Yeso‑ka yo‑yose mai tamine 1:15 - Deoso-ka Yama Hani

¹⁵ Mahi owa‑ya mai dama mai yorotokana, 120 mai toha, mai bai‑ya i‑di Bedoro waamise, mai‑ya hiyare,

Yeso‑ka yo‑yose mai tamine 1:15 ပူးပေါင်းရင်းမြစ်များ

Mateo 13:31

Yeso mai‑ya kanawatobona mai‑ya hiyare, “Neme‑ke ai nafi‑ka hidi kitabote tohawahebona haa‑nima tene. Mositada noki‑ya maki hika fadara‑ya korotoni‑nima tene.

Roka 22:32

Deoso‑ya tiwa tamine ohiyarani, Deoso ati tinofasa tinabonehe. Owati tikadabamatasiya, mai one tikasomiyahi. Owati‑ya mai tokadabawahaboneni.” Yeso ati nematane.

Yowaho 14:12

Owati amosabote dai mitahi. Owati mai nofiya, owa ene‑nima mai ihi nawahaboneni. Okobi‑ya okomiya, Okobi ene mai ihi kitawahaboneni. Owa ene kiti bi‑bidi namaro, mai ihi kiti ba‑basi naboneni.

Yowaho 21:23

Yeso ati tamine‑ya oda one mita, “Abaterebonane.” Mai ati na, O·abarabone, Yeso ati ni awire, “Oka owa tamine‑ya tiwatibodi kadikariyahi. Okomatasiya, owati ihi oka owa abi awisareya, tiyawariyahi.” Yeso ati nibisemarine.

Yeso‑ka yo‑yose mai tamine 10:23

“Sibarini, ahi‑ya dai amoniya, ai bosatonamabani.” Bedoro ati ne. Mai amona, Bedoro mai‑ya tosawime, Yabe‑ka mai one Yeso ati‑ya mai no‑nofa, Bedoro‑ya mai one daba,

Yeso‑ka yo‑yose mai tamine 11:1

Yodeya‑ya Yeso ati‑ya mai nofa mai toha, Yeso‑ka yo‑yose mai toha na, Yeso ati‑ya Bara mai nofawaha tamine‑ya mai mitineni.

Yeso‑ka yo‑yose mai tamine 11:12

Deoso‑ka Doni owa‑ya yose, ‘Mai‑ya tisawimahi. Mai oyoseni.’ Deoso‑ka Doni ati ne. Ati ene mai‑ya osawima, ai‑ka mai 6 toha, owa‑ya mai sawe, Koneriyo‑ka yobe‑ya oda tokiyomaroni.

Yeso‑ka yo‑yose mai tamine 11:26

Saoro‑ya wasi, Atioki‑ya Saoro‑ya kakame, Yeso ati‑ya mai no‑nofa faha fowe ohare‑ya mai‑ya mai daba, mai‑ya mai kanawata, Kirisito‑ka mai amani, mai ati nawawahamoneni, Atioki‑ya.

Yeso‑ka yo‑yose mai tamine 11:29

Yeso ati‑ya mai no‑nofa mai ibi hiyara, “Yodeya‑ya mai wi‑wina mai tafe wadara. Mai‑ka yinero‑ba ai daanahi. Mai tafe‑ba‑ya mai kanikibakaro.” Mai ati namoneni.

Yeso‑ka yo‑yose mai tamine 12:17

Bedoro yehe‑ya mai‑ya ati barine, mai‑ya hiyarawahe, kadeya‑ya wai Deoso hikasome, hini tamine‑ya kamine, i‑di Tiyako toha, Yeso ati‑ya mai no‑nofa mai one‑ya mai hikaminamakebone ati ne, tabora bara‑kaya tokane.

Yeso‑ka yo‑yose mai tamine 14:2

Yodeo mai one Yeso ati‑ya mai nofara, iha‑nima mai ati toha, Baoro mai tamine‑ya keyehe‑ya mai hirina, mai ati ihi Baoro mai ati‑ya Bara mai nofaramoneni.

Yeso‑ka yo‑yose mai tamine 15:1

Yodeya‑ya mai wi‑wina Atioki‑ya mai toka, Kirisito‑ka mai‑ya mai kanawata, “Mose ati‑nima dai sowiri tati ataro abahi. Dai sowiri tati ataro abi awiriya, Deoso dai‑ya ati somawamaterebonane.” Mai ati namoneni.

Yeso‑ka yo‑yose mai tamine 15:3

Mai mai hiyose, Fenisiya‑ya mai fiyakana, Samariya‑ya mai fiyakana, mai na, hini mai yakaniya, Bara mai tamine‑ya mai hiyara, “Yeso ati‑ya Bara mai nofawahineni.” Mai ati na, Yeso ati‑ya mai no‑nofa Baoro mai ati‑ya mai mita, mai ya‑yainamoneni.

Yeso‑ka yo‑yose mai tamine 16:2

“Timoti ene amosatene.” Yeso‑ka mai ati na. Risita‑ka mai, Ikoniyo‑ka mai na, Timoti‑ya mai nofamoneni.

