Yeso‑ka yo‑yose mai tamine 12:7 - Deoso-ka Yama Hani

⁷ Kadeya dori‑ya i‑di Bedoro amoneya, Deoso‑ka yo‑yose kobone ene kadeya dori‑ya yama wahi kita, Deoso‑ka yo‑yose Bedoro fowari‑ya wai, fai‑ya mowakanebona, fai‑ya boyone, “Bedoro, waamisa kanibote tinahi.” Deoso‑ka yo‑yose ati ne. Bedoro waamise, koheti hini‑ya kasoneni.

Yeso‑ka yo‑yose mai tamine 12:7 ပူးပေါင်းရင်းမြစ်များ

Mateo 2:13

Mai tokoma mai nowati‑ya Deoso‑ka yo‑yose i‑di Yose‑ya wadarine hiyare, “Yose didafihi. Yeso madi‑ya fame tiwakahi. Eyito‑ya dai tokiya, Eyito‑ya dai nahoyahi. Tiwa haa·onamatasaboneni. Yeso‑ya i‑di Erodi sibanebonane, Yeso‑ya nanahabebonaha.” Deoso‑ka yo‑yose ati wadarine ati nematane.

Roka 2:9

Mai nahokosiya, Deoso‑ka yo‑yose mai noki‑ya fodoki, Deoso wehene sawi ene mai naho‑kaya yama tehewama, mai habi siitonameteni.

Roka 24:4

Mai atibodi yama‑ya kadikiya, mai yowi‑ya maki mai fama fodoke, mai demena, mai‑ka bora wahi kitameteni.

Yeso‑ka yo‑yose mai tamine 10:30

Ati‑ya mite, Koneriyo hiyare, “Hibati‑ya owa amoni 4 toha, oka yobe doro‑ya Deoso‑ya ohiyarani. Mahi towitawiti‑ya, ai owa bora sawa‑ya weyene wai, wehene kite, owa‑ya hiyare,

Yeso‑ka yo‑yose mai tamine 12:23

“Hehe, deoso‑nima ona ama·oni.” Erodi atibodi ati ne. Deoso yokana‑ya Erodi kahiyari awire, hini‑ya kahiyarabise, Deoso‑ka yo‑yose ene toha kanibote ne, Erodi‑ya yo‑yori mai kaba, abawahane.

Yeso‑ka yo‑yose mai tamine 12:6

“Yodeo mai‑ya Bedoro daa·onaminaboneni.” Erodi atibodi ati ne. Koheti fama‑ya mai yadihine, yama soki‑ya sodado mai fama mai bai‑ya Bedoro amone, nokobi kowani‑kaya sodado mai one yoronineni.

Yeso‑ka yo‑yose mai tamine 12:8

“Tika bora bodi‑ka sakotinama, tika sanidariya tikawatama, tika bora mese‑ka weyetinama tiniya, owa‑ya tisawiyahi.” Deoso‑ka yo‑yose ati ne. Ati‑nima Bedoro nane.

Yeso‑ka yo‑yose mai tamine 16:26

Wami wawawakawaha, wawakani ihi kadeya abi yanatona, kadeya nokobiri seekana, kadeya dori‑ka mai nafi seekana namoneni.

Yeso‑ka yo‑yose mai tamine 2:24

Yeso abano‑ya temene barikiterene. Deoso ene kitame, hini temene‑ke abano wadamare, abe komene wadamare, abamaterebonane.

Yeso‑ka yo‑yose mai tamine 5:19

Yama soki‑ya Deoso‑ka yo‑yose tokomaki, kadeya nokobiri‑ya seekane, Yeso‑ka yo‑yose mai fidotona,

Yeso‑ka yo‑yose mai tamine 9:3

Yama hani‑ya waratone, Damaso‑ya toke, Damaso‑ka hawi bai‑ya yakane, neme‑ya yama wahi kita, fai‑ya kobona,

Efesiyo 5:14

Yama wahi‑nima ai ene na, mai ihi amosara mai amona‑nima mai na, mai‑ya ai haanahi. “Dai dodafihi! Yeso ati dai mitahi. Dai abarabone, Yeso ati dai nofahi, Kirisito ya‑yainebonane.” Ai ati nahi.

Ebereo 1:14

Hini yamata‑nima Deoso‑ka yo‑yose mai nihi? Deoso ati ai no‑nofa, Deoso tabaro‑ya ai winabone ai‑nima mai ra, ai‑ya mai kasomabone, Deoso mai‑ya wamanematane.

Yeso Kirisito ene‑bona 18:1

Yama one hawa tohiya, Deoso‑ka yo‑yose owa neme‑ya kise oawani. Deoso‑ka yo‑yose kiti nafi, amosi nafine. Hini wehene ene bofe‑ya yama tehewahani.