Yeso‑ka yo‑yose mai tamine 13:26 - Deoso-ka Yama Hani
26 Soho, Abaraho‑ka nodi dai toha, Deoso ati dai no‑nofa, dai na, ai manakone‑ya Deoso‑ka Ka‑kadika nanahabebona tamine‑ya Deoso ati‑ya mai mi‑mita‑mete mai kanahanameteni.
‘Abaraho‑ka nodi oda amani. Deoso oda‑ya sarikiterebonane.’ Dai ati riyahi. Owati dai mitahi. Abaraho‑ka nodi mai one‑bone‑ya Deoso ati wamane‑mana, yati‑ya mai‑ya wamane nane.
Mai ihi towe‑maro‑ya mai nofamariya, mai ihi manakone wadamaraboneni. Fare Deoso‑ka Ka‑kadika ene amane. Fare tamine‑ya mai kaminaboneni, Yerosare‑ya. Makobote mai tabori dami‑ya tamine mai hikaminamakibonane.’ Yama hani ati nineni.
Mai toka, mai nowati‑ya Baoro mai‑ya mai one dabamake, Yodeo mai one toha, Bara mai one toha na, Baoro mai‑ya mai dabamake, mai‑ya Baoro mai hiyara, “Deoso ati‑ya dai ati kadamowamariyahi. Deoso ati amose dai nofahi.” Baoro, Banabe mai ati namoneni.
Baoro, Banabe, mai fama mai ati fawani awira, “Yodeo dai toha, Deoso ati ene dai oda hiyari baha, dai ati a‑arira, Deoso ati dai nofara, Deoso tabaro‑ya dai wini awirabone, dai abi ohareboneni. Dai ati ene Bara mai‑ya oda tokiya, mai oda hiyarawahaboneni.
Oda nowati‑kaya fana kamake, mai‑ya haana, “Deoso kitabote yokana‑ka yo‑yose mai toha, mai ati dai tokadaba, dai abiya, Deoso tabaro‑ya dai winaboneni.” Ati namaroni.
Deoso‑ka yama‑bone‑ya mai da‑daa mai‑ka hidi mai toha, ai‑ka hidi mai toha na, mai nafi owa‑ya watoneni. Hibati‑ya yama hani‑ya owa‑ya mai daana, Damaso‑ya yama hani owakama, Damaso‑ya mai wi‑wina, Yeso hawine‑ya mai sa‑sawi Yerosare‑kaya mai owakamiya, Yerosare‑ya mai mai kosihinabone onamaroni.
“Deoso‑ka yobe‑ya mai naha, mai dai hiyarabone, dai tokomahi. Yeso ati‑ya mai nofiya, mai manakone ababone, Deoso mai‑ya ati somawamebona tamine dai kaminiyahi.” Deoso‑ka yo‑yose ati nemonane.
Yeso Kirisito Ati Amosabote okamina, owa habo siitora, owa habo kitabisa, ya‑yai·oneni. Deoso kitabote tohe, ati ene Yeso Kirisito Ati Amosabote‑ya ai nofa, ai‑ya ati somawamatene. Yodeo Yeso tamine‑ya mai miti baha, Bara Yeso tamine‑ya mai mitamakinineni.
Hibayata Yeso Kirisito tamine dai mita, ati dai nofe, hika dai tohawahineni. Deoso Ati Amosabote dai mitamaro, Yeso ati‑ya dai nofa, Deoso‑ka Doni dai‑ya sawiwahe, Deoso‑ka Doni tamine‑ya Yeso hiyare, “Owati dai nofiya, dai atibodi‑ya Deoso‑ka Doni sawiwahebonane.” Ati nematane.