Yeso‑ka yo‑yose mai tamine 11:20 - Deoso-ka Yama Hani

²⁰ Sibe‑ka mai toha, Sireni‑ka mai toha na, Atioki‑ya mai toka, Bara mai‑ya ai‑ka Ayo Yeso tamine‑ya mai hiyarawaha,

Yeso‑ka yo‑yose mai tamine 11:20 ပူးပေါင်းရင်းမြစ်များ

Mateo 27:32

Mai tokiya, Simaho Sireni‑ke‑ya mai awa, Sodado mai ati ihi Yeso ewene‑bona‑ya Simaho diwanematane.

Yowaho 7:35

Oda‑ka hidi mai ibi hiyara, “Ebeni‑kaya tokabamata? Ai tokomakirabone ati neri, oda one Kereko mai tabori‑ya mai wina mai‑ya tokebona, Kereko mai‑ya kanawatoba awane.

Yeso‑ka yo‑yose mai tamine 11:19

Hibati‑ya Tefaho‑ya mai nanahabiya, Yeso ati‑ya mai no‑nofa tabora dami‑ya mai toka, Fenisiya‑ya mai one toka, Sibe‑ya mai one toka, Atioki‑ya mai one toka na, Yodeo mai‑ya Yeso tamine‑ya mai hiyara, Bara mai‑ya mai hiyari awira,

Yeso‑ka yo‑yose mai tamine 11:22

Yerosare‑ka mai toha Yeso ati‑ya mai no‑nofa Bara mai tamine‑ya mai mita, i‑di Banabe‑ya mai yosemoneni, Atioki‑ya tokebonaha.

Yeso‑ka yo‑yose mai tamine 11:26

Saoro‑ya wasi, Atioki‑ya Saoro‑ya kakame, Yeso ati‑ya mai no‑nofa faha fowe ohare‑ya mai‑ya mai daba, mai‑ya mai kanawata, Kirisito‑ka mai amani, mai ati nawawahamoneni, Atioki‑ya.

Yeso‑ka yo‑yose mai tamine 11:27

Yerosare‑ka mai one Deoso ati‑ya mai mi‑mita, Atioki‑ya mai tokawaha,

Yeso‑ka yo‑yose mai tamine 13:1

Atioki‑ya Deoso ati‑ya mai mi‑mita mai toha, Yeso ati‑ya mai ka‑kanawato mai toha na, mai wina, i‑di Banabe toha, Simiyaho so‑sokine toha, Rosiyo Sireni‑ke toha, Manaeni Erodi mai yanikimamete mai toha, Saoro toha nane.

Yeso‑ka yo‑yose mai tamine 14:26

Atariya‑ya maboro‑ya mai foya, tabora webote Siriya‑ka tabora bide oni Atioki‑ya mai towakamaboneni. Hibati‑ya Atioki‑ya mai mai hiyose, Deoso tamine‑ya mai hiyarabone mai towakamete mai hiyari hawa toha, mai winitokanamamoneni.

Yeso‑ka yo‑yose mai tamine 15:22

Yeso‑ka yo‑yose mai toha, Yeso‑ka bote mai toha, Yeso ati‑ya mai no‑nofa mai toha, mai na, mai ibi hiyara, “Ai‑ka mai one ai yosehi, Baoro, Banabe mai fama, mai‑ya mai dabiya, Atioki‑ya mai tokabonehe. Ai‑ka webote mai fama, i‑di Yoda Basaba, i‑di Sira ne, mai ai yosehi.” Mai ati na.

Yeso‑ka yo‑yose mai tamine 15:23

Atioki‑ya mai wi‑wina mai‑ka yama hani‑bone‑ya mai kanahano, “Atioki‑ya dai wi‑wina, Siriya‑ya dai wi‑wina, Sirisiya‑ya dai wi‑wina, dai na, dai‑ka yama hani‑bone‑ya. Yeso‑ka yo‑yose oda toha, oda‑ka bote mai toha na, dai‑ka yama hani‑bone oda kanahanoneni. Hibati‑ya Bara‑ta dai tohamaro, hibayata oda‑ka soho dai tohawahineni.

Yeso‑ka yo‑yose mai tamine 15:30

Yama hani‑ya mai damakana, mai towakama, Atioki‑ya mai kobokana, Kirisito‑ka mai nafi yorotokana, mai‑ya yama hani‑ya mai daanineni.

Yeso‑ka yo‑yose mai tamine 17:18

Ebekoriyo mai toha, Esitoiko mai toha na, Baoro‑ya mai hiyara, Deoso tamine‑ya mai ibi hiyara, “Baoro yama‑ya watore, hini yamata‑nima ati nati?” Mai one ati na. “Mai one‑ka deoso tamine‑ya hiyare awane.” Mai one ati na. Yeso abe, kitame ene ai kitamaharebone tamine‑ya Baoro hiyarane. Ai kitamabone tamine‑ya mai mita, yama‑ya mai watorani.

