Yeso‑ka yo‑yose mai tamine 1:16 - Deoso-ka Yama Hani

¹⁶ “Soho, owati dai mitahi! Deoso‑ka yama hani ati‑nima yama teni. Hibati‑ya Deoso‑ka Doni ati i‑di Dafi hikanahanomata, ati‑nima yama nawahani. Yara mai‑ya Yeso‑ya i‑di Yoda daanebona tamine‑ya i‑di Dafi kanahanomata, ati‑nima yama nawahani.

Yeso‑ka yo‑yose mai tamine 1:16 ပူးပေါင်းရင်းမြစ်များ

Mateo 26:14

Yeso‑ka oda 12 kana oda‑ka owa i‑di Yoda Isikari·oti amane. Deoso‑ka yama‑bone‑ya mai da‑daa mai‑ka hidi mai‑ya i‑di Yoda Isikari·oti tokematane.

Mateo 26:47

Yeso hiyaranasa neya, oda 12 kana oda‑ka owa i‑di Yoda‑ya mai dama mai eyehe kamemarine. Deoso‑ka yama‑bone‑ya mai da‑daa mai‑ka hidi mai toha, Yodeo mai‑ka hidi mai bi‑bidi na mai toha na, mai ati ihi Yoda‑ya mai dami sawemaroni. Yima‑ya mai one aka, awa‑ya mai one aka namaroni.

Mateo 26:54

Owa‑ya mai watabone, Deoso‑ka yama hani ati na, fara ihi owa‑ya mai watineni.” Yeso ati nemarine.

Mateo 26:56

Deoso‑ka yama hani ati‑nima yama nawahabone, owa‑ya dai watineni.” Yeso ati nemarine. Yeso‑ya oda da‑daba oda habo siitona, oda kananamaroni.

Maroko 12:36

Deoso‑ka Ka‑kadika tamine‑ya i‑di Dafi kanahano, ati dai mitahi. ‘Oka hidi webote‑ya Deoso hiyare, —Owa mano kanika‑ya tiwitarihi. Owati ihi tiwa‑ya mai ka‑kako mai‑ka hidi tihawahaboneni.—’ Deoso‑ka Ka‑kadika tamine‑ya Dafi atibodi‑ya Deoso‑ka Doni kamine, yama hani‑ya Dafi kanahanomatamonane.

Maroko 14:43

Yeso hiyaranasa neya, mai 12 kana mai‑ka owa i‑di Yoda mai dama mai eyehe kamemarine. Deoso‑ka yama‑bone‑ya mai da‑daa mai‑ka hidi mai toha, Mose‑ka yama hani ati‑ya mai ka‑kamina mai toha, Yodeo mai‑ka hidi mai bi‑bidi na mai toha, mai na, mai ati ihi Yoda‑ya mai dami sawemaroni. Yima‑ya mai one aka, awa‑ya mai one aka namaroni.

Roka 22:47

Yeso hiyareya, mai dama mai kamakemeteni. Yeso‑ka mai 12 kana mai‑ka owa i‑di Yoda dainimaki, Yeso‑ya kakimatane, Yeso‑ya tomanebonaha.

Yowaho 10:35

Deoso‑ka yama hani keyehe‑ya hiriterani. Bofe‑ka mai‑ya Deoso hiyaremata, deoso dai‑mone Deoso ati nematamonane.

Yowaho 13:18

Dai nafi tamine ohiyari awirini. Dai‑ya okayawa, dai owatoni. Deoso‑ka yama hani ati‑nima yama naboneni. ‘Owa tefe‑ya ka‑kaba owa‑ya kahabanebonane.’ Yama hani ati nineni.

Yowaho 17:12

Owa‑ya mai daatinamaro mai‑ya osawe, mai onawada, tika hawi‑ya mai yakana mai maakara, mai abarani. Mai‑ka owa ohari ababisane. Fara, tiwati‑ya mai kanahanamaro mai ati‑maro‑nima yama nawahaboneni.

Yowaho 19:36

Yeso tamine‑ya Deoso hiyarematamonane. “Tone bakatoterebona.” Deoso‑ka yama hani ati na, ati‑nima nawahane.

Yeso‑ka yo‑yose mai tamine 1:20

Dafi‑ka yama hani ati one‑ya Bedoro hiyaratase, “‘Hika yobe abaho, mai winateri‑bone‑karo. Hika yama anini‑ta ai owa anihinamakibisahi.’ Dafi‑ka yama hani ati nineni, wayoma‑kaya.

Yeso‑ka yo‑yose mai tamine 13:15

Mose‑ka yama hani‑ya yobe hidi kadike, Deoso ati‑ya mai mi‑mita‑mete mai‑ka yama hani‑ya kadikamaki ne, yama hani kadiki‑ya hawa tohe, Baoro mai‑ya haane, “Ayo, mai dai ati hiyariya, mai dai hiyarahi. Dai ati ene mai ya‑yainaboneni.” Yobe hidi ati ne.

