Yeso‑ka yo‑yose mai tamine 13:2 - Deoso-ka Yama Hani

² Deoso‑ya mai kahiyara mahi ohari‑ya mai tafarani, Deoso‑ya mai hiyari oharebonehe. Deoso‑ya mai hiyariya, Deoso‑ka Doni mai‑ya hiyarawahe, “I‑di Banabe i‑di Saoro mai fama mai yoronahi. Oka mai toha, mai oyoseboneni, oka yama ani‑ya mai aninabonehe.” Ati nemonane.

Yeso‑ka yo‑yose mai tamine 13:2 ပူးပေါင်းရင်းမြစ်များ

Mateo 17:21

Deoso‑ya dai hiyari baha, dai tafi fawaniya, madi towe haa‑nima ne kanatene. Deoso‑ya dai hiyari awiriya, dai tafi fawariya, madi towe haa‑nima ne kanaterene.” Yeso ati nemarine.

Mateo 6:16

“Owati amosa dai mitahi. Deoso‑ya mai kahiyarabone mai ati na, mai tafi maakana, mai noki ohina‑nima mai teni. ‘Owa noko ohina‑nima oniya, owa‑ya mai awiya, —Deoso‑ya nofi nafi ene tafi maakanane.— Mai ati niya, owa‑ya mai nofaboneni.’ Mai atibodi ati na, Mai manakone hawa tohani. Mai‑nima dai riyahi.

Mateo 9:38

Deoso dai hiyarahi, mai one tokomakibakaro, Deoso‑ka yamata‑ya mai kakamabonehe.” Yeso ati nemarine.

Roka 10:1

Makobote mai one 72 mai kana Yeso hini tokomakibona‑kaya mai‑ya yosebona mai‑ya hiyare, “Mai tabori‑nima dai fa‑famiyahi.

Roka 2:37

i‑di Ana hasinibisa, hika ano 84 tohameteni. Deoso‑ka yobe‑ya i‑di Ana sawi fawara, yama tehe‑ya Deoso‑ya hiyara, yama soki‑ya Deoso‑ya hiyara, tafi nafira, Deoso‑ya kahiyarameteni.

Yeso‑ka yo‑yose mai tamine 10:19

Bedoro atibodi yama‑ya dikeya, Deoso‑ka Doni ati yanane, “Owati timitahi. Maki mai fama owa oharine tiwa‑ya mai sibanani.

Yeso‑ka yo‑yose mai tamine 10:30

Ati‑ya mite, Koneriyo hiyare, “Hibati‑ya owa amoni 4 toha, oka yobe doro‑ya Deoso‑ya ohiyarani. Mahi towitawiti‑ya, ai owa bora sawa‑ya weyene wai, wehene kite, owa‑ya hiyare,

Yeso‑ka yo‑yose mai tamine 13:3

Deoso‑ka Doni ati ene mahi owa‑ya mai tafara, i‑di Banabe i‑di Saoro mai‑ya mai yahi fore, mai‑ya mai yosemoneni.

Yeso‑ka yo‑yose mai tamine 13:4

Deoso‑ka Doni ati ene Serosiya‑ya mai toka, Serosiya‑ya maboro‑ya mai foya, faha teberi‑ya mai towaka, faha teberi oni Sibe tohateni.

Yeso‑ka yo‑yose mai tamine 14:26

Atariya‑ya maboro‑ya mai foya, tabora webote Siriya‑ka tabora bide oni Atioki‑ya mai towakamaboneni. Hibati‑ya Atioki‑ya mai mai hiyose, Deoso tamine‑ya mai hiyarabone mai towakamete mai hiyari hawa toha, mai winitokanamamoneni.

Yeso‑ka yo‑yose mai tamine 20:28

Dai narabo hawihi. Yeso‑ka mai dai nawadahi. Deoso‑ka Doni ati ene mai‑ka hidi‑nima dai na, mai dai nawadabonehe. Hibati‑ya Yeso abe, mai manakone hinahabamaro, dai atibodi yama‑ya watoyahi. Hika mai toha mai dai nawadabone ati nane.

Yeso‑ka yo‑yose mai tamine 22:21

Owa‑ya hiyare, ‘Tokoma kanibote tinahi. Yama yaki‑ya tiwa oyoseboneni, Bara mai‑ya.’ Ati ne.” Baoro ati nemarine.

Yeso‑ka yo‑yose mai tamine 4:36

I‑di Yose hika fadara‑ya daane, yinero‑ya kanike, Yeso‑ka yo‑yose mai‑ya yinero‑ya daanemarine. Refi mai‑ka owa i‑di Yose tohe, tabaro oni Sibe tohe, yara mai‑ka ha‑haa Yose toha, Yeso‑ka yo‑yose mai‑ka ha‑haa Banabe toha, ai ati‑ya ‘Ai‑ya ka‑kasoma’ tohene.

