Zekaraya 4:2 - BAYỊBURU Izii

² Ọ jịa mu sụ mu: “?Ị hụmaru gụnu?” Mu sụ iya: “Mu hụmaru iphe, aapfụbeje orọku, e mekọtaru lẹ mkpọla-ododo; iphe, dụ iya l'eli bụru ochi; orọku dụkwapho ẹsaa pfụru iya l'eli; ụzo, shigbaaru fụta l'orọku ono dụkwapho ẹsaa.

Zekaraya 4:2 ပူးပေါင်းရင်းမြစ်များ

1 Iphe, ndu eze meru 28:15

O goshi ẹrwa mkpọla-ododo, ee-gude kpụshia iphe, aapfụbeje orọku, e meshiru lẹ mkpọla-ododo; mẹ k'orọku l'onwiya; mbụ g'ẹrwa iphe, aapfụbeje orọku ono, a-hagbaa l'ẹhu l'ẹhu; mẹ k'orọku a-nọdu iya nụ; bya egoshi ẹrwa mkpọla-ọchaa, ee-gude kpụshia iphe, aapfụbeje orọku, e meru lẹ mkpọla-ọchaa; mẹ k'orọku l'onwiya; mbụ ẹgube a-sụkpoerupho iphe, aapfụbeje orọku ono l'ẹhu l'ẹhu.

2 Iphe, ndu eze meru 13:11

Ụtsugutsu; mẹ ụzenyashi nọnu bẹ ẹphe egwejeru Chipfu ngwẹja-akpọ-ọku; waa ngwẹja ụ̀nwù-isẹnsu, eshi kwẹekweekwee; bya edoo buredi, eedobeje l'iphu Chileke l'eli teburu ono, e mecharu emecha ono. L'ụzenyashi bẹ ẹphe eyeje ọku l'orọku ono, a tukoberu l'iphe, e meru lẹ mkpọla-ododo, aapfụbeje orọku ono. Ọ bụru iphe, kparụ iya nụ bụ l'anyịbedua eme iphe, Chipfu, bụ Chileke anyi sụru g'emeje. Obenu l'unubẹdua bẹ pawaru Chipfu haa.

2 Iphe, ndu eze meru 4:7

Ọ bya egude mkpọla-ododo meta iphe, aapfụbeje orọku ụzo iri dobe l'eze-ụlo ono. Ọ bụru g'a sụru g'e mee ya bụ g'o meru iya. O woru ise dobe l'ụzo ndọhali; dobe ise l'ụzo isheli.

Oziphe 12:6

Nyatakwa onye meru ngu nụ; tẹme l'a gbabua ụdo, e gude mkpọla-ọchaa swịa; mbụ tẹme l'a tụkpo ochi mkpọla-ododo, eegudeje ese mini lẹ wẹlu ono. Nyatakwa iya; tẹme l'eetsukpọshia ite-mini, eesejeru mini ọbu ye; mbụ tẹme l'eemebyishia igwe, eekobeje eri ono, e gude ese mini lẹ wẹlu ono.

Jieremaya 24:3

Noo ya bụ; Chipfu bya ajịa mu sụ: “?Bụ gụnu bẹ ị hụmaru; Jieremaya?” Mu sụ iya: “Ọ kwa akpụru oshi figu. Ndu ọphu dụ ree dụshikpoo ree ike; ndu ọphu dụ ẹji dụshikwanaa ẹji ike k'ọphu bụ l'ọ tọ dụdu k'eriri.”

Jieremaya 52:19

Onye-ishi ndu ojọgu ono bya achịtakwapho eze ochi; yẹe iphe, aagụje ọku; yẹe gbamụgbamu; mẹkpoo ite; mẹ iphe, aapfụbeje orọku; mẹkpoo nkwẹka; mbụ iphemiphe, bụkpoo iphe, e meru lẹ mkpọla-ododo yẹe k'ọchaa.

Émọsu 7:8

Chipfu bya ajịa mu sụ mu: “Émọsu; ?bụ gụnu bẹ ị hụmaru?” Mu sụ iya: “Ọ kwa iphe, eegudeje akpụ igbulọ g'ọ pfụru nhamụnha.” Tọbudu iya bụ; Nnajịuphu ono bya asụ mu: “Lekwa; mu e-woru iphe, eegudeje akpụ igbulọ g'ọ pfụru ọto dobe l'echilabọ ndu Ízurẹlu. Mu taa haẹdu phẹ ọzobaa gẹ mu ta anụ phẹ aphụ.

Zekaraya 5:2

Ojozi-imigwe ono sụ mu: “?Bụ gụnu bẹ ị hụmaru?” Mu yeeru iya ọnu sụ: “Mu hụmakwaru ẹkwo-aphụphu, ephe ephephe; ọ dụ ụkporo nkwo-ẹka l'ogologo bya adụ nkwo-ẹka iri l'ọsa.”

Ọphulenya 1:12

Mu bya aghaa ẹnya l'azụ gẹ mu hụmaeshikwa onye ono, epfu eyeru mu nụ onoya. Mu ghaa ẹnya ono mu hụma orọku ẹsaa e mekọtaru lẹ mkpọla-ododo.

Ọphulenya 1:20

Waa iphe, e domiru edomi dụ lẹ kpokpode ẹsaa-a phọ, ị hụmaru l'ẹkutara mu phọ; yẹle orọku mkpọla-ododo ẹsaa phọ. Kpokpode ẹsaa ono bẹ bụ ụnwu-ojozi-imigwe, l'anọduje eletagbaa Chịochi ẹsaa ono ẹnya; orọku ẹsaa ono bụru Chịochi ẹsaa ọbu.”

Ọphulenya 4:5

Ebemu-igwe nọdu eshijeẹpho l'ẹka ono, aba-eze ono nọ ono alọ kẹ waa waa. Igwe nọdu ede riiriirii; ara ọ́rà; atụ egbigwe. Orọku ẹsaa nọdugbaa l'iphu aba-eze ono enwugbaa jajaja, bụ iya bụ Unme ẹsaa Chileke ono.