Zekaraya 2:9 - BAYỊBURU Izii

⁹ bẹ ọ tọ dụdu iphe, e-me gẹ mu ta apali ẹka mu nụa ndu ono aphụ; k'ọphu bụ lẹ ndu shi bụru ohu phẹ a-ghakọbe kwaa iphe phẹ l'ọkwata. Noo teke unu a-maru l'ọo Chipfu, bụ Ọkalibe-Kakọta-Ike bẹ ziru mu gẹ mu bya.

Zekaraya 2:9 ပူးပေါင်းရင်းမြစ်များ

Azáya 10:32

Ọ bụru mbọku ono bẹ ẹphe e-jeta je agbụru lẹ mkpụkpu Nobu. Ẹphe egbu ẹka swịkiswiki l'iphu úbvú Zayọnu ono; mbụ l'eli úbvú Jierúsalẹmu.

Azáya 11:15

Chipfu l'e-me g'ọ tahụ; mbụ nkulahụ eze-ẹnyimu Ijiputu. Ọ bụru phẹrephere, ekpo pharaphara bẹ oo-zi gude phee ẹka l'eli eze nggele Yufurétisu. Oo-me iya l'ọ ta-bushihu atabushihu; tabuha uzi ẹsaa; k'ọphu nemadzụ a-zọje gẹdengu gẹdengu gẹdengu ghata iya.

Azáya 12:6

Unubẹ ọha, bu l'úbvú Zayọnu; unu tụa ụzu ẹhu-ụtso; kẹle onye ono, nọ l'echilabọ unu ono parụ ẹka; mbụ Onye Nsọ kẹ ndu Ízurẹlu.”

Azáya 13:2

“Palia ẹkwa-ọhubama l'eli úbvú, dabyiru swachamu. Nọdu l'ẹka ono chiaru phẹ mkpu. Pheeru phẹ ẹka g'ẹphe shia ọnu-ụzo bahụ l'ẹka ndu a maru ẹpha phẹ nọ.

Azáya 14:2

Ọhamoha l'e-duta phẹ dulata l'alị ẹphebe ndu Ízurẹlu gẹdegede. Ndu Ízurẹlu ono a-bụru ndu e-nweru ọhamoha; mee phẹ; ẹphe abụru phẹ ohu: unwoke l'ụnwanyi l'alị ọphu Chipfu nụru phẹ l'onwiya. Ẹphe aghaa ọhu kpụa ndu ono lẹ ndzụ; mbụ ndu ono, shi kpụa ẹphebedua lẹ ndzụ ono; bụru ndu a-nọdu elekọta ndu shi emekpa phẹ ẹhu.

Azáya 19:16

Teke ono bẹ ndu Ijiputu a-dụ g'ụnwanyi. Ẹphe e-rwuhu lẹ ndzụ-agụgu; ọ bụru ẹka ọ paliru ẹka abya phẹ echichi; mbụ Chipfu, bụ Ọkalibe-Kakọta-Ike.

Azáya 26:1

O -rwua mbọku ono; waa ebvu, aa-gụ l'alị ndu Jiuda baa: “Anyi nweru mkpụkpu, shihuru ike. Ọ bụru ndzọta bẹ Chileke gude kpụ-phee ya mgburugburu g'igbụlo.”

Azáya 33:1

Nshịo gụbe nwa mmebyi; l'ẹbe abụ l'o nweru onye mebyiru gụbedua! Nshịo gụbe nwoderu-oye; l'ẹbe abụ l'ọ dụru onye deru ngu ye! Ọ kwa: ị -haẹpho emebyishi; l'e mebyia gụbedua. Teke ị haẹrupho ederu nemadzụ ye; l'e deru gụbedua ye.

Azáya 33:21

L'ẹka ono bẹ Chipfu a-bụru Ọnyibe k'anyi. Ẹka ono a-dụ g'ẹka nggele dụ ọsa; ẹnyimu dụ iya ọsa. Ọphu ọ dụdu ụnwu ụgbo-mini, nweru akwọ-ụgbo, byaru eshi iya nụ. Ọphu ọ dụkwapho oke ụgbo-mini, a byaru anga l'eli iya.

