Yeso‑ka yo‑yose mai tamine 13:14 - Deoso-ka Yama Hani

¹⁴ Beki‑ya mai fiyakana, Bisidiya‑ka Atioki‑ya mai kobokana, Sabado‑ya Yodeo mai hi‑hiyara‑ke yobe‑ya mai towakiyoma, mai demenarineni.

Yeso‑ka yo‑yose mai tamine 13:14 ပူးပေါင်းရင်းမြစ်များ

Roka 4:16

Nasare‑kaya Yeso ya‑yana toha‑mata‑kaya i‑di Yeso tokome, kobotonamatasematane. Sabado dami‑nima Deoso‑ya mai hi‑hiyara‑ke yobe‑ya Yeso tokiyome, yama hani‑ya kadike, fara sabado‑ya Deoso‑ya mai hi‑hiyara‑ke yobe‑ya Yeso waamisamematane, Deoso‑ka yama hani‑ya kadikebonaha.

Yeso‑ka yo‑yose mai tamine 13:42

Mai tokabone, Baoro‑ya mai hiyara, “Sabado one‑ya tiwati oda mitamatasaboneni.” Mai ati namoneni.

Yeso‑ka yo‑yose mai tamine 13:44

Sabado one‑ya mai dama mai yorotokanineni, Deoso ati tamine‑ya mai mitabonehe.

Yeso‑ka yo‑yose mai tamine 13:46

Baoro, Banabe, mai fama mai ati fawani awira, “Yodeo dai toha, Deoso ati ene dai oda hiyari baha, dai ati a‑arira, Deoso ati dai nofara, Deoso tabaro‑ya dai wini awirabone, dai abi ohareboneni. Dai ati ene Bara mai‑ya oda tokiya, mai oda hiyarawahaboneni.

Yeso‑ka yo‑yose mai tamine 13:5

Sibe‑ka sidadi one Saramina toha‑ya mai kobona, Yodeo mai hi‑hiyara‑ke yobe‑ya mai tokiyoma, Deoso ati‑ya mai hiyarineni. Yowaho Maroko mai‑ya dabane, mai‑ya kasomebonaha.

Yeso‑ka yo‑yose mai tamine 14:19

Atioki‑ka mai toha, Ikoniyo‑ka mai toha na, mai kamake, mai‑ya mai hiyara, “Baoro mai ati kasira, mai ati dai mitariyahi.” Mai ati na, mai ati‑ya mai mita, yati‑ya i‑di Baoro‑ya mai baana, mai hinahabe, “Abe amanakani.” Mai ati na, tabora awiri‑kaya Baoro horoniya mai tokamoneni.

Yeso‑ka yo‑yose mai tamine 16:13

Firibo‑ya Deoso‑ya mai hi‑hiyara‑ke yobe wadare ene Sabado‑ya mai fanawi yorotokana, faha widi‑ya Deoso‑ya mai hiyarateni. Mai‑ya oda tokomake, mai oda hiyarawahamaroni.

Yeso‑ka yo‑yose mai tamine 17:2

Fare yobe‑ya Baoro tokane, mai‑ya hiyarebonaha. Sabado‑ya Yodeo mai hi‑hiyara‑ke yobe‑ya Baoro tokatene. Sabado fama Sabado one ohari na‑ya mai‑ya hiyare, Deoso‑ka yama hani tamine‑ya hiyarane.

Yeso‑ka yo‑yose mai tamine 18:4

Sabado‑ya Deoso‑ya Yodeo mai hi‑hiyara‑ke yobe‑ya tokatene. Yodeo mai toha, Kereko mai toha na, mai‑ya hiyaratene, yama‑ya mai watowahabonehe.

Yeso‑ka yo‑yose mai tamine 19:8

Deoso‑ya Yodeo mai hi‑hiyara‑ke yobe‑ya Baoro tokiyome, mai‑ya hiyare, abariko fama abariko owa oharimaki ne‑ya mai‑ya hiyaranadi, “Owati dai mitahi. Deoso‑ka Ka‑kadika kobone, ai‑ka Hidi amane.” Baoro ati nane, habo kiteri.

Yeso‑ka yo‑yose mai tamine 9:20

Deoso‑ya mai hi‑hiyara‑ke yobe‑ya i‑di Saoro Yeso tamine‑ya hiyare, “I‑di Yeso, Deoso Bidi amane.” Ati ne.

Timoti yoto‑ke 3:11

Atioki‑ya owa‑ya mai wee, Ikoniyo‑ya owa‑ya mai wee, Risita‑ya owa‑ya mai weenamaro, owa tiwatoneni. Owa‑ya mai bisinamaro, Ai‑ka Ayo Yeso owa‑ya kasome, hasinasa oneni.