Yeso‑ka yo‑yose mai tamine 10:22 - Deoso-ka Yama Hani

²² “Sodado mai‑ka hidi i‑di Koneriyo oda‑ya yosene. I‑di Koneriyo amosabote amane. Deoso ati‑ya nofe, Yodeo mai nafi hinofatene. Mahi owa‑ya Deoso‑ka yo‑yose‑ya awe, tiwa‑ya haanebona, tiwati‑ya mitebona Deoso‑ka yo‑yose ati nemonane.” Mai ati na.

Yeso‑ka yo‑yose mai tamine 10:22 ပူးပေါင်းရင်းမြစ်များ

Mateo 1:19

Deoso ati‑ya Yose nofi nafi, Mariya naba tamine‑ya mite, atibodi yama‑ya kadike, “Owa ene Mariya‑ya mai weeriyahi. Owati yanaraboneni. Hini owa honita wahaboneni.” I‑di Yose atibodi ati nematane.

Mateo 2:12

Deoso‑ka yo‑yose ati wadarine‑ya mai awa, “I‑di Erodi‑ya dai tokomariyahi.” Deoso‑ka yo‑yose ati wadarine ati nematane. Wada ihi hawi one‑kaya mai tokoma, hini mai tabori‑kaya mai tokoma, i‑di Erodi‑ya mai hiyari awirameteni.

Maroko 6:20

I‑di Erodi habo siitone, “Yowaho Batita ene amose, Deoso‑ya na‑narifa amane.” I‑di Erodi atibodi ati ne, fai‑ya nayofine, fai‑ya kasomematane. I‑di Yowaho ati miti‑ya i‑di Erodi nofe, fai ati‑ya tokadabare, ati hiwatoremarine.

Maroko 8:38

Bofe‑ya mai wi‑wina yama dama‑ya mai nokotonihe, Deoso ati‑ya mai tokadabara dai‑ya mai weeni awirabone dai ati na, owa‑ya dai nofarihi, owati‑ya dai nofarihi dai niya, okomatasiya, dai‑ya onofahariraboneni. Okomatasiya, Okobi wehene owa‑ya sawi, Okobi‑ka yo‑yose mai amosabote owa‑ya mai sawi naboneni.” Yeso ati nematane.

Roka 2:25

Simiyaho tamine timitahi. Yerosare‑ya i‑di Simiyaho sawi, ene amose, Deoso ati‑ya nofematane. Deoso‑ka Ka‑kadika Isara·eo‑ka nodi mai‑ya kasomatebona yama hani ati na, fara‑ya Simiyaho nimanematane. Deoso‑ka Doni Simiyaho‑ya sawimatane.

Roka 23:50

Yose Yodeo mai‑ka hidi bidi owa tohe, ene amose, Deoso ati‑ya nofematane.

Roka 9:26

Deoso‑ya mai nofara dai‑ya mai weeni awirabone dai ati na, owa‑ya dai nofarihi, owati‑ya dai nofarihi dai ni‑ya, okomatasiya, dai‑ya onofahariraboneni. Okomatasiya, Owa wehene wadabone, Okobi wehene owa‑ya sawibona, Okobi‑ka yo‑yose amosabote mai wahi owa‑ya sawi naboneni.

Yowaho 13:20

Owati amosabote dai mitahi. Hiyose ati mai hinofeya, owati‑ya mai nofahariteni. Owati‑ya mai nofiya, owa‑ya yose‑mari ati‑ya mai nofahariteni.” Yeso ati nemarine.

Yowaho 17:20

Owa‑ya mai da‑daba mai tamine ohiyara, makobote mai ati mai one hinofawahabone mai tamine ohiyarahari neni.

Yowaho 17:8

Owa‑ya tikaminamaro, mai‑ya okaminamakineni. Tiwati‑ya mai nofineni. Tika ama·oni. Owa‑ya tiyosemaro, owa‑ya mai watowahineni.

Yowaho 5:24

Owati amosabote dai mitahi. Okobi owa‑ya yosemarine. Owati‑ya mai mita, Okobi ati‑ya mai nofa, mai abateraboneni. Mai ihi towe manakone oda haarabone, mai kome fawarabone‑ka mai tohami awirini, mai abarabone‑ka mai tohabisineni.

Yowaho 6:63

Ai atibodi ene ai abarani. Ai abano ababisateni. Dai atibodi tamine‑ya ohiyara, owati dai nofiya, dai abaraboneni.

Yowaho 6:68

“Ayo, oda toki awirini. Ai abaterabone‑ka hawi yofitikana, ai‑ya yo‑yofikana‑ba ai owa wadarane.

Yeso‑ka yo‑yose mai tamine 10:2

Deoso ati‑ya i‑di Koneriyo hika mai eyehe nofe, Deoso‑ya hiyaratene. Yama‑ya mai kihara mai‑ka yama‑bone‑ya daatene.

Yeso‑ka yo‑yose mai tamine 10:21

Bedoro kisame, “Fara owa dai sibana, fara ama·oni. Hini yamata‑ya dai ati koboniti?” Bedoro ati ne.

