Zekaraya 7:3 - BAYỊBURU Izii

³ waa g'ẹphe jịa ndu-uke ụlo Chipfu, bụ Ọkalibe-Kakọta-Ike; ẹphe lẹ ndu mpfuchiru Chileke sụ phẹ: “?Mu gụwaro aphụ swịa ẹgu l'ọnwa ise gẹ mu shi eshi k'apha olemole meta-a tọo?”

Zekaraya 7:3 ပူးပေါင်းရင်းမြစ်များ

Ẹzura 3:10

Ndu akpụ eze-ụlo Chipfu ono tụepho ọkpa iya; ndu-uke Chileke chịta uwe uke phẹ yee; bya apagbaaru opu. Ndu Lívayi, bụ ụnwu Asafu gudegbaa nkwa fụta; ẹphe wata aja Chipfu ajaja l'ụzo, Dévidi, bụ eze ndu Ízurẹlu tọru phẹ ọkpa iya.

Oziphe 3:4

Teke aara ẹkwa dụ; teke aachị ọchi dụkwapho. Teke aagụ aphụ dụ; teke eete ebvu dụkwapho.

Hosiya 4:6

Ndibe mu bẹ ala l'iswi; kẹle ọ tọ dụdu iphe, ẹphe nwụtaru. Eshinu unu jịkaru anwụta iphe bẹ mu jịkakwarupho unu sụ l'unu ta abụedu ndu-uke mu. Eshinu ọ tọ dụdu iphe, unu gụberu ekemu kẹ mụbe Chileke unu bẹ mbẹdua ta adụkwapho iphe, mu a-gụbe ụnwu unu.

Jiowẹlu 2:17

Gẹ ndu bụ uke, bụ ndu ejeru Chipfu ozi nọdukwa raa ẹkwa lẹ mgbaka nwụlo, eeshije abahụ l'eze-ụlo Chipfu yẹle ọru-ngwẹja. G'ẹphe pfukwaa sụ: ‘Gụbe Chipfu; phụnaaru ndu nkengu obu-imemini! Be mekwa gẹ ndu ono, bụ okiphe ngu ono bụru iphe, ee-gude achị ọchi! G'ẹphe ta abụkwaru iphe, ọhamoha e-gude agba mgbọnu; kẹle-a; ?dẹnu g'o gude ndiphe je l'anọdu epfuru ndu Ízurẹlu asụje phẹ: ?Bụ awe bẹ Chileke unu nọ?’ ”

Hagayi 2:11

“Wakwa iphe, Chipfu, bụ Ọkalibe-Kakọta-Ike eepfu baa: Jịeshikwa ndu-uke Chileke iphe, ẹkwo ekemu Chileke epfu; sụ phẹ:

Zekaraya 7:4

Tọbudu iya bụ; opfu kẹ Chipfu, bụ Ọkalibe-Kakọta-Ike bya erwua mu nchị sụ mu:

Zekaraya 7:5

“Jịa iphe, bụkpoo ndu alị-a l'ophu mẹ ndu bụ uke sụ phẹ: Teke ono, unu swịru ẹgu nọo l'aphụ l'iphe, bụkpoo ọnwa ise yẹe ọnwa ẹsaa; e -shi k'ụkporo apha ẹto l'apha iri, nwụwaru nụ ?bụ mu-a gẹdegede bẹ unu swị-doru ẹgu ono?

Zekaraya 8:19

Wakwa iphe, Chipfu, bụ Ọkalibe-Kakọta-Ike eepfu: “Aswị ẹgu l'ọnwa k'ẹno mẹ k'ise mẹ k'ẹsaa mẹ k'iri a-tụko bụru teke ẹhu a-tsọje unubẹ ndu ọnu-ụlo Jiuda ụtso; unu etee ẹswa; l'ọ bụru unu Ọbo-iphe ẹhu-ụtso. Ọo ya bụ lẹ-a; unu yee ire-lanụ obu; unu eyee nchị-adụ-doo obu!”

Malakayi 2:7

“Kẹle iphe, gbaru onye bụ uke bụ g'o meje gẹ ndiphe maru iphe; k'ọphu ẹphe e-shi iya l'ẹka ngabẹ nchị l'iphe, bụ: e -mee ya l'ọ dụ Chileke ree; eshinu ọ bụ iya bụ onye-ozi Chipfu, bụ Ọkalibe-Kakọta-Ike.

Matiyu 9:15

Jizọsu sụ phẹ: “?Ndu byaru ekele-nwanyị a-gbẹ agụ aphụ l'ẹka ẹphe l'onye eme ekele-nwanyị nọkwadu l'ẹka-a? Ọle ọ dụkwaru teke ee-mechaa; l'a bya anafụ phẹ onye ono, eme ekele-nwanyị ono. Ọo ya bụ; ẹphe aswịwaro ẹgu.

1 Kọrentu 7:5

Gẹ nwoke ta ajịkajekwa ejepfu nyee ya; ọphu nwanyị ajịkajekwa ji iya; gbahakwa l'unu chịru iya achịchi sụ l'ọo g'unu haa onwunu kẹ nwateke ono; k'ọphu unu e-woru uche dobe l'epfu anụ Chileke ọkpobe epfupfu. Ọle teke unu tuburu k'epfu anụ Chileke ọbu bvụekwapho; unu watakwa akwakwa ọzo; ọ -nọnyakwaa Nsetanu kwarụ unu ye l'iphe, dụ ẹji opfu l'unu ta adụdu ike esede onwunu.

Ditoronomi 33:10

Ọ bụ phẹ e-zije ndibe Jiékọpu iphe, ị sụru g'e meje. Ẹphe ezia ndu Ízurẹlu iphe, ị tụru l'ekemu. Ọ bụru phẹ e-dobejeru ngu ụ̀nwù-isẹnsu; bụru phẹ e-dobeje ngwẹja-akpọ-ọku l'ọru-ngwẹja ngu.