Yeso‑ka yo‑yose mai tamine 16:40

Ridiya‑ka yobe‑ya i‑di Baoro mai towakama, Yeso ati‑ya mai no‑nofa mai yorotokana, mai‑ya i‑di Baoro hiyare, mai ya‑yaina, hiyari hawa tohe, i‑di Sira mai fama mai towakamamaroni.

Yeso‑ka yo‑yose mai tamine 17:10

Yama soki‑ya Yeso ati‑ya mai no‑nofa Baoro, Sira mai fama mai‑ya mai yose, “Bereya‑ya dai towakahi.” Mai ati na. Mai ati ihi Bereya‑ya mai towaka, mai kobokana, Yodeo mai hi‑hiyara‑ke yobe‑ya mai towakiyomineni, mai‑ya mai hiyarabonehe.

Yeso‑ka yo‑yose mai tamine 17:14

Yeso ati‑ya mai no‑nofa Baoro‑ya mai yose, “Faha webote widi‑ya toka kanibote tinahi.” Mai ati na. Bereya‑ya i‑di Sira, i‑di Timoti mai fama mai demetonakosa, faha webote widi‑ya Baoro tokabisemonane.

Yeso‑ka yo‑yose mai tamine 17:6

Baoro mai‑ya mai wasira, Yasoho toha, Yeso‑ka mai one toha na, mai‑ya mai waratona, sidadi hidi mai‑ya mai daaneni. Mai ati kita, “Baoro, Sira mai fama ai tabaro dami‑ya mai toka, mai ihi amosara hinama toha, hibayata ai tabaro‑ya mai koboneni.

Yeso‑ka yo‑yose mai tamine 18:18

Korito‑ya Baoro wine, amoni ba‑basi namakiya, Senekereya‑ya tokawahane. Senekereya‑ya wine‑ya tati kone nafi‑ya nanahabe, Deoso hikasome ene Baoro ya‑yai, tati kone‑ya nanahabane, Deoso‑ya kahiyarebonaha. Hawa toheya, i‑di Baoro, i‑di Birisira, i‑di Akira mai na, maboro‑ya mai foya, Siriya‑ya mai tokaboneni.

Yeso‑ka yo‑yose mai tamine 18:27

Makobote Akaiya‑ya Aboro tokebona ati ne, ati‑ya mai mita, Aboro‑ya mai kasoma, Akaiya‑ya mai wi‑wina Yeso ati‑ya mai no‑nofa mai‑ka yama hani‑bone‑ya mai kanahana, Aboro‑ya mai daaneni. “Aboro ati sibare, ati dai mitahi. Dai‑ka one oda amani. Yeso ati oda no‑nofa oda amani.” Efesiyo‑ya mai wi‑wina mai‑ka yama hani ati nineni. Akaiya‑ya Aboro kobone, Yeso ati‑ya mai no‑nofa mai‑ya kasomemonane.

Yeso‑ka yo‑yose mai tamine 21:17

Yerosare‑ya oda kobona, Yeso‑ka mai ya‑yainineni.

Yeso‑ka yo‑yose mai tamine 21:20

Baoro ati‑ya mai mita, Deoso‑ya mai kahiyara, Baoro‑ya mai hiyara, “Soho, oda ati timitahi. Yodeo mai dama Yeso ati‑ya mai nofawaha, Mose ati‑ya mai nofahari na, Mose ati‑nima mai teni.

Yeso‑ka yo‑yose mai tamine 21:7

Maboro‑ya oda towaka, Toremaida‑ya oda kobokana, Yeso‑ka mai one‑ya oda hiyara, mai tabori‑ya oda amoni ohareni.

Yeso‑ka yo‑yose mai tamine 22:5

Deoso‑ka yama‑bone‑ya mai da‑daa mai‑ka hidi mai toha, ai‑ka hidi mai toha na, mai nafi owa‑ya watoneni. Hibati‑ya yama hani‑ya owa‑ya mai daana, Damaso‑ya yama hani owakama, Damaso‑ya mai wi‑wina, Yeso hawine‑ya mai sa‑sawi Yerosare‑kaya mai owakamiya, Yerosare‑ya mai mai kosihinabone onamaroni.

Yeso‑ka yo‑yose mai tamine 28:14

Boteori‑ya Yeso ati‑ya mai no‑nofa mai one wina, oda‑ya mai himanani, mai tabori‑ya oda winabonehe. Mai tabori‑ya oda amoni 7 kana, makobote Homa‑ya oda tokawahamaroni.

Korito daidi 15:6

Makobote 500 mai fiyakana, Deoso ati‑ya mai no‑nofa mai yorotokana, Yeso kitame‑ya mai awameteni. 500 mai fiyakana, mai dama mai hasina, mai fa‑famaraba na‑ta mai abineni.

Yeso Kirisito ene‑bona 11:13

Mai nowati‑ya wami wawawakana, tabora‑ke yobe dame sona, yobe 10 kane‑nima ohari sona, 7.000 mai kana mai abani. Mai one hasina, mai habi siitoni nafeni. “Deoso kitabote amane.” Mai ati nani.

Yeso Kirisito ene‑bona 3:4

Sadisi‑ya dai one fa‑famaraba na mai ihi amosabisineni. Neme‑ya owa‑ya mai sawebone, mai‑ka bora sawa‑ya mai sakonabone, mai ihi amosa ihi mai saweboneni.