Yeso‑ka yo‑yose mai tamine 10:30

Ati‑ya mite, Koneriyo hiyare, “Hibati‑ya owa amoni 4 toha, oka yobe doro‑ya Deoso‑ya ohiyarani. Mahi towitawiti‑ya, ai owa bora sawa‑ya weyene wai, wehene kite, owa‑ya hiyare,

Yeso‑ka yo‑yose mai tamine 10:33

Fare ati ene tiwa haa·onani. Tiwa ene sibarini. Oda yorotokana, tiwati oda mitaboneni. Hini yamata‑nima Deoso ati nati?” Koneriyo ati nane.

Yeso‑ka yo‑yose mai tamine 10:6

Maa widi‑ya bani ataro‑ya wa‑wama, i‑di Simaho wine, Simaho‑ka yobe‑ya Simaho Bedoro wine, mai hiwakameya, ati dai mitebonane.” Deoso‑ka yo‑yose ati nemonane.

Yeso‑ka yo‑yose mai tamine 11:14

Bedoro ati dai nofiyahi. Tiwa, tika mai toha na, dai‑ya Deoso ati somawamebonane.’ Deoso‑ka yo‑yose ati nemona, Koneriyo ati ne.

Yeso‑ka yo‑yose mai tamine 22:12

Damaso‑ya Ananiya wine, amose, Mose ati‑nima ne, Yodeo mai nafi hinofatene.

Yeso‑ka yo‑yose mai tamine 24:15

Mai ihi amosamaro, mai ihi amosaramaro mai na, mai aba, mai kitamabone Deoso ati nemata, ati‑nima yama nabone‑ya mai nimana, fara nima·onahari teni.

Yeso‑ka yo‑yose mai tamine 6:3

Oda‑ka soho dai toha, maki mai 7 kana mai dai kadikahi. Yama‑ya mai wa‑wato mai toha, Deoso‑ka Doni mai‑ya sawi mai toha na, mai dai kadikiya, oda ati ene yamata‑ya mai daanaboneni.

Homa 1:17

Deoso hawine‑ya Yeso Ati Amosabote ai‑ya yofikitine. Yeso ati‑ya ai nofa, ati ai nofi na‑nafi nawahebonane. Ai ene amosaramaro Deoso fawanihi. Ai ene amosara wadara‑nima ai ene nawahani. Yeso ati ai nofa, Deoso ai‑ya ati somawame, Deoso tabaro‑ya ai winaboneni. Hibati‑ya Deoso ati‑ya ai owa kanahanomata, “Kirisito ati‑ya mai nofa, mai ihi amosara mai ihi nafi‑ya Deoso fawanihi. Tabaro‑ya mai winawahateboneni.” Deoso‑ka yama hani ati nineni.

Korito yoto‑ke 5:18

Hibati‑ya Deoso ai nofara, ai ene amosara, ai ene ai ababone Deoso ati ne, ai‑ya nofe, ai abarabone, Yeso‑ya yose, ai manakone‑ya Yeso nanahabe, ai‑ya Deoso ati somawame tamine mai dami himitebona, oda‑ya yosemarine.

Timoti daidi 3:7

Ene amosabise‑ya mai awa, Deoso ati‑ya mai nofara mai ati fawanaboneni. Ene amosare‑ya mai awiya, mai ati fawaraboneni. Hiniya fai‑ya mai weenaboneni. Fai ati‑ya mai one nofamarihi naboneni. Ene amosare, ene Satanasi ya‑yainebonane.

Ebereo 10:38

“Oka mai toha, owati‑ya mai nofa, owati‑ya mai tokadaba teni. Owati‑ya mai ati tokadabami nofariya, mai‑ya owatibodi nofamaraboneni.” Deoso ati nematane.

Ebereo 11:2

Fara haa‑nima hibati‑ka mai atibodi ati na, Deoso mai‑ya kahiyarematane.

Ebereo 12:23

Deoso‑ka dai tohawaha, dai oni‑ya Deoso kanahanone. Neme‑ya mai one Deoso ati‑ya mai no‑nofa mai oni‑ya kanahano dai oni‑ya kanahanone. Hibati‑ka mai oni‑ya kanahanomata mai aboni aba, mai atibodi neme‑ya tohawaha, mai ihi amosa hinama toha, mai‑ya dai oni sawe, Deoso ai ene‑ya kadikebona‑ya dai sawi dai nineni.

Bedoro yoto‑ke 3:2

Deoso ati‑ya mai mi‑mita ati mai hikanahanomata dai kadikiya, ai‑ka Hidi i‑di Yeso Kirisito ati hika yo‑yose mai hikanahanomari, ati dai kadikiya, dai atibodi yama‑ya kadikiyahi.

Yowaho faina 1:12

I‑di Demetiro ene amose‑mona mai ati na, fare Deoso ati tohaharinane. Demetiro ene amose, ene oawemarine. Owati tiwatoteni. Keyehe‑ya hiri·oterani.

Yeso Kirisito ene‑bona 14:10

mai‑ya Deoso weeni kiteya, mai‑ya sarikanebonane. Deoso‑ka yo‑yose mai toha, Kaneiro Bidi toha ne, mai noki‑ya mai‑ya sarikanebonane. Yifo hirini yati hirini fama‑ya mai‑ya sarikanebonane.