Yeso‑ka yo‑yose mai tamine 10:11 - Deoso-ka Yama Hani

¹¹ Neme seekana‑ya yama kisa‑ya awemonane. Neme‑ya, bora ibe webote‑nima yama na kisa‑ya awe, bora ibe fowari‑ya ai 4 kana damana‑nima yama na, kisa, bofe‑ya kawitamoneni.

Yeso‑ka yo‑yose mai tamine 10:11 ပူးပေါင်းရင်းမြစ်များ

Mateo 8:11

Neme‑ke ai nafi‑ka hidi kitabote tohawaheya, i‑di Abaraho, i‑di Isaki, i‑di Yako, mai na, mai marinabone, mahi ka‑kaki‑ka mai one toha, mahi to‑toka‑ka mai one toha na, fara Bara mai‑ka tabora dami‑ka mai saweboneni.

Roka 3:21

Yowaho mai‑ya habanirise, Yeso‑ya habanirisahari nematane. Deoso‑ya Yeso hiyare, neme‑ya Deoso seekanematane.

Yowaho 1:51

“Owati amosabote dai mitahi. Dai‑ka Ayo neme‑ke ama·oni. Neme seekaniya, Deoso‑ka yo‑yose owa‑ya mai kisiya, mai tokomatasa, mai dai awaboneni.” Yeso ati nemarine.

Yowaho 11:52

Yodeo oda manakone‑ya nanahaba, Bara mai manakone‑ya nanahabahari nebonane. Deoso‑ka mai toha, mai nafi‑ya ohariwamebonane.

Yowaho 12:32

Owa‑ya mai nawaaniya, mai nafi haa·onabone, oka mai tohawahabonehe.” Yeso ati nemarine.

Yeso‑ka yo‑yose mai tamine 10:12

Bora dori‑ya yama‑ka bani mai dama mai toha, bani mai afe wada mai toha, maka mai toha namoneni.

Yeso‑ka yo‑yose mai tamine 11:5

Yabe‑ya owina, Deoso‑ya ohiyara, Deoso ene wada‑nima yama na oawa, neme‑ya bora ibe webote‑nima yama na kisa, bora ibe fowari‑ya mai 4 kana mai damana kisa‑nima yama na owa yakari‑ya maanisa,

Yeso‑ka yo‑yose mai tamine 7:56

“Dai awahi. Neme hawi tohawaha, Deoso‑ka kanika‑ya okoyo i‑di Yeso waari‑ya oawawahineni.” Tefaho ati nemonane.

Homa 1:16

Yeso Kirisito Ati Amosabote okamina, owa habo siitora, owa habo kitabisa, ya‑yai·oneni. Deoso kitabote tohe, ati ene Yeso Kirisito Ati Amosabote‑ya ai nofa, ai‑ya ati somawamatene. Yodeo Yeso tamine‑ya mai miti baha, Bara Yeso tamine‑ya mai mitamakinineni.

Homa 9:4

Isara·eo‑ka nodi oka mai toha, Deoso mai‑ya kadikematane, mai‑ya bidinebonaha. Hibati‑ya kabani‑ya mai yakana, mai hawi‑bone‑ya Deoso wehene mai‑ya yofikanematane. Adami tati‑ya mai‑ya hiyare, ati yokana mai himite, ati i‑di Mose hikanahano‑ya mai kayafa, Deoso ati ene Deoso‑ka yobe‑bona‑ya mai wamanameteni, Deoso‑ya mai kahiyarabonehe. Mai‑ya hiyaramatase, “Oka Ka‑kadika dai‑ka nodi tohebona, dai‑ya kasomebonane. Owati‑nima yama naboneni.” Deoso ati nematane.

Karatiya 2:15

Ai wada, Yodeo ai toha, Bara ai tohi awirani, yama ai watoneni.

Karatiya 3:28

Ai hinama tohawahineni. Yeso‑ka ai nafi tohawahani. Yodeo ai one toha, Bara ai one toha, ai one‑ya mai kanika, ai one‑ya mai kanikarihi mai namaroni. Maki mai toha, mai fanawi toha na, Yeso‑ka ai nafi tohawahineni. Yeso Kirisito ati ai nofa, ai hinama tohawahineni.

Efesiyo 1:10

Yama nafi hawa tohiya, Deoso atibodi ati kobona‑mata‑ka‑nima yama nawahaboneni. Yeso Kirisito mai nafi‑ka Hidi tohawahebona, neme‑ya mai wi‑wina, bofe‑ya mai wi‑wina, mai na, Yeso Kirisito mai‑ka Hidi tohawahebonane.

Efesiyo 3:6

Yama Deoso ati kobohina mai hiwatoramete, dai‑ya ohiyarawahineni. Yodeo oda toha, Bara dai toha na, Yeso Ati Amosabote ai nofa, fara hinama ai toha, Deoso‑ka ai tohawahineni. Ai nafi‑ya Deoso kasome, yama amosa‑ya ai‑ya ati daane, ati‑nima nebonane. Yeso ati ai no‑nofa, Yeso‑ka ai nafi tohawahani.

Koroso 3:11

Deoso ati‑ya ai no‑nofa Kirisito ene fara hinama ai tohawaha, Yodeo dai one toha, Bara dai one toha namaro, dai one sowiri tati ataro‑ya mai wisinakosa, dai one sowiri tati ataro‑ya mai wisinakosarihi, dai one oda ati‑nima ati nihi, dai one ati bara toha, dai one yama yaki‑ya wina, dai one ahiyata‑ya wina na, dai one‑ya mai kanika, dai one‑ya mai kanikarihi namaroni. Yeso Kirisito ai atibodi‑ya sawiwahe, ene fara hinama ai tohawahineni.

Yeso Kirisito ene‑bona 11:19

Deoso‑ka yobe neme‑ke oawe, nokobi‑ya mai seekana, yobe doro‑ya Deoso‑ka yama wiye amosa oawani. Wami wawawakana, bahi yebekane, ati kite, taokane, faha boni webote dama fororo nani.

Yeso Kirisito ene‑bona 19:11

Deoso tabaro‑ka nokobi seekani hawa toha oawani. Kafaro sawa kaki, bari‑ya itari oni owa, “Deoso ati‑ya tokadabi ohari, keyehe‑ya hirire.” Mai ihi yokana‑ya wato, fara mai‑ya nanahabeya, yama sibarini, hini mai ihi manakone‑ya daanane.

Yeso Kirisito ene‑bona 4:1

Yeso ati hawa toheya, owa noko toka, neme‑ya nokobi seekani hawa toha oawani. Hibati‑ya ati yanane, ati yananamatase, torobeta ati‑nima ati ne owa‑ya haane, “Tikamahi, owa‑ya! Yama yananabone tamine tiwa‑ya yofi·okanaboneni.” Ati nene.