Yeso‑ka yo‑yose mai tamine 13:1 - Deoso-ka Yama Hani

¹ Atioki‑ya Deoso ati‑ya mai mi‑mita mai toha, Yeso ati‑ya mai ka‑kanawato mai toha na, mai wina, i‑di Banabe toha, Simiyaho so‑sokine toha, Rosiyo Sireni‑ke toha, Manaeni Erodi mai yanikimamete mai toha, Saoro toha nane.

Yeso‑ka yo‑yose mai tamine 13:1 ပူးပေါင်းရင်းမြစ်များ

Mateo 27:32

Mai tokiya, Simaho Sireni‑ke‑ya mai awa, Sodado mai ati ihi Yeso ewene‑bona‑ya Simaho diwanematane.

Roka 3:1

I‑di Yowaho mai dama mai‑ya hiyare, hika ano tamine okaminaboneni. Ai nafi‑ka hidi webote i‑di Tibiro Sesa tohemata, fare hidi tohe‑ka hika faha fowe 15 tohi‑ya Yowaho‑ya Deoso hiyarematane. Abireni‑ka mai‑ka hidi i‑di Risaniya toha, Yodeya‑ka mai‑ka hidi i‑di Bonisiyo Birato toha, Karireya‑ka mai‑ka hidi i‑di Erodi toha, Itoreya, tirakonitisi na‑ke hidi i‑di Erodi sohori i‑di Firibi toha, mai namaroni.

Yeso‑ka yo‑yose mai tamine 11:30

Mai‑ka yinero‑ya mai yorotokani wama, i‑di Banabe, i‑di Saoro mai fama, yinero‑ya mai towakama, Yeso ati‑ya mai no‑nofa mai‑ka bote mai‑ya yinero‑ya mai daanamoneni.

Yeso‑ka yo‑yose mai tamine 12:25

Yerosare‑ya mai‑ka yama anini hawa tohiya, Banabe, Saoro mai fama Atioki‑ya mai towakama, mai‑ya Yowaho Maroko dabemonane.

Yeso‑ka yo‑yose mai tamine 13:9

I‑di Saoro oni owa Baoro tohe, Deoso‑ka Doni fai‑ya sawi ene, i‑di Erima‑ya kakatome ati yanane,

Yeso‑ka yo‑yose mai tamine 15:32

Yoda, Sira mai fama Deoso ati‑ya mai mi‑mita mai toha, Kirisito‑ka mai‑ya mai hiyara, mai ati ihi mai ya‑yaina, mai habi kitawahamoneni.

Yeso‑ka yo‑yose mai tamine 15:35

Atioki‑ya Baoro, Banabe mai wina, mai dami eyehe, ai‑ka Ayo ati‑ya mai kamina, mai‑ya mai kanawatamoneni.

Yeso‑ka yo‑yose mai tamine 19:6

Mai habanisi hawa toha, mai‑ya Baoro yehe fori, Deoso‑ka Doni mai‑ya sawiwahe, mai one ati‑ya Deoso tamine‑ya mai hiyarawahani.

Yeso‑ka yo‑yose mai tamine 21:9

Firibi‑ka fana atona mai 4 kana mai fani awira, Deoso tamine‑ya mai hiyarateni.

Yeso‑ka yo‑yose mai tamine 4:36

I‑di Yose hika fadara‑ya daane, yinero‑ya kanike, Yeso‑ka yo‑yose mai‑ya yinero‑ya daanemarine. Refi mai‑ka owa i‑di Yose tohe, tabaro oni Sibe tohe, yara mai‑ka ha‑haa Yose toha, Yeso‑ka yo‑yose mai‑ka ha‑haa Banabe toha, ai ati‑ya ‘Ai‑ya ka‑kasoma’ tohene.

Yeso‑ka yo‑yose mai tamine 9:1

I‑di Saoro, Yeso ati‑ya mai no‑nofa, mai‑ya ati nanahabe, Deoso‑ka yama‑bone‑ya mai da‑daa mai‑ka hidi‑ya toke,

Homa 16:21

I‑di Timoti oda fama Yeso Kirisito‑ka yama oda anina, dai tamine‑ya i‑di Timoti hiyara, i‑di Rosiyo, i‑di Yasoho, i‑di Sosibataro mai na, oka mai toha, dai tamine‑ya mai hiyarateni. Dai‑ya mai nofineni.

