Yeso‑ka yo‑yose mai tamine 10:43 - Deoso-ka Yama Hani

⁴³ Hibati‑ya Deoso ati‑ya mai mi‑mita‑mete Yeso tamine‑ya mai kanahanameteni. Ati mai hinofeya, Deoso mai‑ya ati somawamebona mai ati nameteni.” Bedoro ati nemonane.

Yeso‑ka yo‑yose mai tamine 10:43 ပူးပေါင်းရင်းမြစ်များ

Maroko 16:16

Deoso ati amosabote ati‑ya mai nofa, mai dai habanirisiya, Deoso tabaro‑ya mai saweboneni. Deoso ati amosabote ati‑ya mai nofara, wara hirini‑ya mai‑ya weenebonane.

Roka 24:47

Mai ihi towe‑maro‑ya mai nofamariya, mai ihi manakone wadamaraboneni. Fare Deoso‑ka Ka‑kadika ene amane. Fare tamine‑ya mai kaminaboneni, Yerosare‑ya. Makobote mai tabori dami‑ya tamine mai hikaminamakibonane.’ Yama hani ati nineni.

Yowaho 1:45

I‑di Natanaeo‑ya Firibi toke, fai‑ya hiyare, “Natanaeo, owati timitahi. Mose‑ka yama hani ati toha, Deoso ati‑ya mai mi‑mita‑mete mai‑ka yama hani ati toha na, ai owa kobonebona yama hani ati na, fare Yeso Nasare‑ke amane. I‑di Yose bidi amane. Yeso oda kobonawahene.” Firibi ati nemarine.

Yowaho 20:31

Yeso ene kote okanahano, Yeso tamine dai nofebonaha. Yeso i‑di Kirisito amane. Deoso Bidi amane. Tamine dai nofeya, Yeso ene dai abaraboneni.

Yowaho 5:24

Owati amosabote dai mitahi. Okobi owa‑ya yosemarine. Owati‑ya mai mita, Okobi ati‑ya mai nofa, mai abateraboneni. Mai ihi towe manakone oda haarabone, mai kome fawarabone‑ka mai tohami awirini, mai abarabone‑ka mai tohabisineni.

Yeso‑ka yo‑yose mai tamine 15:9

Deoso noko‑ka oda‑nima mai na, Yeso ati‑ya mai nofa, mai‑ya ati somawamane.

Yeso‑ka yo‑yose mai tamine 2:38

“Deoso‑ya dai‑ya dai kamina, Yeso Kirisito ati dai nofa, dai oda habanirisiya, Deoso dai‑ya ati somawameya, Deoso‑ka Doni dai‑ya sawiwahebonane.

Yeso‑ka yo‑yose mai tamine 26:18

Owa tamine Bara mai‑ya tihiyariya, mai noki weetokana‑nima mai nabone, hibayata yama soki‑nima na‑ya mai wina, tiwati‑ya mai mitiya, yama tehe‑nima na‑ya mai winawahaboneni. Satanasi‑ka mai tohamarabone, Deoso‑ka mai tohaboneni. Mai‑ya owati somawamabone, owati‑ya mai one nofa‑nima yama amosa‑ya mai kayafaboneni.’ Yeso ati nemarine.

Yeso‑ka yo‑yose mai tamine 26:22

Deoso owa‑ya kasomanadi ene hasi·ona, hidi mai toha, mai ati kita mai‑ya ohiyara, hidi mai tohara, mai ati kitara mai‑ya ohiyara ona, i‑di Mose ati‑mata‑nima yama nawaha, Deoso ati‑ya mai mi‑mita‑mete mai ati‑nima yama nawaha, tamine okamina oteni.

Yeso‑ka yo‑yose mai tamine 3:16

Yeso ati oda nofa, Yeso ene ka‑kakone‑mata kitamawahe. Hibati‑ya ka‑kakone dai wato, Yeso ene kitame wai, dai awaho.

Yeso‑ka yo‑yose mai tamine 3:18

Deoso ati‑ya mai mi‑mita‑mete Deoso ati‑ya mai kanahana, ‘Deoso‑ka Ka‑kadika‑ya mai nakomaboneni.’ Mai ati namete. Deoso ati‑nima yama nawahani.

