Yeso‑ka yo‑yose mai tamine 13:29 - Deoso-ka Yama Hani

²⁹ yama hani ati‑mete‑nima mai na, hawa tohe, awa‑ya waane‑ya mai idibasa, yati hodi‑ya mai hinafoye,

Yeso‑ka yo‑yose mai tamine 13:29 ပူးပေါင်းရင်းမြစ်များ

Maroko 15:42

Yose Arimateya‑ke Yodeo mai‑ka hidi bidi owa amane. Yose yama‑ya wato, Deoso ai nafi‑ka hidi kitabote tohawahebona‑ya nimanemarine. Yose i‑di Birato‑ya nayofine, yama soki bide‑ya habo kitawame, Birato‑ya tokematane. Sabado yananabone ihi Yeso abo‑ya haanematane.

Roka 23:50

Yose Yodeo mai‑ka hidi bidi owa tohe, ene amose, Deoso ati‑ya nofematane.

Roka 23:53

Yeso abo‑ya i‑di Yose idibase, bora wefe wamani‑ya hikatafematane. Ai temene‑ka yati hodi‑bone mai wamahinamete, fara ai abo nafoyateri‑ka hodi‑ya Yeso abo‑ya nafoyematane.

Roka 24:44

“Hibati‑ya dai‑ya osawe, dai‑ya ohiyara, ‘Owa tamine‑ya Mose kanahano, owa tamine‑ya Deoso ati‑ya mai mi‑mita‑mete mai kanahano, Deoso‑ka wayoma hani‑ya owa tamine‑ya mai one kanahano nameteni. Mai ati‑nima yama naboneni.’ Onamaroni. Fara yama hani mai hikanahanamete ati‑nima yama nineni.” Yeso ati nematane.

Yowaho 19:28

Yama nafi hawa toha, fara Yeso hiwata, ati yanane, “Owa bako hokoni.” Ati nemarine, Deoso‑ka yama hani ati‑nima yama nabonehe.

Yowaho 19:30

Fino‑ya to‑tomine, “Yama nafi hawa tohini.” Ati ne, tati winarise, abemarine.

Yeso‑ka yo‑yose mai tamine 13:27

Deoso ati‑ya mai mi‑mita yama hani mai hikanahanamete‑ya Sabado‑ya mai kadikateni. Yerosare‑ya mai wi‑wina mai‑ka hidi mai toha na, yama‑ya mai kadika, yama hani ati‑ya mai watoramaro, yama hani ati‑nima Deoso‑ka Ka‑kadika‑ya mai nanahaba,

Yeso‑ka yo‑yose mai tamine 2:23

Deoso ati ene Yeso kaki, dai‑ya winemarine. Yeso dai nanahababone dai‑ya Deoso wato, Bidi‑ya yosemari, dai tabaro‑ya Bidi wine, dai ati kasira ene yara awa‑ya mai baahikane, abemarine.

Yeso‑ka yo‑yose mai tamine 26:22

Deoso owa‑ya kasomanadi ene hasi·ona, hidi mai toha, mai ati kita mai‑ya ohiyara, hidi mai tohara, mai ati kitara mai‑ya ohiyara ona, i‑di Mose ati‑mata‑nima yama nawaha, Deoso ati‑ya mai mi‑mita‑mete mai ati‑nima yama nawaha, tamine okamina oteni.

Yeso‑ka yo‑yose mai tamine 4:28

Tiwatomata‑nima mai ihi nawahani. Tika Dao‑ya mai weenabone tinamete, Tika Dao‑ya mai weenawahani.

Yeso‑ka yo‑yose mai tamine 5:30

Awa‑ya Yeso dai baakane, abe, ai‑ka idi mai‑ka Deoso hinakitamemarine.

Korito daidi 15:4

“Yeso abe, mai hikame, amoni fama, amoni ohari ne‑ya Deoso hinakitamane.” Deoso‑ka yama hani ati nineni.