Yeso‑ka yo‑yose mai tamine 18:22

Sesareya‑ya fiyakane, Yerosare‑ya toke, Yeso‑ka mai‑ya hiyare, makobote Atioki‑ya tokome,

Yeso‑ka yo‑yose mai tamine 2:10

Firikiya‑ka mai ati‑nima ai owa ati nihi, Banafiriya‑ka mai ati‑nima ai owa ati nihi, Eyito‑ka mai ati‑nima ai owa ati nihi, Ribiya tabora kote‑ya Sireni tabora toha, Sireni yakari‑ka mai ati‑nima ai owa ati nihi, Homa‑ka mai ati‑nima ai owa ati nihi,

Yeso‑ka yo‑yose mai tamine 4:36

I‑di Yose hika fadara‑ya daane, yinero‑ya kanike, Yeso‑ka yo‑yose mai‑ya yinero‑ya daanemarine. Refi mai‑ka owa i‑di Yose tohe, tabaro oni Sibe tohe, yara mai‑ka ha‑haa Yose toha, Yeso‑ka yo‑yose mai‑ka ha‑haa Banabe toha, ai ati‑ya ‘Ai‑ya ka‑kasoma’ tohene.

Yeso‑ka yo‑yose mai tamine 5:42

Mai ati fawara, mahi‑nima Deoso‑ka yobe‑ya Yeso tamine‑ya mai one‑ya mai kanawato, yobe owa‑ya mai toka, Yeso Kirisito tamine‑ya mai kamina namoneni.

Yeso‑ka yo‑yose mai tamine 6:1

Yeso ati‑ya mai no‑nofa mai dodamawaha, mai fanawi bote honita toha, mai tafe‑bone‑ya mai daateni. Kereko mai ati yawawaha, “Oda‑ka fana bote mai honita waha‑ka yamata‑bone dai daana bi‑bidi, Yodeo dai‑ka fana bote mai honita waha‑ka yamata‑bone dai daana ba‑basi teni.” Mai ati namoneni.

Yeso‑ka yo‑yose mai tamine 6:5

Mai ati‑ya mai mita, mai ya‑yaina, mai 7 kana mai‑ya mai kadika, i‑di Tefaho‑ya mai kadiki dai toha, Tefaho Yeso ati‑ya nofi nafi, Deoso‑ka Doni ati‑nima ene ne, Firibi, Bokoro, Nikano, Timaho, Bamena, Nikorao mai na, mai‑ya mai kadikamoneni. Nikorao Bare tohe, tabaro oni Atioki tohemata, Yodeo mai‑ya sawimari, sawine.

Yeso‑ka yo‑yose mai tamine 6:9

Sireni‑ka mai toha, Aresadiriya‑ka mai toha, Sirisiya‑ka mai toha, Asiya‑ka mai toha, mai na, hibati‑ya mai yaditonamaro mai seekawaha, Yerosare‑ya mai winawaha, Deoso‑ya mai hi‑hiyara‑ke yobe‑ya mai yorotokana, Tefaho ati‑ya mai mita, mai ati yawa, Tefaho‑ya mai weenawahani.

Yeso‑ka yo‑yose mai tamine 8:35

“Yeso tamine‑ya Isa·iya kanahanomatane.” Firibi ati ne, Yeso Ati Amosabote nafi‑ya kaminamakine.

Yeso‑ka yo‑yose mai tamine 8:5

Samariya‑kaya i‑di Firibi toke, Kirisito tamine‑ya mai‑ya hiyarane.

Yeso‑ka yo‑yose mai tamine 9:20

Deoso‑ya mai hi‑hiyara‑ke yobe‑ya i‑di Saoro Yeso tamine‑ya hiyare, “I‑di Yeso, Deoso Bidi amane.” Ati ne.

Yeso‑ka yo‑yose mai tamine 9:29

Yodeo mai one, Kereko mai ati‑nima mai ati na, mai‑ya Yeso tamine‑ya hiyare ene mai ati yawa, fai‑ya mai ati nanahabamoneni.

Korito daidi 2:2

Yama bara tamine ohiyari awira, Yeso Kirisito tamine‑ya ohiyarabisamaroni. “Yeso mai baahikane, abematane.” Onamaroni.

Karatiya 2:11

Atioki‑ya Bedoro kobonamaki, hini noko‑ya wee·onemarine, ene amosare ene.

Efesiyo 3:8

Hibati‑ya Deoso owa‑ya haanemari, owa ene amosara nafe mai one‑ta ihi amosara bi‑bidi na, owa‑ta owa‑ya Deoso haanemarine, Bara mai‑ya Yeso Ati Amosabote okaminabonehe. Yeso Kirisito ai‑ya kasomi nafi ene nafi ai watoterebonane.