Yeso‑ka yo‑yose mai tamine 1:8 - Deoso-ka Yama Hani

⁸ Dai‑ya Deoso‑ka Doni sawiya, dai habo kitawaha, Yerosare‑ya mai wi‑wina, Yodeya‑ya mai wi‑wina, Samariya‑ya mai wi‑wina, tabora dami‑ya mai wi‑wina, mai na, mai‑ya owa tamine dai kaminaboneni.” Yeso ati nemonane.

Yeso‑ka yo‑yose mai tamine 1:8 ပူးပေါင်းရင်းမြစ်များ

Mateo 24:14

Neme‑ke ai nafi‑ka hidi kitabote tohawahebona tamine‑ya mai kaminabone, tabora dami‑ya dai‑ka Hidi tamine‑ya mai nafi mitiya, yama faina‑bone kobonaboneni.

Mateo 28:19

Mai tabori dami‑ya dai tokahi. Owa tamine dai hiyarahi. Mai‑ya dai habanirisahi. Okobi, Deoso Bidi, Deoso‑ka Doni ne oni‑ya mai weyenaboneni.

Maroko 16:15

Mai‑ya weeni hawa tohe, mai‑ya yose, “Yama nafi‑ya dai yakanawariya, mai nafi‑ya Deoso ati amosabote tamine dai kaminahi.

Roka 1:35

“Deoso‑ka Doni tiwa‑ya sawibona, Deoso ene kitabote ati ene naba tihaboneni. Deoso Bidi wadeya, mai awiya, ‘Deoso Bidi amane.’ Mai ati naboneni.

Roka 10:19

Owati dai mitahi. Dai okasomabone, maka dai tainisa, yomasa dai tainisa niya, dai‑ya yama komaraboneni. Owa ene dai kiti nafe, Satanasi kiti bi‑bidi nibisane. Yama towe dai‑ya komaraboneni.

Roka 24:29

“Mahi toke, amotimatahi.” Mai ati nameteni. Yeso‑ya mai ati barina, mai eyehe tokiyomematane.

Yowaho 15:27

Owa hiyari yanakani‑ya owa dai dabamaro, owa tamine dai kaminahari, dai nahi.” Yeso ati nemarine.

Yeso‑ka yo‑yose mai tamine 1:22

I‑di Yowaho Yeso‑ya habanirisemari‑ya awa, neme‑ya Yeso tokome‑ya awahari ai haanaho, Yeso kitami tamine‑ya hiyarebonaha.” Bedoro ati ne.

Yeso‑ka yo‑yose mai tamine 1:5

Faha‑ya Yowaho mai‑ya habanirisemari, hibayata dai amoni fa‑famaraba ne‑ya Deoso‑ka Doni dai atibodi‑ya sawiwahebonane.” Yeso ati nemonane.

Yeso‑ka yo‑yose mai tamine 13:31

Yeso kitame‑ya mai awarima na, hika da‑daba mai hiawa, Karireya‑ya mai sawemaro mai hiawa, Yerosare‑ya mai eyehe kameya, mai awa na, mai dami‑ya tamine mai hiyarawahane.

Yeso‑ka yo‑yose mai tamine 2:32

Deoso ene Yeso kitame, kitami oda nafi awemari, tamine oda hiyarawahineni.

Yeso‑ka yo‑yose mai tamine 22:15

Yama tiawa tamine tihiyara, ati timite ati tamine tihiyarawahebonane mai dami‑ya.

Yeso‑ka yo‑yose mai tamine 3:15

Yeso ai‑ya wamanemata, dai ati ene mai hinahabe, Deoso hinakitame, kitami oda awemarine.

Yeso‑ka yo‑yose mai tamine 4:33

Ai‑ka Ayo i‑di Yeso kitami tamine‑ya Yeso‑ka yo‑yose mai hiyara, mai ihi kita dama, mai dami‑ya Deoso kasomane.

Yeso‑ka yo‑yose mai tamine 5:32

Tamine oda hiyare, Deoso‑ka Doni tamine hikaminaharitene. Deoso ati‑ya mai tokadaba, Deoso‑ka Doni mai‑ya sawitene.” Yeso‑ka yo‑yose mai ati namoneni.

Yeso‑ka yo‑yose mai tamine 6:8

Yeso ati‑ya i‑di Tefaho nofi nafi, ene kite, ati ene Deoso ene kitabote‑ya mai awa, ati ene mai one kitama, mai teni.

Yeso‑ka yo‑yose mai tamine 8:1

Tefaho abe‑ya i‑di Saoro awe, ya‑yaine. Yerosare‑ya mai wi‑wina Yeso ati‑ya mai no‑nofa mai‑ya mai bisinawaha, mai ihi tabora bide‑kaya mai tokawaha, Yodeya‑kaya mai one toka, Samariya‑kaya mai one toka na, Yeso‑ka yo‑yose mai‑ta mai kanani awirani.

Homa 10:18

Deoso ati‑ya mai nafi mitakarini? Ati mai nafi himitemarine. Yama Deoso wamahinamete‑ya wami nafi‑ya mai awineni. “Yama wamani Deoso tamine‑ya kaminateni.” Deoso‑ka yama hani ati nineni. “Deoso kitabote tohe, ai nafi‑ya nofane.” Hika yama wamani ati teni.

Homa 15:19

Yeso Kirisito owa‑ya kasome, Deoso‑ka Doni ene owa ene kita‑ya mai awamaroni. Yerosare‑ya mai wi‑wina, Iririko‑ya mai wi‑wina, hawi bai‑ya mai wi‑wina, mai na, owa ene‑ya mai awa, owati‑ya mai mita, mai namaroni. Deoso ati‑nima owa ene na, Yeso Kirisito ati‑ya mai dami mitamaroni.

Koroso 1:23

Dai ene amosawama, Kirisito ati dai tokadaba, Deoso Ati Amosabote ati dai mitemari, ati dai nofi faware, dai habo siitorihi na, dai ene Deoso ya‑yainebonane. Deoso Ati Amosabote okaminamaro, ati dai mitemarine. Deoso ati‑ya mai nafi mitawahineni. Bofe‑ya mai wi‑wina mai nafi Deoso ati‑ya mai mitawahineni. Yeso‑ka yo‑yose ama·oni, Deoso ati okaminabonehe.