Yeso‑ka yo‑yose mai tamine 1:2 - Deoso-ka Yama Hani

² Neme‑ya Yeso tokome tamine okanahano, neme‑ya toki awisareya, Deoso‑ka Doni ene hika yo‑yose mai hikadikamaro, mai‑ya hiyaremonane.

Yeso‑ka yo‑yose mai tamine 1:2 ပူးပေါင်းရင်းမြစ်များ

Mateo 12:28

Deoso‑ka Doni ati ene madi towe mai kana·onihe, dai ati na, Deoso ai nafi‑ka hidi kitabote tohawahebona dai‑ya sawine.

Mateo 3:16

Yowaho habahinirise, tokomorosame, Deoso‑ka Doni neme‑ya kise, Yeso‑ya sawiwahe, wayomata awi‑nima awi ne‑ya Yowaho awematane.

Maroko 6:30

Yeso‑ka yo‑yose mai kobonama, mai ihi tamine‑ya mai kaminamaroni, Yeso‑ya.

Roka 24:51

Mai‑ya hiyareya, neme‑ya tokomematane.

Roka 9:51

Yeso tokomisebona hika mahi koboni yanatone, Yerosare‑ya nokotoniwahematane, tokomebonaha.

Yowaho 1:16

Yeso ai nafi‑ya nofe, ai‑ya kasomanadimarine.

Yowaho 13:1

Yeso bofe‑ya sawimarebona, Badi‑ya tokoma kanibote nebona, hini tamine‑ya watomarine. Bofe‑ya oda wi‑wina Yeso‑ka oda toha, oda‑ya Yeso nofemari, oda‑ya nofi fawaterene. Ka‑kariwa‑ya oda marinabone, oda tafi yanatonamaroni.

Yowaho 13:18

Dai nafi tamine ohiyari awirini. Dai‑ya okayawa, dai owatoni. Deoso‑ka yama hani ati‑nima yama naboneni. ‘Owa tefe‑ya ka‑kaba owa‑ya kahabanebonane.’ Yama hani ati nineni.

Yowaho 13:3

“Okobi ati ene yama nafi‑ka hidi ama·oni. Deoso‑ya yana·onamaro, okoma kanibote onaboneni.” Yeso atibodi ati nemarine.

Yowaho 16:28

Hibati‑ya Okobi oda famamaro, dai tabaro‑ya okemaro, Okobi‑ya okomatasaboneni.” Yeso ati nemarine.

Yowaho 17:13

Tiwa‑ya okomabone, bofe‑ya winasa ona tiwa ohiyara, owati mai mitiya, mai ya‑yaini nafiwahaboneni. Ya‑yai·ona‑nima mai ya‑yainaboneni.

Yowaho 20:17

“Hibareya owa damatiriyahi. Okobi‑ya okomi awisa orani. Oka soho mai‑ya tikamiya, mai tihiyarahi. ‘Ai‑ka Abi‑ya okomabone, ai‑ka Deoso‑ya okomaboneni. Ati nene.’ Tiyahi.” Yeso ati nematane.

Yowaho 20:21

“‘Deoso dai‑ya kasomayaho.’ Oneni. Okobi owa‑ya yosemari‑nima dai‑ya oyosewahineni.” Yeso ati nemarine.

Yowaho 3:34

Deoso hiyose, Deoso ati‑ya kaminatene. Deoso ati ene Bidi‑ya hika Doni sawi oharine.

Yowaho 6:62

Neme‑ya dai‑ka Ayo tokomisame dai awiya, owati dai nofaraba awineni.

Yowaho 6:70

“Dai 12 toha, dai okadikamaroni, owa‑ya dai dababonehe. Dai okadika Diaboro‑ka yo‑yose dai owa ohari tohabisane.” Yeso ati nemarine.

