Yeso‑ka yo‑yose mai tamine 10:36 - Deoso-ka Yama Hani

³⁶ Hibati‑ya Deoso Bidi‑ya yosene, Isara·eo‑ka nodi mai‑ya Ati Amosabote hikaminebonaha. Yeso Kirisito ati‑ya mai nofa, Deoso mai‑ya ati somawamebonane. Fare‑nima Yeso Kirisito ati dai nofa, Deoso dai‑ya ati somawamaharibonane.

Yeso‑ka yo‑yose mai tamine 10:36 ပူးပေါင်းရင်းမြစ်များ

Mateo 10:6

Yodeo mai tabori‑ya dai tokabisahi. Kaneiro mai fawatonakosa mai‑nima Yodeo mai nineni.

Mateo 11:27

Oda‑ya hiyaramatase, “Okobi ene yama nafi okayafawahineni. Owa‑ya dai wato nafira, owa‑ya Okobi watobisane. Okobi owato oteni. Owati ihi Okobi‑ya dai one watomakineni. Dai‑ya okasomara‑mani, Okobi‑ya dai watora neni.

Mateo 28:18

Makobote Yeso oda‑ya kobone, oda‑ya hiyare, “Neme, Bofe na‑ka hidi ohawahineni.

Roka 1:79

Yama soki‑ya mai naha mai kome fawaterabone‑ka hawi‑ya mai sawi, Deoso Bidi ene Deoso ati somebona‑ka hawi ai watowahaboneni.” Sakariya ati nematane.

Roka 24:47

Mai ihi towe‑maro‑ya mai nofamariya, mai ihi manakone wadamaraboneni. Fare Deoso‑ka Ka‑kadika ene amane. Fare tamine‑ya mai kaminaboneni, Yerosare‑ya. Makobote mai tabori dami‑ya tamine mai hikaminamakibonane.’ Yama hani ati nineni.

Yeso‑ka yo‑yose mai tamine 10:37

Yodeya‑ka yama tamine dai mitatekarini? Hibati‑ya i‑di Yowaho Batita mai‑ya habanirise, makobote Karireya‑kaya yama yanana, tamine dai mitahare awineni.

Yeso‑ka yo‑yose mai tamine 11:19

Hibati‑ya Tefaho‑ya mai nanahabiya, Yeso ati‑ya mai no‑nofa tabora dami‑ya mai toka, Fenisiya‑ya mai one toka, Sibe‑ya mai one toka, Atioki‑ya mai one toka na, Yodeo mai‑ya Yeso tamine‑ya mai hiyara, Bara mai‑ya mai hiyari awira,

Yeso‑ka yo‑yose mai tamine 13:32

Ai‑ka idi mai‑ya Deoso Ati Amosabote‑ya hiyaremata, fare Ati Amosabote dai‑ya oda kaminineni.

Yeso‑ka yo‑yose mai tamine 13:46

Baoro, Banabe, mai fama mai ati fawani awira, “Yodeo dai toha, Deoso ati ene dai oda hiyari baha, dai ati a‑arira, Deoso ati dai nofara, Deoso tabaro‑ya dai wini awirabone, dai abi ohareboneni. Dai ati ene Bara mai‑ya oda tokiya, mai oda hiyarawahaboneni.

Yeso‑ka yo‑yose mai tamine 2:36

Isara·eo‑ka nodi dai toha, yama dai watohi! Yeso dai baakanemari, Deoso ene ai nafi‑ka Hidi tohe, Kirisito amane. Dai ati kadamowamariyahi.” Bedoro ati nane.

Yeso‑ka yo‑yose mai tamine 5:31

Deoso ene Deoso‑ka kanika‑ya hina·itari, itarine, ai nafi‑ka hidi toha, ai manakone‑ya nanahaba toha nane. Isara·eo‑ka hini mai tamine‑ya mai kamina, mai‑ya Deoso ati somawamebonane.

Homa 14:9

Hibati‑ya Yeso Kirisito abe, kitamematane, ai hasi, ai aba na, ai nafi‑ka hidi tohebonaha.