Azáya 33:23

Eri, e shi kee gụbe ụgbo tọshihuakwaru. Oshi, gụbe ụgbo gude ngụru angụru dụchaakwaa wogowogo. Ọphu ẹkwa-ụgbo ngu adabyiẹkwaru pọtoo. Ọo ya bụ l'aa-kwa ọkwata, parụ ẹka kee; mbụ lẹ ndu ẹniyeni a-kwachaa ọkwata.

Azáya 4:5

Ọo ya bụ; Chipfu abya l'úbvú Zayọnu l'ophu; mẹkpoo iphe, bụ ndu ono, edzukọbeje l'ẹka ono; bya emeta urwukpu, akpụ tụutuutuu doberu phẹ l'eswe; meta ọku, enwu phoophoophoo doberu phẹ l'ẹnyashi; kẹle ẹka ono g'ọ ha bẹ ee-gude ọdu-biribiri Chipfu kpuchia.

Azáya 48:16

“Unu kpịritaru mu ntse bya angabẹ nchị l'iphe-a. E -shikpọ lẹ mbụlembu, mu shi pfuta opfu bẹ mu teke epfuswee opfu lẹ mpya. Teke o mekpọoru lẹ mbụ bẹ mu nọepho l'ẹka ono.” Nta-a bẹ Nnajịuphu, bụ Chipfu; yẹle Unme nkiya; yewaru mu gẹ mu bya.

Azáya 60:18

A ta abyadụ anụmabaa l'iphe-kpangangaa l'eme l'alị ngu l'ophu. Ọphu aanụmabaedu k'ọla-l'iswi ọzoo mgbu-ọnwu l'alị ngu gbaa mgburugburu. Iphe, ịi-nọdu eku igbulọ ngu a-bụru: Ndzọta; l'i kua ọnu-abata mkpụkpu ngu “Ajaja”.

Azáya 60:19

“Ọ tọ bụeduru ẹnyanwu bẹ ii-gude aphụ ụzo l'eswe; ọphu ọnwa echiẹduru ngu phuuphuu l'ẹnyashi. Noo kẹle Chipfu a-bụru ìphóró dụru ngu nụ jasụ l'ojejoje. Mbụ l'ọo Chileke ngu ono a-bụru ọdu-biribiri nkengu.

Jieremaya 27:7

Ọhamoha l'ophu a-nọdu iya l'ẹka; nọdu iya nwa iya; waa nwanwa iya; jasụ alị-eze iya adakpọhu. Noo teke ọhamoha, dụ igwerigwe mẹkpoo eze ndu parụ ẹka e-me iya ohu phẹ.

Jieremaya 28:9

Obenu l'onye mpfuchiru, epfu opfu lẹ nchị a-dụ doo bụepho teke iphe, o pfuru meru g'o pfuru iya bẹ ee-kweje lẹ Chipfu ziru iya eviya.”

Jieremaya 8:19

Ngabẹkpodapho nchị nụma mkpu, ndibe mu echi; mkpu, ẹphe gbẹ l'alị, dụ ẹnya ẹnya echi sụ: “?Ọ dụ gẹ Chipfu ta anọedu lẹ Zayọnu tọo? ?Onye Eze phẹ ono ta anọedu iya tọo?” “?Bụ gụnu meru g'o gude ẹphe gude ntẹkpe phẹ kpatsu mu iwe; mbụ nshi ono, ẹphe gwọtaru l'ọhozo ono, adụdu iphe, ọ bụ ono?”

Ezekẹlu 39:10

Ẹphe ta abyadụ ejebaa akpata nkụ l'ẹgbudu; ọzoo je awata nkụ l'ọswa; kẹle ngwọgu ono a-bụru nkụ, ẹphe egudeje eshi iphe. Ndu ono, gwejeru iphe phẹ tụtua ono bẹ ẹphe e-gwekwaphọ nkephẹ tụtua; ndu ono kwajẹru iphe l'ọkwata ono bẹ ẹphe a-kwalatakwaphọ nkephẹ l'ọkwata. Nokwa iphe, Nnajịuphu, bụ Chipfu epfu.

Jiowẹlu 2:27

Noo teke unu a-maru lẹ mu nọ-a lẹ Ízurẹlu; maru l'ọo mu bụ Chipfu bya abụru Chileke unu; l'ọ tọ dụedu onye ọzo, dụbaa nụ. Ọphu a byadu emebaa ndu bụ ndibe mu iphe-iphere ọzo.