Homa 10:11

“Yeso ati‑ya mai no‑nofa mai habi siitora, Yeso ati‑nima yama na‑ya mai awawahaboneni.” Deoso‑ka yama hani ati nineni.

Homa 3:21

Hibayata Deoso ai‑ya ati somawamebona tamine‑ya ai watowaha, Deoso hini tabaro hawine‑ya ai‑ya yofikawawahe, ai ene toharihi, Mose ati ene toharihi nane. Hibati‑ya Deoso hawine‑ya Kirisito wamanebona tamine‑ya i‑di Mose kanahano, Deoso ati‑ya mai mi‑mita‑mete tamine mai hikanahanohari hinematane.

Homa 5:1

Yeso ati‑ya ai no‑nofa Deoso ai‑ya ati somawame, ai‑ka Ayo i‑di Yeso Kirisito ai manakone‑ya nanahabe ene ai manakone wadamara, Deoso ai‑ya ati yawamare, ai‑ya ati somatene.

Homa 6:23

Ai ene towe manakone ai ababone, Deoso eyehe ai winateraboneni. Ai‑ka hidi Yeso Kirisito ai manakone‑ya nanahabe ene Deoso ai‑ya ati somawame, hiniya ati somawame, ai anina manakone tohi awirini. Deoso tabaro‑ya ai winabone, ai abamateraboneni.

Homa 8:1

Hibayata Yeso Kirisito ati ai no‑nofa Yeso‑ka ai toha, Deoso ai‑ya yawi awire, ai manakone amosara‑ya daani awirebonane.

Homa 8:34

Deoso‑ya ai tamine‑ya mai hiyariya, “Mai ihi amosaramaro, mai abahi.” Mai ati naba awineni. Deoso‑ka kanika‑ya Yeso itari, ai tamine‑ya kaminamakiya, “Mai abarabone, mai manakone onahaba, o·aba, okitamamaro, mai manakone amosara wadami awirani.” Ati nebonane.

Karatiya 3:22

Mose ati ene ai nafi manakone wada ai wato teni. Makobote Yeso Kirisito ati‑ya mai nofa, mai manakone abateni.

Efesiyo 1:7

Deoso Bidi Yeso Kirisito abe, emene tokafodo ene ai manakone abamaroni, ai manakone wadamaterabonehe. Ai ene amosara ai‑ya yaditona‑nima namaro, ai manakone aba, Deoso ai‑ya ati somawame, ai‑ya seekanemarine. Deoso ene amosabote amane.

Koroso 1:14

Yeso ai manakone‑ya nanahabe, ene Deoso ai‑ya ati somawamane.

Ebereo 13:20

Dai tamine Deoso‑ya ohiyarineni, Deoso ene dai atibodi dai‑ya weerabonehe. Ai‑ka Hidi i‑di Yeso ai‑ya na‑nawada webote abe, emene tokafodo, ai manakone‑ya nanahabi hawa tone, Deoso hinakitamene.

Bedoro daidi 1:11

Kirisito‑ka Doni mai‑ya sawi, Deoso ati‑ya mai kanahano, “Kirisito abebona‑ya makobote kitameya, amosabote tohebonane.” Kirisito‑ka Doni ati ene mai kanahanameteni. “Ka! Hini yamata ihi Kirisito ababonati? Eme amoni ne‑ya ababonati?” Mai atibodi ati nineni. Yama‑ya mai watora, mai atibodi yama‑ya kadikineni.

Yeso Kirisito ene‑bona 19:10

Teme yowi‑ya owa bako‑kaya ohoma, okahiyarebona, “Araba! Owa tikahiyarariyahi! Yeso tamine dai ka‑kamina dai‑nima ona ama·oni. Yeso ati dai to‑tokadaba dai toha, yama yananabone tamine oda ka‑kamina oda toha, ai na, Deoso‑ya ai na‑narifa ai amani. Ai‑ka hidi oharine, Deoso tikahiyarabisahi.” Deoso‑ka yo‑yose ati namatasene.