Yeso‑ka yo‑yose mai tamine 1:13 - Deoso-ka Yama Hani

¹³ Yerosare‑ya mai kobonama, mai one‑ka yobe tati mese‑kaya mai‑ka yobe waari‑ya mai tokomisama, i‑di Bedoro, Yowaho, Tiyako, Anidere, Firibi, Tome, Batoromeho, Mateo, Aofio bidi i‑di Tiyako, Simaho Seroti, Tiyako sori i‑di Yoda mai na, mai tokomisamamoneni.

Yeso‑ka yo‑yose mai tamine 1:13 ပူးပေါင်းရင်းမြစ်များ

Mateo 9:9

Yeso yananamatase, owa‑ya awe, owa‑ya himanemarine. Mateo ama·oni. Kofeno‑ka yinero‑bona‑ya ha‑haa ohamaroni. Kofeno‑ka yobe bidi‑ya owitare, Yeso owa‑ya haane, “Owa‑ya tisawihi.” Yeso ati ne, ati omita, Yeso‑ya osawiwahamaroni.

Maroko 14:15

Hika yobe waari nemehe, neme‑ke kote honita tohe‑ya dai‑ya yofikanebonane. Yobe kote‑ya mesa kaware, fara‑ya ai tefe‑ba dai hawa tohiyahi.” Yeso ati nemarine.

Maroko 14:33

Bedoro, Tiyako, Yowaho mai na, mai‑ya Yeso himane, ahiyata‑ya mai toka, Yeso atibodi a‑arirematane.

Maroko 2:14

I‑di Refi i‑di Aofio bidi amane. Yeso yakane, kiinawame, kofeno‑ka yobe bidi‑ya i‑di Refi itariya, Yeso awe, Refi‑ya himane, “Owa‑ya tisawihi.” Yeso ati ne, Refi waamise, Yeso‑ya sawiwahemarine.

Maroko 5:37

Mai dama Yeso ati ene mai one nahomake, i‑di Bedoro, i‑di Tiyako, sohori i‑di Yowaho, mai na, Yeso‑ya mai dababisamaroni.

Maroko 9:2

Mai amoni 6 kaniya, Bedoro, Tiyako, Yowaho, mai na, mai‑ya Yeso himane, adami nemehe tati‑ya mai tokomorosa, mai one sawi awiramaroni. Adami tati‑ya mai kobona, mai noki‑ya Yeso hini wehene‑ya yananihimatane.

Roka 22:12

Hika yobe waari nemehe, neme‑ke kote honita tohe‑ya dai‑ya yofikanebonane. Yobe kote‑ya mesa kaware, fara‑ya ai tefe‑ba dai hawa tohiyahi.” Yeso ati nematane.

Yowaho 11:16

“Yeso ai dabahi. Yeso abeya, ai abahareboneni.” I‑di Tome ati nemarine. Tome oni owa i‑di Didimo tohane.

Yowaho 14:22

“Ayo, hini yamata‑nima mai ihi na, mai one tiwa‑ya watorabone tina, tiwa‑ta tiwa oda watobisabone tinaro?” Yoda owa ati nemarine. Yoda Isikari·oti ati tohi awiremarine.

Yowaho 18:17

Bedoro‑ya atona hiyara, “Maki‑ya mai da‑daba mai‑ka owa amatiraniha?” Atona nokobi‑ya se‑seekana ati na, “Ofamaterene.” Bedoro ati nemarine.

Yowaho 21:2

Simaho Bedoro toha, Tome Didimo toha, Natanaeo toha, Yeso‑ya oda da‑daba oda one fama, okoyo oda fama, oda na, oda yorotokanamaroni. (Natanaeo tabaro Kana Karireya‑ka amani.)

Yeso‑ka yo‑yose mai tamine 12:17

Bedoro yehe‑ya mai‑ya ati barine, mai‑ya hiyarawahe, kadeya‑ya wai Deoso hikasome, hini tamine‑ya kamine, i‑di Tiyako toha, Yeso ati‑ya mai no‑nofa mai one‑ya mai hikaminamakebone ati ne, tabora bara‑kaya tokane.