Korito daidi 11:4

Mai makidi Deoso‑ya hiyara, Deoso ati‑ya mai kaminabone, mai tati bori‑ya mai sotatoteni. Mai tati bori‑ya mai sotatoni awiriya, “Kirisito‑ya mai nofi awirini.” Mai one ati naboneni. Mai tati bori‑ya mai sotatona, mai‑ya mai awiya, “I‑di Yeso Kirisito mai‑ka hidi amane.” Mai ati naboneni.

Korito daidi 13:2

Deoso‑ka Doni ene Deoso ati okaminiya, yama‑ya mai one watora, owa‑ta yama owatobisiya, Deoso ati onofi nafiya, owati ihi adami fawaniya, dai onofara‑mani, owati honita toha neni.

Korito daidi 13:8

Deoso ai‑ya nofe, Deoso‑nima mai ai nofa, mai nofi ai fawateraboneni. Deoso ati‑ya mai ka‑kamina, Yeso kamataseya, mai ati fawanaboneni. Ai nafi Deoso ati‑ya ai watowahaboneni. Mai one ati‑ya mai hi‑hiyara mai ati fawanabone, ai nafi ati ohariwama naboneni. Hibayata yama‑ya mai one wato ba‑basi na, makobote yama nafi‑ya ai nafi watowahaboneni.

Korito daidi 14:29

Deoso ati‑ya mai mi‑mita mai kaminabone mai damariyahi. Mai fama owa oharineya, sibaraboneni. Mai ati dai mita, mai ati dai kadikiyahi.

Korito daidi 14:32

Deoso ati‑ya mai ka‑kamina mai atibodi ati‑nima mai teni. Mai maakanabone mai atibodi ati na, mai maakana, mai ati yananabone mai atibodi ati na, mai ati yanateni.

Korito daidi 9:6

Mai one dai‑ya kanawata, yama one‑ya mai anira, dai ati sibarineni. I‑di Banabe oda fama dai‑ya oda kanawata, yama one‑ya oda aninaharebone dai ati na awineni. Yama one‑ya oda anira oda sibakarini? Hehe, oda sibarini.

Karatiya 2:13

Bedoro ene‑ya Yodeo mai one awa, mai habi siitona, Bara mai eyehe mai tafami awirani. I‑di Banabe ne hibati‑ya Bara mai eyehe tafe, Bara mai eyehe tafamarene.

Karatiya 2:9

I‑di Tiyako, i‑di Bedoro, i‑di Yowaho mai na, webote mai‑mone, i‑di Banabe oda fama, oda ati‑ya mai mitamaroni. Oda ati‑ya mai mitiya, oda yehe‑ya mai waranamaroni. “Hehe, oda‑nima dai na, Bara mai‑ya Deoso Ati Amosabote‑ya dai kaminahi. Oda‑ta Yodeo mai‑ya Deoso Ati Amosabote oda kaminaboneni. Deoso dai‑ya kasomebonane.” Mai ati namaroni.

Efesiyo 4:11

Kirisito yama wa‑wato‑ya daanane, Yeso‑ka ai toha ai‑ya kasomebonaha. Hini hika yo‑yose mai‑bone‑ya ai owa‑ya daa, Deoso ati‑ya mi‑mita mai‑bone‑ya ai owa‑ya daa, Deoso ati‑ya hi‑hiyara mai‑bone‑ya ai owa‑ya daa, Deoso ati‑ya ka‑kanawato mai‑bone‑ya ai owa‑ya daa tene.

Firibo 4:22

Yeso ati‑ya mai no‑nofa Sesa‑ka yobe‑ya mai wi‑wina, dai‑ya mai nofa, dai tamine‑ya mai hiyarani.

Tesaronika daidi 5:20

Deoso ati‑ya mai kaminamone mai ati na, Deoso‑ka yama hani ati‑nima mai ati na, mai ati dai tokadabahi.