Yeso‑ka yo‑yose mai tamine 13:10 - Deoso-ka Yama Hani

¹⁰ “Satanasi bidi amatini. Yama amosa‑ya tinofara. Yama towe‑ya tinofa, towe amatini, keyehe‑ya hiritinaro. Deoso hawine amose tohe, hawi bara‑ya mai tiyoseriyahi.

Yeso‑ka yo‑yose mai tamine 13:10 ပူးပေါင်းရင်းမြစ်များ

Mateo 13:38

Maki‑ka wami ai nafi wi‑wina‑ka tamine amani. Deoso‑ka dai toha, yamata noki amosa‑nima dai nineni. I‑di Satanasi ati‑ya mai no‑nofa yama kabara noki‑nima mai nineni.

Mateo 15:19

Yama towe‑ya mai nokotonihe mai toha, mai one‑ya mai nanahaba mai toha, fana one‑ya mai ide mai toha, fana mai dama mai‑ya mai nokotonihe mai toha, yama‑ya mai bote mai toha, keyehe‑ya mai hirina mai toha, mai one‑ya mai weena mai toha na, mai atibodi ihi mai ihi towe toha teni.

Mateo 23:13

Ka! Mose‑ka yama hani ati‑ya dai ka‑kamina dai toha, fariseo dai toha na, dai ati kasiroteni. Dai ene manakone wadani. Neme‑ke ai nafi‑ka hidi kitabote tohawahebona‑ya dai sawirabone, mai one sawebone mai ati na mai‑ya dai ati barinineni.

Mateo 3:7

Fariseo mai toha, sadoseo mai toha, mai na, mai‑ya i‑di Yowaho awe, “Maka ihi‑nima dai ene na, ebeni‑ke ati ene Deoso‑ya dai nayofiniti?

Roka 11:39

Yeso ati yanane, “Fariseo dai toha, keneko mese dai sorona, mai noki‑ya dai ene amosa, hiniya dai atibodi towebisa amani. Yama dai bote, dai ene towe damateni.

Roka 11:52

Ka! Mose‑ka yama hani ati‑ya dai ka‑kanawato dai toha, dai ene manakone wadani. Nokobi ai barikana‑nima Deoso ati yokana dai barikana, mai watorabonehe. Deoso‑ka yama dai watora, mai one yama‑ya watabone mai ati na, mai‑ya dai ati barinineni.” Yeso ati nematane.

Yowaho 1:23

“Isa·iya Deoso ati‑ya mi‑mita‑mata owa tamine‑bone‑ya kanahanomatamonane. ‘Bofe‑ka mai‑ka owa kabani‑kaya ati yananeya, —Ai‑ka Hidi webote hawine‑bona dai namosahi.— Ati nebonane.’ Fara owa tamine amani.” I‑di Yowaho Batita ati nemarine.

Yowaho 8:44

Dai‑ka abi yokana Diaboro tohe, dai‑ka abi ati‑nima dai nabone dai ati neni. Diaboro ai‑ya nanahaba tene. Satanasi fara yama yokana‑ya kaminatere, keyehe‑ya hirinibisatene. Satanasi hini atibodi ene keyehe‑ya hirini fawaterene. Satanasi ati‑ya mai tokadaba keyehe‑ya mai hiriteni.

Yeso‑ka yo‑yose mai tamine 20:30

Makobote dai owa hini‑ya kahiyarebona, Deoso‑ka‑mona hini‑ya ati tonihi, Yeso‑ka mai hikahiyarebonaha.

Korito yoto‑ke 11:3

Hibayata dai tamine omita, owa habo siitoneni. Hibati‑ya i‑di Efa i‑di Satanasi ati‑ya nofamete‑nima Satanasi ati dai nofawahaba awineni. Satanasi ati dai nofa‑mani, Kirisito ati ohari dai nofara neni.

Karatiya 1:7

Yeso Ati Amosabote ohari‑ta tohe, ati bare‑ya mai kamina, Kirisito Ati Amosabote tohi awirene. Keyehe‑ya dai‑ya mai hirikanineni, mai ati dai nofabonehe.

Efesiyo 4:14

Madehe‑ya keyehe‑ya mai hirikana, mai ati‑ya madehe nofateni. Madehe‑nima ai riyahi. Deoso ati ai wata, ai hawa toha‑nima ai nawahaboneni. Deoso ati‑mona mai one ati na, Deoso ati tohi awireya, mai ati ai nofaraboneni. Keyehe‑ya ai‑ya mai hirikana mai ati ai nofara, faha rike toka, kamatasa‑nima ai atibodi ni awiraboneni. Deoso ati‑ya ai nofi ohariyahi. Mai one ati bara toha, ai nofaraboneni.

Bedoro yoto‑ke 2:15

Deoso ati‑ya mai nofarihi, Deoso ati‑ya mai tokadabarihi na, Deoso hawine‑ya mai watoterani. I‑di Baraho‑nima mai nineni. I‑di Beyo bidi i‑di Baraho yinero‑ya nokotonihi, yinero ene Deoso ati‑ya tokadabarematane.

Yowaho daidi 3:8

Mai ihi amosara, Satanasi‑ka mai toha, Satanasi ene amosaremata, ene amosanasa rene. Deoso Bidi i‑di Yeso kamemarine, Satanasi ene‑ya nanahabebonaha.