Yeso‑ka yo‑yose mai tamine 6:4

Deoso‑ya oda hiyara, Yeso tamine oda kamina, oda naboneni.” Yeso‑ka yo‑yose mai ati namoneni.

Yeso‑ka yo‑yose mai tamine 8:29

“Firibi, kafaro ho‑horokana yakari‑ya yakatinahi.” Deoso‑ka Doni ati ne,

Yeso‑ka yo‑yose mai tamine 9:15

“Tikamakihi. Saoro okadike, oka yama‑ya a‑ani tohawahebonane. Bara mai toha, Bara mai‑ka hidi mai toha, Isara·eo‑ka nodi mai toha na, mai‑ya owa tamine‑ya hiyarebonane.

Homa 1:1

Yeso Kirisito‑ka yo‑yose i‑di Baoro ama·oni. Deoso owa‑ya kadike, owa‑ya yosemarine, Deoso Ati Amosabote okaminabonehe.

Homa 10:15

Deoso mai‑ya yosere‑mana, Yeso tamine‑ya mai kaminara neni. “Yeso Kirisito tamine‑ya mai ka‑kamina mai kobona mai ihi ai ya‑yaiteni.” Deoso‑ka yama hani ati nineni.

Homa 15:16

Owa‑ya Deoso yosemarine, Bara dai‑ya Yeso Ati Amosabote okaminabonehe. Yeso ati dai nofiya, Deoso‑ka Doni dai‑ya hawa toniya, Deoso‑ya dai‑ya daa·oniya, dai‑ya kayafawahebonane.

Korito daidi 12:11

Deoso‑ka Doni ohari, ene dame, ai‑ya yama‑ya ati daane, yama‑ya ai‑ya daatene.

Korito daidi 7:5

“Hibareya, Deoso ai hiyarabone, ai dakoramarihi, ai tafamarihi ai namatahi. Ai amoni fa‑famaraba niya, ai dakorama, ai tafama, ai nabani.” Dai fami ati na, Hini dai ati‑nima dai niya, sibaraboneni. Makobote dai dakorama kanibote na, Satanasi ati ene mai one‑ya dai dakoraraboneni.

Korito yoto‑ke 11:27

Oka yama anini kita, maa oha, yama soki dama‑ya amo·orihi, mahi dame‑ya otafarihi, faha ofirihi, yama sire oka bora one wadara, siri oha onamaroni.

Korito yoto‑ke 6:5

Oda‑ya mai kosi, kadeya‑ya oda‑ya mai nawaa, mai dama mai yorotokana oda‑ya mai ati bisi na, mai oda kasomabone, oda‑ka yama anini kita, yama soki‑ya oda amorihi, oda tafarihi oda teni.

Karatiya 1:15

Deoso owa‑ya nofe, owadi awisari‑ya owa‑ya kadikematane, ati okaminebonaha.

Efesiyo 3:7

Deoso kitabote owa‑ya yose, owa‑ya kasome ene Yeso Ati Amosabote okaminateni.

Koroso 4:17

I‑di Arakibo‑ya dai hiyara, “‘Arakibo, Yeso Kirisito ai‑ka Hidi tiwa‑ya yosemari, ati‑nima tinahi. Deoso Ati Amosabote kamini fawatiriyahi.’ Baoro ati nene.” Dai ati nahi.

Timoti daidi 2:7

Deoso owa‑ya kadike, owa‑ya yosemarine, Yeso tamine ohiyarabonehe. Keyehe‑ya hiri·oterani. Deoso Ati Amosabote okaminabisateni. Bara mai okanawataboneni, Yeso tamine‑ya mai watowahabonehe.

Timoti yoto‑ke 1:11

Fara ihi Deoso ati ene Yeso owa‑ya yose, Bara mai tabori‑ya oka, Deoso Ati Amosabote okamina, mai okanawatoneni.

Timoti yoto‑ke 2:2

Owati‑ya dai dami mitamaroni. Yama okanawata, owa‑nima mai tikanawatoyahi. Mai ihi amosa, mai tikanawata, makobote mai one‑ya mai kanawatowahaboneni.

Timoti yoto‑ke 4:11

I‑di Roka ohari owa‑ya sawine. I‑di Maroko dai fama, dai kakama kanibote nahi. I‑di Maroko yama anini‑ya watowahane. Deoso ati hiyari‑ya watone.

Timoti yoto‑ke 4:5

Timoti, tiwa noko wadahi. Mai‑nima tiriyahi. Tiwa‑ya mai bisina, tiyawariyahi. Deoso Ati Amosabote ati‑ta tihiyarabisahi. Deoso tiwa‑ya yosemari, ati nafi tikaminiyahi.

Ebereo 5:4

Hiniya Deoso‑ka yama‑bone‑ya mai daaterani, Deoso mai‑ya kadikabisatene. Araho‑ya Deoso kadikemata, Araho nowati‑ya mai one‑ya kadikamakitase, Deoso‑ka yama‑bone‑ya mai daanamakebonehe.