Yeso‑ka yo‑yose mai tamine 13:23 - Deoso-ka Yama Hani

²³ Dafi‑ka nodi i‑di Yeso tohe, Deoso ati ene ai nafi manakone‑ya Yeso nanahabane. Hibati‑ya Deoso ati yananemata ati‑nima yama nawahani.

Yeso‑ka yo‑yose mai tamine 13:23 ပူးပေါင်းရင်းမြစ်များ

Mateo 1:1

Yeso Kirisito‑ka idi mai oni okanahanaboneni. Yeso‑ka idi i‑di Dafi tohe, ai‑ka hidi tohematane. I‑di Dafi‑ka idi i‑di Abaraho tohematane.

Mateo 1:21

Deoso Bidi hiyose, Mariya dori‑ya foye, wadeya, oni Yeso tohebonane. Mai ati kasira mai manakone‑ya nanahabebonane.” Deoso‑ka yo‑yose ati wadarine ati nematane.

Mateo 21:9

Mai one dai toha, mai one yoto na, mai hiyara, mai ati kita, “Oda‑ka hidi i‑di Dafi‑ka nodi oda kahiyarineni. Deoso tiwa‑ya yose, tiwa‑ya kasomayaho, oda ati nineni. Deoso neme‑ya wine, Deoso oda kahiyarineni.” Mai dama mai ati namaroni.

Mateo 22:42

“Dai ati omitaboneni. Ebeni‑ke‑ka nodi Deoso‑ka Ka‑kadika amanati?” Yeso ati ne, “Dafi‑ka nodi amane.” Mai ati namaroni.

Roka 1:69

Deoso ati ene Dafi‑ka nodi kobone, kitabotebona, ai‑ya kasomebonane.

Yowaho 4:42

Fana‑ya mai hiyara, “Yeso tamine tikamina, tiwati oda nofaroni. Hibayata‑ka Yeso ati oda mitawaha, Yeso ati oda nofa, ati oda tokadabawahane. Bofe‑ya mai wi‑wina mai nafi‑ya kasomebona oda watowahane.” Mai ati namaroni.

Yowaho 7:42

I‑di Dafi tabaro bote, Bere‑kaya Kirisito wadebonane. Dafi‑ka nodi i‑di Kirisito tohebonane. Deoso‑ka yama hani ati teni. Yeso i‑di Kirisito tohi awireba awane.” Mai one ati nihi neni.

Yeso‑ka yo‑yose mai tamine 13:32

Ai‑ka idi mai‑ya Deoso Ati Amosabote‑ya hiyaremata, fare Ati Amosabote dai‑ya oda kaminineni.

Yeso‑ka yo‑yose mai tamine 2:30

Dafi Deoso ati‑ya mi‑mita‑mata, Deoso ati‑nima yama nabone‑ya Dafi wato, ‘Dafi ti·abiya, owa ene tika nodi Isara·eo mai‑ka hidi tohebonane.’ Deoso ati ne, ati‑ya Dafi nofematane.

Yeso‑ka yo‑yose mai tamine 3:26

Deoso Bidi‑ya nakitami hawa tohe, dai‑ya hiyosemi dai hihemarine. Dai‑ya kasomebona, dai ene towe tohamarabonehe.” Bedoro ati nemonane.

Yeso‑ka yo‑yose mai tamine 4:12

Neme‑ya mai wi‑wina, bofe‑ya mai wi‑wina na, mai ihi tohara, Yeso ohari‑ta ati ai nofa, Deoso‑ka ai tohateni.” Bedoro ati nemarine.

Homa 1:3

Deoso Ati Amosabote i‑di Yeso Kirisito ai‑ka Hidi tamine amane. Fare tamine okaminebonane. Neme‑ya Badi eyehe winemata, makobote bofe‑ya wade, ai‑ka Hidi i‑di Dafi‑ka nodi tohane.

Homa 11:26

Fara yama hawa tohiya, Isara·eo‑ka mai nafi Yeso ati‑ya mai nofawahabone, mai nafi Deoso‑ka mai tohawahaboneni. “Ai nafi‑ya ka‑kasoma Siyaho‑ya yananebonane. I‑di Yako‑ka nodi yokana mai ihi amosara, mai ihi amosawahaboneni.” Deoso‑ka yama hani ati nineni.

Tito 1:4

Tito, tika yama hani‑bone okanahana, tikadikiyahi. Oka dao owa amatini. Deoso ati ohiyara, owati‑ya timita, Deoso ati tinofawahamaro, tiwa oka dao onamaroni. Ai‑ka abi i‑di Deoso, ai‑ka ayo i‑di Yeso Kirisito mai na, tiwa‑ya mai kasoma, tiwatibodi tiwa‑ya weerabone, Yeso Kirisito tiwa manakone‑ya nanahabemari, tiwa‑ya kasomebonane.

Bedoro yoto‑ke 1:1

Simaho Bedoro Yeso Kirisito‑ka yo‑yose ama·oni. Owa‑ya yosemarine, ati okaminebonaha. Deoso, Bidi‑ya fame amosabote mai toha, Deoso ati dai nofa, Yeso Kirisito ati‑ya dai nofahari, dai na, oda‑nima dai na, dai‑ka yama hani‑bone okanahanowahaboneni.

Bedoro yoto‑ke 1:11

Ai‑ka Ayo Yeso Kirisito tabaro abaterebona, fare‑ya dai koboniya, Deoso ya‑yainebonane. Dai‑ka yama dai kayafawahabone, dai abamateraboneni.

Bedoro yoto‑ke 2:20

Mai atibodi bisa toha Satanasi mai‑ya barikane, makobote ai‑ka Hidi i‑di Yeso Kirisito mai‑ya seekane, Satanasi ati‑ya mai nofamatasa, Satanasi mai‑ya barikanamatase, mai‑ya barikani kitawahebonane.

Bedoro yoto‑ke 3:18

Ai‑ka Hidi i‑di Yeso Kirisito ati dai wato ba‑basi niya, ati‑nima dai ene na ba‑basi naboneni. Ai manakone‑ya nanahabemari, hibayata ai kahiyare ai kahiyari fawaterayaho. Feye amani.

Bedoro yoto‑ke 3:2

Deoso ati‑ya mai mi‑mita ati mai hikanahanomata dai kadikiya, ai‑ka Hidi i‑di Yeso Kirisito ati hika yo‑yose mai hikanahanomari, ati dai kadikiya, dai atibodi yama‑ya kadikiyahi.

Yowaho daidi 4:14

Oda ati dai mitahi. Deoso Bidi oda awamaroni. Deoso Bidi hiyose, ai manakone‑ya nanahabebona oda awemari, mai nafi‑ya tamine oda kaminebonane.

Yoda‑ka yama hani 1:25

Deoso ohari tohe, amosabote tohe, kitabote tohe, ai dami‑ka Hidi tohe, Yeso Kirisito oda‑ka Hidi dai fama, hibati‑ka dai toha, hibayata‑ka dai toha na, makobote yama nafi abiya, hini dai toha, dai tohasa naboneni. Feye amani.

Yeso Kirisito ene‑bona 22:16

Yeso ama·oni. Deoso‑ka yo‑yose oyose, tiwa‑ya yofikane, yama tamine‑ya Deoso‑ya mai hi‑hiyara‑ke yobe‑ka mai himitabonehe. Dai‑ka hidi i‑di Dafi tohemari, fare‑ka nodi ama·oni. Yama wahabisari‑ke amowa webote‑nima ona ama·oni.” Yeso ati nene.