Yeso‑ka yo‑yose mai tamine 10:15 - Deoso-ka Yama Hani

¹⁵ Neme‑ya ati kakitase, “Yama kababone Deoso hina, kabi towe amani dai ati riyahi,” Ati nemonane.

Yeso‑ka yo‑yose mai tamine 10:15 ပူးပေါင်းရင်းမြစ်များ

Mateo 15:11

Ai tefe ene ai towe tohaterani. Ai ati towe ene ai towe tohabisateni.” Yeso ati nemarine.

Maroko 7:19

Ai tefe nafi sibara tamine‑ya Yeso hiyare, “Ai atibodi‑ya ai tefe tokaterani. Ai tafiya, ai nabadi‑ya tokabisa, makobote ai miiniya, abateni.

Yeso‑ka yo‑yose mai tamine 10:16

Hibati‑ya yama hiawa‑ya awamatase, hika yama awi 3 tohiya, bora ibe‑nima yama na, neme‑ya tokomisamawahani.

Yeso‑ka yo‑yose mai tamine 10:28

“Yama‑ya dai wata awineni. Bara mai tabori‑ya Yodeo oda toha, oda tokaterani. Bara mai tabori‑ya oda toka, ‘Towe dai amani.’ Mai ati teni. Deoso owa‑ya kanawatowahe, mai nafi sibarani. Mai‑ya oda daba, oda sibarineni, oda towe toharani.

Yeso‑ka yo‑yose mai tamine 11:9

Neme‑ya ati kakitase, ‘Yama Deoso hinamosi hawa hiha, —Bisa tohani.— Tiriyahi.’ Ati ne.

Yeso‑ka yo‑yose mai tamine 15:20

Mai‑ka yama hani‑ba ai kanahanohi. ‘Mai‑ka deoso bare‑ka bani‑bona mai daahine‑ya dai kabarihi, mai fanawi one‑ya dai aharihi, bani emene abare eme dai kabarihi nahi.’ Ai‑ka yama hani ati naboneni.

Yeso‑ka yo‑yose mai tamine 15:29

Mai‑ka deoso bare‑ka bani‑ya dai kabarihi, ama dai kabarihi, bani emene abare eme dai kabarihi, mai fanawi one dai aharihi nahi. Oda ati‑nima dai niya, dai sibaraboneni. Feye amani.” Yama hani ati nineni.

Yeso‑ka yo‑yose mai tamine 15:9

Deoso noko‑ka oda‑nima mai na, Yeso ati‑ya mai nofa, mai‑ya ati somawamane.

Homa 14:14

Yeso ene yama‑ya owatoneni. Yama owatibodi hikaba, okobiya, Deoso owa‑ya weerebonane. Yama tiwatibodi hikaba, tikabiya, sibaraboneni. Deoso ene yama‑ya tikabarabone tiwatibodi ati na, tikabariyahi. Tikabiya, Deoso ene tiwatibodi tiwa‑ya weenaboneni.

Homa 14:20

Deoso ene‑mona bani‑ya mai kabara mai noki‑kaya bani tikabariyahi. Mai noki‑kaya bani tikabiya, mai‑ya taratikaniheba awineni. Bani ai kaba, ai ati kasiroterani. Ai owa ai taratokanihe, ai ati kasirobisateni.

Korito daidi 10:25

Bara mai‑ka bani dai kanike, dai kaba, sibarini. Mai‑ka deoso bare‑ka bani‑bona tamine dai miti awiriya, dai atibodi dai‑ya weeraboneni.

Tito 1:15

Yeso ati‑ya ai no‑nofa, ai atibodi, ai atibodi ati, ai ene na amosateni. Yeso ati‑ya mai nofara, mai atibodi, mai atibodi ati, mai ihi na amosaterani.