Yeso‑ka yo‑yose mai tamine 1:3 - Deoso-ka Yama Hani

³ Yeso abe, kitame, mai‑ya kamatase, amoni 40 kane mai‑ya hiyaranadi, kitame‑ya mai watowahineni. Deoso ai nafi‑ka hidi‑bona tamine‑ya mai‑ya hiyaremonane.

Yeso‑ka yo‑yose mai tamine 1:3 ပူးပေါင်းရင်းမြစ်များ

Mateo 21:43

“Owati dai mitahi. Deoso dai‑ya haanemarine, hika yama dai nawadabonehe. Hibayata bara mai‑ya haanebonane, hika yama mai hinawadabisabonehe. Deoso ati‑nima mai nawahaboneni. Deoso‑ka yama dai nawadami awiraboneni.

Mateo 28:9

Mai kanani kakama, Yeso mai‑ya kobone, mai‑ya hiyarematane. Yeso‑ya mai awa, Yeso teme‑ya mai damana, Yeso‑ya mai kahiyarameteni.

Mateo 3:2

“Dai ene amosawamahi. Neme‑ke ai nafi‑ka hidi kitabote tohawahebonane.” Yowaho Batita ati ne, ati damemarine.

Mateo 4:2

Yeso amoni 40 kane‑ya tafare, Deoso‑ya hiyari nokotonihi, fimi watihikanematane.

Maroko 16:19

Ai‑ka Ayo Yeso hiyari hawa toheya, Deoso ene neme‑ya tokome, Deoso mano kanika‑ya itariwahematane.

Yowaho 20:26

Mahi 8 kane‑ya i‑di Tome oda‑ya sawi, oda yorotokanamatasa, nokobi oda barikana, Yeso oda teberi‑ya fodomakitase, “‘Deoso dai‑ya kasomayaho.’ Oneni.” Yeso ati nemarine.

Yowaho 21:1

Makobote Tiberiyadi wara webote widi‑ya Yeso‑ya oda da‑daba Yeso oda awamatasamaro tamine okaminaboneni.

Yowaho 21:14

Yeso kitami hawa tohe, oda awi 3 tohemarine.

Yeso‑ka yo‑yose mai tamine 13:31

Yeso kitame‑ya mai awarima na, hika da‑daba mai hiawa, Karireya‑ya mai sawemaro mai hiawa, Yerosare‑ya mai eyehe kameya, mai awa na, mai dami‑ya tamine mai hiyarawahane.

Yeso‑ka yo‑yose mai tamine 19:8

Deoso‑ya Yodeo mai hi‑hiyara‑ke yobe‑ya Baoro tokiyome, mai‑ya hiyare, abariko fama abariko owa oharimaki ne‑ya mai‑ya hiyaranadi, “Owati dai mitahi. Deoso‑ka Ka‑kadika kobone, ai‑ka Hidi amane.” Baoro ati nane, habo kiteri.

Yeso‑ka yo‑yose mai tamine 28:23

Mai kamatasi‑bone‑ka mahi tamine‑ya Baoro‑ya mai kamineni. Mai ati kami‑ke mahi kobone, mai one mai‑ya sawe, Baoro wini‑kaya mai kobona, yama wahabisari‑ya Baoro mai‑ya hiyari yanakane, Deoso tabaro tamine‑ya hiyare, Yeso tamine i‑di Mose hikanahanomata‑ya mai‑ya yofikana, Deoso ati‑ya mai mi‑mita‑mete Yeso tamine mai hikanahanomata‑ya mai‑ya yofikana nane. Mahi toke‑ya ati fawanemarine.

Yeso‑ka yo‑yose mai tamine 28:31

Deoso tabaro tamine‑ya hiyara, Yeso Kirisito ai‑ka hidi tamine‑ya hiyara nemarine. Baoro habo kite, mai ati barihiterene.

Yeso‑ka yo‑yose mai tamine 8:12

Yeso tamine Deoso ai nafi‑ka hidi‑bona tamine ne‑ya Firibi kamine, ati‑ya mai mita, mai makidi mai fanawi na, Yeso ati‑ya mai nofawaha, Firibi mai‑ya habanirisawahane.

Homa 14:17

Deoso ai‑ka hidi tohe, yama ai kaba, yama ai fawa na ihi Deoso ya‑yaini awirihi, yawi awirihi nane. Deoso‑ka Doni ai‑ya sawi, ai ene amosa, ai ati soma, ai ya‑yai na ene Deoso ya‑yaitene.

Koroso 1:13

Satanasi tabaro‑ya yama soki nafiteni. Hibati‑ya Satanasi ai‑ka hidi tohemari, Deoso ene ai‑ka hidi tohamare, Deoso Bidi amosabote ai‑ka Hidi tohawahene.

Tesaronika daidi 2:12

“Yama Deoso hinofa‑nima dai ene nahi.” Oda ati nademaro, Deoso dai‑ya haane, hini tabaro‑ya dai winabone, Deoso amose dai awe, wehene dai awa nebonane.

Yowaho daidi 1:1

Hibati‑ya yama nafi Deoso wamahinamete awisari‑ya Yeso winemata kaki, ati oda mita, abano oda awa, oda boyonemarine. Yeso ai‑bone‑ya wamanemata tamine okanahanaboneni. Yeso awire‑mana, ai awira neni.