Yeso‑ka yo‑yose mai tamine 13:38

Soho, yama dai watomakihi. Yeso ene Deoso ai‑ya ati somawamatene.

Yeso‑ka yo‑yose mai tamine 15:13

Mai ati fawaniya, Tiyako waamise, mai‑ya hiyare, “Okoyo dai toha, oka soho dai toha na, owati dai mitahi.

Yeso‑ka yo‑yose mai tamine 15:7

Mai dami hiyari hawa tohiya, Bedoro waamise, “Soho, owati dai mitahi. Hibati‑ya Deoso owa‑ya yosemarine, Bara mai‑ya Yeso Ati Amosabote ohiyarabonehe. Bara owati‑ya mai mita, Yeso ati‑ya mai nofawaha, mai dai watoneni.

Yeso‑ka yo‑yose mai tamine 2:23

Deoso ati ene Yeso kaki, dai‑ya winemarine. Yeso dai nanahababone dai‑ya Deoso wato, Bidi‑ya yosemari, dai tabaro‑ya Bidi wine, dai ati kasira ene yara awa‑ya mai baahikane, abemarine.

Yeso‑ka yo‑yose mai tamine 2:37

Bedoro ati‑ya mai mita, mai atibodi komawaha, Bedoro mai‑ya mai hiyara, “Oda‑ka ayo dai toha, hini yamata‑nima oda nibati?” Mai ati na,

Yeso‑ka yo‑yose mai tamine 22:1

“Oka soho dai toha, okobese dai toha na, dai‑ya owa tamine okaminaboneni.” Baoro ati nane.

Yeso‑ka yo‑yose mai tamine 23:1

Yodeo mai‑ka hidi mai‑ya Baoro kakatome, ati yanane, “Ayo, Soho, owati dai mitahi. Owa‑ya Deoso kakoterebonane, owa ene amosateni.” Baoro ati nemarine.

Yeso‑ka yo‑yose mai tamine 23:6

Baoro mai‑ya kiine, mai one fariseo toha, mai one sadoseo toha na, mai‑ya Baoro haane, “Ayo, soho, owati dai mitahi. Fariseo ama·oni. Okobi fariseo tohemarine. ‘Ai owa abe, kitamane.’ Ona, fara owati ihi owa‑ya mai bisinaboneni.” Baoro ati nemarine.

Yeso‑ka yo‑yose mai tamine 28:17

Homa‑ya amoni fama, amoni oharimaki ne‑ya Yodeo mai‑ka hidi‑ya Baoro haane, mai kamake, mai‑ya hiyare, “Owati dai mitahi. Dai owa ama·oni. Ai‑ka idi mai ati‑ya onofa, ai‑ka mai one okakoterani, mai‑ya wee·orihi oteni. Hiniya owa‑ya mai kako kofina, Yerosare‑ya owa‑ya mai daanineni, homano mai‑ya.

Yeso‑ka yo‑yose mai tamine 28:25

Baoro hiyari hawa tohi yanatoneya, mai ibi weena, mai‑ya hiyaramatase, “Hibati‑ya Deoso‑ka Doni dai‑ka idi mai tamine‑ya kamine, ati‑ya Deoso ati‑ya mi‑mita‑mata i‑di Isa·iya kanahanomatane. Fare ati‑nima yama na,

Yeso‑ka yo‑yose mai tamine 7:2

Tefaho mai‑ya hiyare, “Okoyo dai toha, okobi dai toha na, owati dai mitahi. Hibati‑ya ai nafi‑ka idi i‑di Abaraho Mesobotamiya‑ya wine, Hara‑ya toki awisareya, Deoso amosabote ati‑ya mitematane.

Bedoro daidi 1:11

Kirisito‑ka Doni mai‑ya sawi, Deoso ati‑ya mai kanahano, “Kirisito abebona‑ya makobote kitameya, amosabote tohebonane.” Kirisito‑ka Doni ati ene mai kanahanameteni. “Ka! Hini yamata ihi Kirisito ababonati? Eme amoni ne‑ya ababonati?” Mai atibodi ati nineni. Yama‑ya mai watora, mai atibodi yama‑ya kadikineni.

Bedoro yoto‑ke 1:21

Mai ati ihi hiniya Deoso ati‑ya mai kanahanoterani. Deoso‑ka Doni mai‑ya Deoso ati‑ya kamine, ati‑ya mai mita, ati‑ya mai kanahanameteni.

Bedoro yoto‑ke 2:21

Deoso hawine tamine‑ya mai mitaramaro, mai manakone amosara bi‑bidi, Deoso hawine tamine‑ya mai mitamaro, Deoso ati‑ya mai tokadabara, mai manakone amosara nafibisaboneni.