Homa 5:1

Yeso ati‑ya ai no‑nofa Deoso ai‑ya ati somawame, ai‑ka Ayo i‑di Yeso Kirisito ai manakone‑ya nanahabe ene ai manakone wadamara, Deoso ai‑ya ati yawamare, ai‑ya ati somatene.

Korito daidi 15:27

Deoso ene ai nafi‑ka Hidi i‑di Yeso Kirisito tohe, Deoso‑ka Hidi‑ta wadaterene. Deoso ene Yeso Kirisito yama nafi‑ka Hidi tohene.

Korito daidi 15:47

I‑di Adaho bofe‑ke atabo‑ya Deoso wamahine, Adaho owa i‑di Yeso Kirisito neme‑ke amane.

Firibo 2:11

“Yeso Kirisito ai‑ka Hidi amatini.” Mai dami ati naboneni. Ai‑ka Abi i‑di Deoso‑ya mai kahiyaraboneni.

Koroso 1:20

“Mai manakone‑ya oka dao nanahabebonane, mai‑ya owati somawamabonehe.” Deoso ati nematane. Awa‑ya Yeso waane, abemarine. Yeso emene‑ya yama nafi‑ka manakone‑ya nanahabane, Deoso ati somawamebonaha. Yeso ati mai nofa, Deoso mai‑ya kasomebonane. Bofe‑ya mai wi‑wina mai‑ya Deoso ati somawame, neme‑ya mai wi‑wina mai‑ya Deoso ati somawamahari nebona ati nane.

Ebereo 1:2

Hibayata ai‑ya Deoso ati‑ya Bidi i‑di Yeso kaminawahene. Deoso ati ene yama nafi‑ya Bidi wamane, neme‑ya wama, bofe‑ya wama nematane. Makobote Deoso ati ene yama nafi‑ya Bidi kayafawahebonane.

Ebereo 13:20

Dai tamine Deoso‑ya ohiyarineni, Deoso ene dai atibodi dai‑ya weerabonehe. Ai‑ka Hidi i‑di Yeso ai‑ya na‑nawada webote abe, emene tokafodo, ai manakone‑ya nanahabi hawa tone, Deoso hinakitamene.

Bedoro daidi 3:22

Yeso kitame, neme‑ya toke, Badi i‑di Deoso‑ka kanika‑ya itariwahe, Yeso kitabote tohe, neme‑ya mai wi‑wina, Deoso‑ka yo‑yose, mai na, mai‑ka hidi tohanane.

Yeso Kirisito ene‑bona 1:18

O·abamaro, okitamamaro, owa tiawahi. O·abamateraboneni. Mai aba mai tame‑ka safi dama·okana, mai korimari wiye‑ka safi dama·okana, oneni.

Yeso Kirisito ene‑bona 1:5

Yeso Kirisito yama‑ya watone, yama hiwata tamine‑ya kaminawahane. Yeso kitame, abamaterebona, kitami daidi amane. Bofe‑ka hidi mai‑ka hidi webote amane. Fare okahiyarineni. Ai‑ya nofi nafibisane. Hibati‑ya ai ene amosara, ai barikana‑nima ai namaroni. Makobote Yeso abe, ai‑ya seekawahemarine.

Yeso Kirisito ene‑bona 17:14

Mai‑ka sodado Kaneiro Bidi‑ya mai ati bisinabone, Kaneiro Bidi mai‑ya bisinibisebonane. Kaneiro Bidi hidi bidi mai nafi‑ka hidi tohe, hidi webote mai nafi‑ka hidi toha nane. Bofe‑ka mai one‑ya Kaneiro Bidi haanemari, mai‑ya kayawemari, Deoso hawine‑ya mai sawi oharemaroni. Kaneiro Bidi‑ya mai dabineni.” Deoso‑ka yo‑yose ati nene.

Yeso Kirisito ene‑bona 19:16

Hika bora fanaki‑ya oni kawane, “Hidi webote mai‑ka hidi ama·oni. Hidi mai nafi mai‑ka hidi ama·oni.” Hika bora fanaki‑ka yama hani kawana ati nani.