Yeso‑ka yo‑yose mai tamine 10:38 - Deoso-ka Yama Hani

³⁸ Yeso Nasare‑ke tamine dai mite awane. Deoso ene Deoso‑ka Doni Yeso‑ya sawi, mai tabori dami‑ya toke, ene amose, kite, madi mai‑ya mai foya, Yeso ene madi mai kanana, mai kiyanamaro, mai kitamawahani.

Yeso‑ka yo‑yose mai tamine 10:38 ပူးပေါင်းရင်းမြစ်များ

Mateo 12:15

Mai ihi‑bone‑ya Yeso wato, toke, nowati‑ya mai dama mai tokomake, mai kiyana mai‑ya Yeso nakitame,

Mateo 12:28

Deoso‑ka Doni ati ene madi towe mai kana·onihe, dai ati na, Deoso ai nafi‑ka hidi kitabote tohawahebona dai‑ya sawine.

Mateo 9:19

Yeso waamisame, hika mai da‑daba mai eyehe tokomakimarine.

Mateo 9:35

Mai‑ka sidadi dami‑ya Yeso toke, mai tabori bide dama‑ya toka ne, Deoso‑ya mai hi‑hiyara‑ke yobe‑ya tokiyome, mai‑ya kanawatomarine. Neme‑ke ai nafi‑ka hidi kitabote tohawahebona tamine‑ya hiyara, mai kiyana mai‑ya nakitama nemarine.

Maroko 6:6

Mai ihi‑ya Yeso awe, atibodi yama‑ya kadike, “Ka! Owati‑ya mai nofi awirini.” Yeso atibodi ati nemarine. Tabora bide dama‑ya Yeso tokemarine, mai‑ya kanawatobonaha.

Roka 3:22

Yeso‑ya Deoso‑ka Doni kise, wayomata awi‑nima Deoso‑ka Doni awinematane. Neme‑ya ati kaki, “Oka Dao amatini. Tiwa onofi nafineni. Tiwa ene amosa ene ya‑yai·oneni.” Ati nematane.

Roka 4:18

“Deoso‑ka Doni owa‑ya sawi, Deoso owa‑ya kadikemari, owa‑ya yosemarine. Yama‑ya mai kihara mai‑ya Deoso ati amosabote okaminawahaboneni. Hibati‑ya mai‑ya barikanemari, owati ihi mai seekawahaboneni. Hibati‑ya yama‑ya mai awatera, owati ihi yama‑ya mai awawahaboneni. Mai mai bisihinamaro, owati ihi mai mai bisihinami awiraboneni.

Roka 9:42

Bidi‑ya kakameya, madi towe yetene‑ya fatatowitimatane. Yetene wami‑ya sone, hini‑ya werenematane. Madi towe‑ya Yeso weene, yetene‑ya nakitame, yetene‑ya badi‑ya daatonamematane.

Roka 9:56

Mai‑ya okasomabone okemaro, mai nanahabi onofarani.” Yeso ati nematane. Tabora one‑kaya mai tokawahameteni.

Yowaho 10:32

“Deoso ene owa ene amosa, owa ene kitabote amani. Owa ene dai awamaro, owa‑ya dai ati nanahabi‑ka dai yofikanahi.” Yeso ati nemarine.

Yowaho 16:32

yama nahorabone, fara hibayata dai kananaboneni. Owa dai dabami awirabone, dai tabaro‑ya dai tokomaboneni. Owa hari awirabone, Okobi oda famaboneni.

Yowaho 3:2

Yama soki‑ya Yeso‑ya toke, Yeso‑ya hiyare, “Ayo, Deoso tiwa‑ya yose‑mata ati tikamine, tiwa ene kitabote tohani. Deoso‑ka tihara‑mani, haa‑nima tiwa ene ra neni.” Nikodimo ati nemarine.

Yowaho 3:34

Deoso hiyose, Deoso ati‑ya kaminatene. Deoso ati ene Bidi‑ya hika Doni sawi oharine.

Yowaho 6:27

Yamata dai nokotoniriyahi. Yamata batateni. Oka yamata bara ihi dai abaterabone, fara dai nokotonibisahi. Okobi i‑di Deoso owa‑ya yose, owa‑ya kayawemarine. Yamata bara dai‑ya daa·onaboneni. Dai‑ka Ayo neme‑ke ama·oni.” Yeso ati nemarine.

Yeso‑ka yo‑yose mai tamine 10:37

Yodeya‑ka yama tamine dai mitatekarini? Hibati‑ya i‑di Yowaho Batita mai‑ya habanirise, makobote Karireya‑kaya yama yanana, tamine dai mitahare awineni.

Yeso‑ka yo‑yose mai tamine 2:22

Bedoro mai‑ya hiyaramatase, “Isara·eo‑ka nodi dai toha, owati dai mitahi. Deoso ene Yeso Nasare‑ke ene dai watoneni. Yeso ene kitabote tohe, ene‑ya mai awa, ‘Ka! Haa‑nima ai ene na ai awaterani.’ Mai ati namaroni.

Ebereo 1:9

Mai ihi amosa, mai ihi ya‑yaitina, mai ihi amosara, mai ihi tiyawa titeni. Tiwa ene Deoso tiwa‑ya kadike, tika mai one‑ka hidi tihawahani, tiwa ya‑yaini ba‑basi naboneni.

Bedoro daidi 5:8

Dai noko wadahi. Yama‑ke yomahi‑nima Satanasi nane. Yama‑ke yomahi bani mai‑ya kiiyotene, bani mai‑ya kabebonaha. Fare‑nima dai‑ya ka‑kako i‑di Satanasi dai‑ya kakatome, dai noko wadahi. Dai noko wadariya, dai‑ya keyehe, ati dai tokadabebonane.

Yowaho daidi 2:20

Yeso‑ka ai toha, Deoso‑ka Doni ai‑ya sawitene. Deoso‑ka Doni ai‑ya sawi, Deoso ati ai watoteni.

Yowaho daidi 3:8

Mai ihi amosara, Satanasi‑ka mai toha, Satanasi ene amosaremata, ene amosanasa rene. Deoso Bidi i‑di Yeso kamemarine, Satanasi ene‑ya nanahabebonaha.