Yeso‑ka yo‑yose mai tamine 11:12 - Deoso-ka Yama Hani

¹² Deoso‑ka Doni owa‑ya yose, ‘Mai‑ya tisawimahi. Mai oyoseni.’ Deoso‑ka Doni ati ne. Ati ene mai‑ya osawima, ai‑ka mai 6 toha, owa‑ya mai sawe, Koneriyo‑ka yobe‑ya oda tokiyomaroni.

Yeso‑ka yo‑yose mai tamine 11:12 ပူးပေါင်းရင်းမြစ်များ

Mateo 1:20

I‑di Yose amone, Deoso‑ka yo‑yose wadarine‑ya awe, ati‑ya mite, “Yose, i‑di Dafi‑ka nodi amatini. Owati timitahi. I‑di Mariya dai famiyahi. Sibaraboneni. Deoso‑ka Doni ati ene Mariya naba toha, maki ene tohi awirane.

Yowaho 16:13

Deoso‑ka Doni Deoso ati yokana‑ya ka‑kamina koboneya, Deoso ati nafi‑ya yofikanebonane. Hini ati ene ati yanani awirebona, yama himita‑ya kaminabisebonane. Yama nabone tamine‑ya kaminebonane.

Yeso‑ka yo‑yose mai tamine 1:15

Mahi owa‑ya mai dama mai yorotokana, 120 mai toha, mai bai‑ya i‑di Bedoro waamise, mai‑ya hiyare,

Yeso‑ka yo‑yose mai tamine 10:23

“Sibarini, ahi‑ya dai amoniya, ai bosatonamabani.” Bedoro ati ne. Mai amona, Bedoro mai‑ya tosawime, Yabe‑ka mai one Yeso ati‑ya mai no‑nofa, Bedoro‑ya mai one daba,

Yeso‑ka yo‑yose mai tamine 10:45

Bedoro‑ya mai sawe, mai ibi hiyara, “Ka! Deoso‑ka Doni Bara mai‑ya sawine. Bara mai‑ya Deoso‑ka Doni sawiterebona oda atibodi ati nani.” Mai ati namoneni.

Yeso‑ka yo‑yose mai tamine 11:13

Deoso‑ka yo‑yose‑ya i‑di Koneriyo awe, Deoso‑ka yo‑yose ati‑ya mite, ‘Yabe‑ya tika yo‑yose mai tiyosehi, Simaho Bedoro‑ya mai kakamaba.

Yeso‑ka yo‑yose mai tamine 13:2

Deoso‑ya mai kahiyara mahi ohari‑ya mai tafarani, Deoso‑ya mai hiyari oharebonehe. Deoso‑ya mai hiyariya, Deoso‑ka Doni mai‑ya hiyarawahe, “I‑di Banabe i‑di Saoro mai fama mai yoronahi. Oka mai toha, mai oyoseboneni, oka yama ani‑ya mai aninabonehe.” Ati nemonane.

Yeso‑ka yo‑yose mai tamine 13:4

Deoso‑ka Doni ati ene Serosiya‑ya mai toka, Serosiya‑ya maboro‑ya mai foya, faha teberi‑ya mai towaka, faha teberi oni Sibe tohateni.

Yeso‑ka yo‑yose mai tamine 15:7

Mai dami hiyari hawa tohiya, Bedoro waamise, “Soho, owati dai mitahi. Hibati‑ya Deoso owa‑ya yosemarine, Bara mai‑ya Yeso Ati Amosabote ohiyarabonehe. Bara owati‑ya mai mita, Yeso ati‑ya mai nofawaha, mai dai watoneni.

Yeso‑ka yo‑yose mai tamine 15:9

Deoso noko‑ka oda‑nima mai na, Yeso ati‑ya mai nofa, mai‑ya ati somawamane.

Yeso‑ka yo‑yose mai tamine 28:15

Homa‑ya Yeso‑ka mai wi‑wina oda tamine‑ya mai mita, Abio Foro‑ya mai one kama, Tafena 3 kana toha‑ya mai one kama, oda‑ya mai kobona, mai‑ya Baoro awe, Deoso‑ya kahiyare, atibodi kitawahemarine.

Yeso‑ka yo‑yose mai tamine 8:29

“Firibi, kafaro ho‑horokana yakari‑ya yakatinahi.” Deoso‑ka Doni ati ne,

Homa 3:22

Yeso Kirisito Deoso tabaro hawine‑ya wamanemata, ati ai nofe, Deoso ai‑ya ati somawamatene. Yodeo oda toha, Bara dai toha, dai na, Deoso ai‑ya awe, fara hinama ai toha, Yeso ati‑ya ai nofiya, Deoso ai‑ya ati somawamebonane. Ai ene amosara‑ya Deoso fawanihi, ai ene amosara wadamara‑nima ai ene nawahani.

Tesaronika yoto‑ke 2:2

Ai‑ka Hidi koboni kemorebonane. “Yeso kobonane.” Mai one ati na, Mai ati dai nofariyahi. “‘Yeso kobonamane.’ Deoso‑ka Doni ati nane.” Mai ati na, mai ati dai nofariyahi. “‘Yeso kobonamane.’ I‑di Baoro‑ka yama hani ati nane.” Mai ati niya, mai ati dai nofariyahi. Dai habo siitoriyahi.

Yeso Kirisito ene‑bona 22:17

Deoso‑ka Doni ati toha, Kaneiro Bidi fadi‑bone ati toha na, mai ati, “Yeso, kobotinahi.” Yama hani ati dai mitiya, dai ati yananamatasahi. “Yeso, kobotinahi.” Dai ati nahi. Dai bako hoko‑ya dai kamahi. Ai abarabone‑ka faha dai fawiya, manakone wadaraboneni.