Zekaraya 9:3 - BAYỊBURU Izii

³ Ndu Taya kpụakwaru mkpụkpu phẹ kpụshia ya ike. Mkpọla-ọchaa bẹ ẹphe kpawaru kụbe g'onye kpokọberu urwuku; bya akụbe mkpọla-ododo g'onye kụberu ọzu l'agụga gbororo.

Zekaraya 9:3 ပူးပေါင်းရင်းမြစ်များ

2 Sámẹlu 24:7

Ẹphe bya eshi nno chebewarọ mkpụkpu ndu Taya, a kpụshiru ike; jekọta mkpụkpu, dụkota l'alị ndu Hevu yẹle ndu Kénanu. Ẹphe mechaa kpọ-chia ya ishi lẹ mkpụkpu Biye-Sheba, nọ l'echiẹgu ndọhali l'alị ndu Jiuda.

1 Ndu eze 10:21

Iphe, eze egudeje angụ iphe-angụngu bụ mkpọla-ododo bẹ e gude mekọta iya. Ivu, dụkota l'ụlo ono, e gude oshi, shi l'ọswa úbvú úbvú Lébanọnu kpụa ono be bụ ọkpobe mkpọla-ododo bẹ e gude mee ya. Ọ tọ dụdu iphe ono, dụru ọphu e meru lẹ mkpọla-ọchaa; noo kẹle ọ tọ dụdu iphe, a gụberu mkpọla-ọchaa lẹ teke Sólomọnu bụ eze.

1 Ndu eze 10:27

Eze bẹ meru; mkpọla-ọchaa kụru g'ẹja lẹ Jierúsalẹmu; bya emee g'oshi sida dzuru ẹkameka g'oshi sịkamo, tụkoru alị ọkpa úbvú, nọ l'ụzo ẹnyanwu-arịba sweta-a.

Jiobu 22:24

bya eworu mkpọla-ododo ngu l'ophu rwụa lẹ ntụ; mbụ tụko mkpọla-ododo Ofi ngu je achịru ye l'ọgba g'ọ bụru mkpuma nọ lẹ mini;

Jiobu 27:16

A makwarụ-a l'ọ kparụ okpoga kụbe l'ikpo l'ikpo g'onye kụberu ẹja; bya anmaa uwe kụbe g'onye kụberu ẹja-ụlo;

Jiobu 3:15

Mu lẹ ndu-ishi, bụ ndu shi nweru mkpọla-ododo; ndu shi doo mkpọla-ọchaa dojia ụlo phẹ godogodo.

Azáya 23:11

Chipfu machịwaru ẹka mabẹru eze-ẹnyimu; bya emee g'alị-eze ndu mgboko nmakọta jiijiijii. Ọ tụwaru ekemu sụ l'ọwa-a iphe, ee-me ndu Kénanu; g'a tụko iphe, bụkpoo ẹka e meru; ọ ngụru angụru, dụ iya nụ mebyishikọta.

Azáya 23:8

?Bụ onye kabẹ chịaru Taya ẹjo idzu ọwa? Mbụ mkpụkpu ono, ekpubeje ndu ọzo okpu-eze ono; mkpụkpu, ndu agba oke-nghọ l'ime iya bụkota ndu-ishi ndu-ishi; ndu bụepho l'ẹphe agba nghọ bụru ndu mgboko l'ophu akwabẹ ùbvù.

Ezekẹlu 26:12

Ẹphe a-lwụ ẹku ngu alwụlwu; gwee ngwaswa ngu tụtua. Ẹphe e-nwukpọshikota igbulọ, e gude kpụ-buta ngu; nwutsushikọta ụlo nọ l'ime ngu, e meru ọ nọdu ama mma; bya evukọo mkpuma ngu mẹ oshi ngu; mẹkpoo mkpọkpo-ụlo ngu; je enwuru ye l'eze-ẹnyimu.

Ezekẹlu 27:27

Ẹku ngu; mẹ iphe, i gude agba nghọ; mẹ ngwaswa ngu; mẹ ndu etso ụgbo-mini ngu; mẹ ndu angaru ngu ụgbo-mini; mẹ ndu aguchijeru ngu ụgbo-mini; mẹ ndibe ngu, agba oke-nghọ; mẹkpoo ndu ojọgu ngu g'ẹphe ha; mẹ iphe, bụkpoo ndu ọzo nọ l'ụgbo ngu ono; bẹ e-kpolahụ l'echilabọ eze-ẹnyimu mbọku ono, ụgbo-mini ono e-kpu.

Ezekẹlu 27:33

Teke e shi evushije ngwaswa ngu e -shi l'eze-ẹnyimu; bẹ i shi emeje ẹpho eji ọha, dụ igwerigwe. Ọ bụru ẹku ngu, parụ ẹka; mẹ ngwaswa ngu bẹ i gude mee ndu eze, nọgbaa lẹ mgboko-a ẹphe nweru iphe.

Ezekẹlu 27:34

Obenu lẹ nta-a bẹ mini mebyishiwaru ngu l'ọhu eze-ẹnyimu. Ngwaswa ngu ono; yẹe ndu tso ngu nụ; bẹ mini rikọtawaru unu l'ẹphe.

Ezekẹlu 28:1

Noo ya; Chipfu bya epfuru opfu yeru mu sụ:

Émọsu 1:9

Wakwa iphe, Chipfu epfu baa: “Eshinu Taya mewaru iphe-ẹji ẹto bya eye ẹka lẹ k'ẹno bẹ mu tee sephuẹkwaru phẹ oke ẹhu-eghu mu azụ; kẹle ẹphe tụkoru ọha l'ophu, bụ ndu a kpụru lẹ ndzụ woru ye l'ẹka ndu Edọmu; shi nno woru ọgbandzu ẹphe l'unwune phẹ nmaa phulaphula.

Jioshuwa 19:29

Oke alị ono bya agbẹ l'ẹka ono laphu azụ kwasẹru ụzo mkpụkpu Rama; bya erwua mkpụkpu Taya, bụ mkpụkpu, a kpụ-pheru igbulọ mgburugburu. Ọ bya agbẹ l'ẹka ono gbajia uswe lụfu lẹ mkpụkpu Hosa; bya ebufuta l'eze-ẹnyimu. Mkpụkpu, nọgbaa l'ime alị ono bụ Mahalabu; waa Akuzibu;