Yeso‑ka yo‑yose mai tamine 1:11

“Karireya‑ka dai toha, hini yamata ihi neme‑ya dai kakatoma? Neme‑ya Yeso tokome, kamebonane. Tokomi dai awe, kisami mai hiawebonane.” Deoso‑ka yo‑yose mai ati namoneni.

Yeso‑ka yo‑yose mai tamine 1:13

Yerosare‑ya mai kobonama, mai one‑ka yobe tati mese‑kaya mai‑ka yobe waari‑ya mai tokomisama, i‑di Bedoro, Yowaho, Tiyako, Anidere, Firibi, Tome, Batoromeho, Mateo, Aofio bidi i‑di Tiyako, Simaho Seroti, Tiyako sori i‑di Yoda mai na, mai tokomisamamoneni.

Yeso‑ka yo‑yose mai tamine 1:22

I‑di Yowaho Yeso‑ya habanirisemari‑ya awa, neme‑ya Yeso tokome‑ya awahari ai haanaho, Yeso kitami tamine‑ya hiyarebonaha.” Bedoro ati ne.

Yeso‑ka yo‑yose mai tamine 1:9

Hiyari hawa tohe, neme‑ya tokome mai hiwakatome, neme sabi ihi Yeso‑ya mai awami awiramoneni.

Yeso‑ka yo‑yose mai tamine 10:38

Yeso Nasare‑ke tamine dai mite awane. Deoso ene Deoso‑ka Doni Yeso‑ya sawi, mai tabori dami‑ya toke, ene amose, kite, madi mai‑ya mai foya, Yeso ene madi mai kanana, mai kiyanamaro, mai kitamawahani.

Karatiya 1:1

Baoro ama·oni. Dai‑ka yama hani‑bone okanahanowahaboneni. Yeso Kirisito‑ka yo‑yose ama·oni. Owa‑ya mai one yoseramaroni. Yeso Kirisito‑ta owa‑ya yosemarine. Yeso Kirisito abemari, Deoso hinakitamemari, makobote Yeso Kirisito Badi i‑di Deoso eyehe owa‑ya yosemarine.

Efesiyo 2:20

Kirisito ene Deoso‑ka yobe amosabote ai nafi tohaboneni. Kirisito kitabote, yobe tati mese ewene kite‑nima nane. Yobe wamani nahotene. Hibati‑ya Deoso ati‑ya mai mi‑mita‑mete mai toha, Deoso ati‑ya mai kanahanamete mai toha na, Deoso‑ka yobe kote mai toha, Yeso‑ka yo‑yose Yeso tamine‑ya mai kaminamake, yobe kote mai toha, Yeso ati‑ya dai no‑nofa yobe kote dai toha na,

Timoti daidi 3:16

Hibati‑ya Deoso Ati Amosabote tamine‑ya mai watoramete, Ati Amosabote‑ya mai watowahineni. Deoso Bidi i‑di Yeso Kirisito bofe‑ya kame ai owa tohe, ai abano‑nima abano tohe, Deoso‑ka Doni hikasome, ene amose hinama tohemarine. Bofe‑ya wine, Deoso‑ka yo‑yose mai hiawemarine. Ai tabaro nafi‑nima tamine mai hikaminawahane. Yeso ati‑ya mai dami nofawaha, Neme‑ya Deoso hiwakamemarine.

Ebereo 9:24

Neme‑ke yobe Deoso wamahinemata, fare bofe‑ke mai wamahine hetarato‑nima ne‑ya idi Mose wamanane. Yobe kote Deoso hikayawemata‑ya Kirisito tokiyomare, neme‑ke yobe‑ta‑ya tokiyomabisene, Deoso‑ya ai manakone‑ya daanebonaha.

Bedoro daidi 3:22

Yeso kitame, neme‑ya toke, Badi i‑di Deoso‑ka kanika‑ya itariwahe, Yeso kitabote tohe, neme‑ya mai wi‑wina, Deoso‑ka yo‑yose, mai na, mai‑ka hidi tohanane.