Yeso‑ka yo‑yose mai tamine 15:13

Mai ati fawaniya, Tiyako waamise, mai‑ya hiyare, “Okoyo dai toha, oka soho dai toha na, owati dai mitahi.

Yeso‑ka yo‑yose mai tamine 2:14

Yeso‑ka yo‑yose mai nafi naha, Bedoro ati yanane, “Tabora dami‑ka dai toha, Yodeo dai toha na, Yerosare‑ya dai wina, owati dai mitahi, yama dai watowahaboneni.

Yeso‑ka yo‑yose mai tamine 2:38

“Deoso‑ya dai‑ya dai kamina, Yeso Kirisito ati dai nofa, dai oda habanirisiya, Deoso dai‑ya ati somawameya, Deoso‑ka Doni dai‑ya sawiwahebonane.

Yeso‑ka yo‑yose mai tamine 20:8

Yobe nemehe‑ya oda yorotokana, nabarina dama‑ya mai botonabineni.

Yeso‑ka yo‑yose mai tamine 4:13

Bedoro, Yowaho mai fama mai habi siitora, mai‑ya mai awa, Bedoro ati‑ya mai mita, mai ibi hiyara, “Ka! Ai‑ka esikora‑ya mai sawiramaro, hini yamata ihi yama‑ya mai watowaha? Yeso‑ya mai da‑daba tohamaro, yama‑ya mai watowahani.” Mai ati na.

Yeso‑ka yo‑yose mai tamine 4:19

Mai ati‑ya Bedoro i‑di Yowaho mai mita, mai ati yanana, “Deoso ati‑nima dai ati ni awirani. Deoso ati oda tokadabarabone dai ati na, dai ati‑ta oda tokadababisabone dai ati na awineni.

Korito daidi 15:7

Makobote i‑di Tiyako hiawamatasane, nowati‑ya Yeso‑ka yo‑yose mai nafi hiawawahane.

Karatiya 1:19

Bedoro‑ka yobe‑ya owiniya, Yeso sori i‑di Tiyako‑ta oawa, Yeso‑ka yo‑yose mai one oawi awiramaroni.

Karatiya 2:9

I‑di Tiyako, i‑di Bedoro, i‑di Yowaho mai na, webote mai‑mone, i‑di Banabe oda fama, oda ati‑ya mai mitamaroni. Oda ati‑ya mai mitiya, oda yehe‑ya mai waranamaroni. “Hehe, oda‑nima dai na, Bara mai‑ya Deoso Ati Amosabote‑ya dai kaminahi. Oda‑ta Yodeo mai‑ya Deoso Ati Amosabote oda kaminaboneni. Deoso dai‑ya kasomebonane.” Mai ati namaroni.

Tiyako 1:1

Tiyako ama·oni. Deoso, ai‑ka Ayo Yeso Kirisito ne mai‑ka yama anini‑ya ani·oteni. Isara·eo‑ka nodi dai toha, mai tabori dami‑ya dai wi‑wina dai‑ka yama hani‑bone okanahanaboneni. Dai‑ya owati foyani.

Yowaho yoto‑ke 1:1

Yowaho bote ama·oni. Deoso‑ka mai‑ya ka‑kasoma ama·oni. Fana, owati tikadikiyahi. Hibati‑ya Deoso tiwa‑ya kadikemarine, Yeso ati‑ya tinofabonehe. Tiwa onofa, tika dao, tikoto mai na mai onofa, Deoso ati‑ya mai no‑nofa tiwa‑ya mai nofahari neni.

Yoda‑ka yama hani 1:1

Yeso Kirisito‑ya na‑narifa i‑di Yoda ama·oni. Tiyako sori ama·oni. Ai‑ka abi i‑di Deoso dai‑ya nofe, dai‑ya haanemarine, hika dai tohabonehe. Dai‑ka yama hani‑bone okanahanaboneni. Deoso dai‑ya nawade, Yeso Kirisito‑ka dai tohawahaboneni.