahi. Mai ihi amosa, mai tikanawata, makobote mai one‑ya mai kanawatowahaboneni.

Yowaho faina 1:6

Mai tikasomamone oda‑ya tiwa tamine‑ya mai kaminawahani. Deoso ati‑ya mai ka‑kamina‑bone Bara mai tabori‑ya mai tokabone, Deoso tiwa‑ya kasomi‑nima mai‑ya tikasoma, tiwa ene amosateni.

Yowaho faina 1:8

Deoso ati‑ya ai no‑nofa yinero ai daanibisahi, mai‑ka yinero‑bonaha. Mai ai kasoma, mai manakone amosa kote ai kayafaboneni.