Bedoro yoto‑ke 3:2

Deoso ati‑ya mai mi‑mita ati mai hikanahanomata dai kadikiya, ai‑ka Hidi i‑di Yeso Kirisito ati hika yo‑yose mai hikanahanomari, ati dai kadikiya, dai atibodi yama‑ya kadikiyahi.

Yeso Kirisito ene‑bona 1:1

Yeso Kirisito‑ka yama hani amani, dai awahi. Yama yana kanibote nabone tamine‑ya Yeso‑ya Deoso kamine, Yeso‑ya ai na‑narifa ai watowahabonehe. Deoso‑ka yo‑yose‑ya Yeso yose, yama tamine‑ya owa‑ya kaminane. Yowaho ama·oni. Yeso‑ya na‑narifa ama·oni.

Yeso Kirisito ene‑bona 2:11

Deoso‑ka Doni ati dai mita, ati dai tokadabahi. Deoso‑ya mai hi‑hiyara‑ke yobe‑ka mai‑ka yama hani ati dai tokadaba, dai nahi. Deoso‑ka hawi bai‑ya dai maanamara, dai amosineni. Yama kome fawarabone‑kaya dai tokaraboneni.” Ati nene.

Yeso Kirisito ene‑bona 2:17

Deoso‑ka Doni ati dai mita, ati dai tokadabahi. Deoso‑ya mai hi‑hiyara‑ke yobe‑ka mai‑ka yama hani ati dai tokadaba, dai nahi. Hawi bai‑ya mai maanamara, mai amosineni. Deoso‑ka baho oni mana toha, hibati‑ya kemamaro, fara mai‑ya daa·onaboneni. Mai‑ka yati bide sawa‑ba daa·onaboneni. Yati bide mese‑ya mai oni yati okanahanaboneni. Mai oni yati mai one hiwatoraboneni.” Ati nene.

Yeso Kirisito ene‑bona 2:29

Deoso‑ka Doni ati dai mita, ati dai tokadabahi. Deoso‑ya mai hi‑hiyara‑ke yobe‑ka mai‑ka yama hani ati dai tokadaba, dai nahi.” Ati nene.

Yeso Kirisito ene‑bona 2:7

Deoso‑ka Doni ati dai mita, ati dai tokadabahi. Deoso‑ya mai hi‑hiyara‑ke yobe‑ka mai‑ka yama hani ati dai tokadaba, dai nahi. Hawi bai‑ya mai maanamara, mai amosineni. Owati ihi ai abarabone‑ka awa bono‑ya mai kababoneni. Deoso tabaro amose bai‑ya awa bono ade waineni.” Ati nene.

Yeso Kirisito ene‑bona 21:14

Yama barikani‑ka awe siitona yati wamani 12 kana tohani. Yati mese‑ya Kaneiro Bidi‑ka yo‑yose mai 12 kana mai oni kobobokana nani.

Yeso Kirisito ene‑bona 3:13

Deoso‑ka Doni ati dai mita, ati dai tokadabahi. Deoso‑ya mai hi‑hiyara‑ke yobe‑ka mai‑ka yama hani ati dai tokadaba, dai nahi.” Ati nene.

Yeso Kirisito ene‑bona 3:16

Deoso‑ya mai nofara mai ihi‑nima dai ene na, yama tosire kabi‑nima dai na, sari hiwa‑nima dai ni awira, faha sire‑nima dai ni awira; fara ihi dai‑ya firo·okanamaboneni. Yama fawi towe ai firokanama‑nima dai‑ya firo·okanamaboneni.

Yeso Kirisito ene‑bona 3:22

Deoso‑ka Doni ati dai mita, ati dai tokadabahi. Deoso‑ya mai hi‑hiyara‑ke yobe‑ka mai‑ka yama hani ati dai tokadaba, dai nahi.” Ati nene.