Yeso‑ka yo‑yose mai tamine 11:23 - Deoso-ka Yama Hani

²³ Atioki‑ya kobone, mai‑ya awe, ya‑yaine, “Deoso mai‑ya kasomane.” Atibodi ati ne. “Ai‑ka Ayo i‑di Yeso ati‑nima dai nahi, dai nafi.” Ati nemonane.

Yeso‑ka yo‑yose mai tamine 11:23 ပူးပေါင်းရင်းမြစ်များ

Mateo 16:24

Yeso‑ya oda da‑daba oda‑ya Yeso hiyaramaki, “Owa‑ya dai ati daba, dai‑ka yama dai nokotoniriyahi. Owa‑ya dai dabiya, owa‑ya mai nanahababone‑nima dai‑ya mai nanahabahareba awineni.

Maroko 2:5

Mai ihi‑ya Yeso awe, “Owati‑ya mai nofineni.” Yeso atibodi ati ne, ka‑kakone‑ya hiyare, “Soho, tiwa ene towe manakone wadamarini.” Yeso ati nemarine.

Yowaho 15:4

Owa dai nokotoniyahi. Owa dai nokotoniya, dai okasomaboneni. Ofa ini ade‑ya waanamariya, bonoteraboneni. Dai‑ya okasomariya, dai ene amosa wadateraboneni.

Yeso‑ka yo‑yose mai tamine 13:43

Mai toka, mai nowati‑ya Baoro mai‑ya mai one dabamake, Yodeo mai one toha, Bara mai one toha na, Baoro mai‑ya mai dabamake, mai‑ya Baoro mai hiyara, “Deoso ati‑ya dai ati kadamowamariyahi. Deoso ati amose dai nofahi.” Baoro, Banabe mai ati namoneni.

Yeso‑ka yo‑yose mai tamine 14:22

Baoro mai ati ihi Yeso ati‑ya mai nofa mai atibodi kitamamoneni. Mai‑ya hiyare, “Dai‑ya mai bisina, Yeso ati‑ya dai nofasa nahi, Deoso hawine‑ya ai sawe, ai‑ya mai bisina, ai habo siitoriyahi.” Mai ati namoneni.

Yeso‑ka yo‑yose mai tamine 14:26

Atariya‑ya maboro‑ya mai foya, tabora webote Siriya‑ka tabora bide oni Atioki‑ya mai towakamaboneni. Hibati‑ya Atioki‑ya mai mai hiyose, Deoso tamine‑ya mai hiyarabone mai towakamete mai hiyari hawa toha, mai winitokanamamoneni.

Yeso‑ka yo‑yose mai tamine 15:40

Baoro i‑di Sira‑ya haanane, mai towakamabonehe. “Deoso dai‑ya sawine.” Kirisito‑ka mai ati namoneni.

Yeso‑ka yo‑yose mai tamine 20:24

O·abiya, sibaraboneni. Ai‑ka Ayo Yeso owa‑ya yose‑mari ati‑nima owa ene na ya‑yai·onaboneni. Deoso ene ai manakone aba tamine okaminabone ati nemarine.

Yeso‑ka yo‑yose mai tamine 20:32

Deoso dai‑ya nawada, dai‑ya kasoma nebona owatibodi ati nineni. Deoso‑ka yama hani dai kadikiya, dai habo kitawahaboneni. Deoso tabaro‑ya, dai kobona, dai nafi‑ya Deoso hika yama‑ya daanebonane.

Yeso‑ka yo‑yose mai tamine 4:36

I‑di Yose hika fadara‑ya daane, yinero‑ya kanike, Yeso‑ka yo‑yose mai‑ya yinero‑ya daanemarine. Refi mai‑ka owa i‑di Yose tohe, tabaro oni Sibe tohe, yara mai‑ka ha‑haa Yose toha, Yeso‑ka yo‑yose mai‑ka ha‑haa Banabe toha, ai ati‑ya ‘Ai‑ya ka‑kasoma’ tohene.

Homa 12:8

Dai one atibodi‑ya Deoso yofikane mai atibodi komi‑ya dai kasomabone, mai dai kasoma, mai atibodi kome fawanabonehe. Yama‑ya da‑daa dai one atibodi‑ya Deoso yofikane, fare dai‑ya yofikane‑nima yama dai daaniya, dai ya‑yainahi. Hidi dai tohabone, dai atibodi‑ya Deoso yofikane, dai noko wadahi, dai ene amosabonehe. Ai one mai‑ka yama wadara mai‑ya dai kasomahi. Dai one atibodi‑ya Deoso yofikane, fare dai‑ya yofikane‑nima mai‑ya dai kasomahi.

Korito daidi 15:58

Oka dai amani, owati dai mitahi. Dai eme kitahi. Ai‑ka Hidi ati‑nima dai nabone, dai‑ya mai we‑wee, mai ati dai nokotoniriyahi. Ai‑ka Hidi ati‑nima dai niya, dai manakone amosa wadaboneni.

Korito yoto‑ke 1:17

Hibati‑ya dai‑ka yama hani‑bone okanahana, dai tabaro‑ya okabone onamaroni. Hini dai‑ya owati ohare toha‑mone, mai one‑ya owati bara toha‑mone, Deoso ati‑ya mai nofara mai ati‑nima owati toha‑mone dai ati na awineni. Haa‑nima owati terani. Owatibodi ati‑nima owati teni.

Korito yoto‑ke 6:1

Deoso oda‑ya yosemarine, dai oda hiyarabonehe. Deoso dai kasomi‑ya nofe, ati dai nanahabarayaho.

Koroso 1:6

Deoso Ati Amosabote ati dai mite, ati dai nofe, mai one‑ya ati dai kaminamaki, dai ene Deoso Ati Amosabote mai one nofamoneni. Awa yana, tonafe, bonowahateni. Fara‑nima Deoso Ati Amosabote toheya mai dami mita, ati mai hinofe Deoso‑ka mai dodamateni.

Timoti yoto‑ke 3:10

Owa‑ta owa ene tiawamaroni. Owati timitamaroni. Mai ihi‑nima owa ene terani. Mai wee·ora mai onofateni. Deoso ati onofa, owa tiwatoneni.

Bedoro daidi 5:12

Oka soho, i‑di Sira owati‑ya kanahanone, dai kadikabonehe. I‑di Sira Deoso ati‑ya nofe, Deoso ati‑ya tokadabatene. Owati dami awirini. Owati fa‑famaraba nineni, dai okasomabonehe. Deoso ati‑ta dai‑ya okamine, Deoso ati‑nima yama teni. Ati dai tokadabayaho.

Yowaho daidi 2:28

Oka madehe‑nima dai na, owati dai mitahi. Kirisito ati‑nima dai ene na, makobote kamataseya, dai ya‑yainaboneni. Yeso ati‑nima mai ihi ra, Kirisito kamataseya, mai kananaboneni, mai habi siitonaro.

Yowaho faina 1:4

Deoso ati‑ya oka dao tokadabe tamine omita, owa ya‑yaini nafi, yama one tamine omita, owa ya‑yaini bi‑bidi teni.

Yoda‑ka yama hani 1:4

Dai noko beheri‑kaya Satanasi‑ka mai one dai‑ya dabawaha, ai‑ka Hidi i‑di Yeso Kirisito‑ya mai nofara, Deoso ati‑mona‑ya mai kamina, mai fanawi mai makidi na, mai ai aha sibarini. Deoso ai‑ya weerebona mai ati teni. Hini mai ihi mai ababone Deoso ati nemata, Deoso ati yokana‑ya mai kamina mai tamine‑ya mai kanahanameteni.