Habakuku 2:17

Iwashị, i weru úbvú úbvú Lébanọnu l'a-bya eripyabẹ ngu ishi nta. Ọzo bụ l'anụ ono, i gbushiru ono l'e-mechaa yee ngu ebvu. Kẹle ọo ndiphe bẹ i gbushiru; i mebyishiwaru alị mebyishia mkpụkpu; mẹkpoo iphe, bụkpoo nemadzụ, bụ ndu bukọta iya nụ.

Habakuku 2:8

Eshinu ị nawaru ọhamoha, dụ igwerigwe iphe phẹ bẹ nwa ndu ọphu phọduru nụ a-nakwa ngu phọ iphe nkengu. Noo kẹle i gbushiwaru nemadzụ. I mebyishiwaru alị yẹe mkpụkpu lẹ mkpụkpu; mẹkpoo iphe, bụ ndu bugbaa l'ime iya.

Zefanaya 2:9

Ọo ya bụ lẹ-a; wakwa iphe, mu epfu; mbụ Chipfu, bụ Ọkalibe-Kakọta-Ike bya abụru Chileke kẹ ndu Ízurẹlu: Eshinu mu nọ ndzụ gẹ mu nọ iya-a; bẹ ndu Mówabu e-mechaa dụepho gẹ ndu Sọdomu; ndu Amọnu adụ gẹ ndu Gọmóra; mbụ l'ẹphe a-bụru ẹgbudu yẹe nsụkutu únú; mbụ l'ọo-bụru ochobu jasụ l'ojejoje. Nwandibe mu ọphu phọduru nụ l'a-kwa iphe phẹ l'ọkwata; mbụ l'ọo ndu ọha mu nwa ndu ọphu wafụru nụ bẹ alị phẹ a-bụru okiphe phẹ.”

Zefanaya 3:15

Kẹle Chipfu nafụwaru ngu aphụ ono, o shi anụ ngu ono. Ọ chị-phuwaru ndu ọhogu ngu azụ. Chipfu; mbụ eze ndu Ízurẹlu nọkwa swiru ngu eswiru; ọphu ọ dụdu ẹjo-iphe, ị byaru atsụbaa ebvu ọzo.

Zekaraya 2:11

Ọha, dụ igwerigwe bẹ a-tụgbabekwa onwophẹ ẹphe lẹ Chipfu mẹ o -rwua mbọku ono; ẹphe abụru ndibe mu. Mu e-buru l'echilabọ unu; k'ọphu unu a-maru l'ọo Chipfu, bụ Ọkalibe-Kakọta-Ike bẹ ziru mu gẹ mu bya.

Zekaraya 2:8

kẹle-a; wakwa iphe, oopfu baa; mbụ Chipfu, bụ Ọkalibe-Kakọta-Ike: Onye bụ onye denyiru unu ẹka bụkwa akpụru ẹnya mu bẹ ọorwu ẹka. Teke ọ kwabẹkpooru mu ùbvù bya ezia mu gẹ mu je etsoo ọha ono, kwarụ iphe unu l'ọkwata ono ọgu;

Zekaraya 4:9

“Zerúbabelu gudeakwaa ẹka iya tụa ọkpa eze-ụlo Chileke-a; ọ bụru iya e-gudekwaphọ ẹka iya kpụ-tsee ya. Noo teke unu a-maru l'ọo Chipfu, bụ Ọkalibe-Kakọta-Ike ziru mu gẹ mu byapfuta unu.

Zekaraya 6:15

“Ndu bu l'ẹka dụ ẹnya abya eyeta ẹka g'a kpụa eze-ụlo Chipfu. Noo teke unu a-maru l'ọo Chipfu, bụ Ọkalibe-Kakọta-Ike bẹ ziru mu gẹ mu bya. Iphemiphe ono e-mekọta mẹ unu -nọdu emeje iphe, Chipfu, bụ Chileke unu epfu.”

Zekaraya 9:15

Ọ bụru Chipfu, bụ Ọkalibe-Kakọta-Ike e-gbobuta phẹ. Ẹphe a-nọdu atsụ ndu ọhogu phẹ ọtsu-ẹpfu; alwụ phẹ alwụ-kpe phẹ. Ọ bụru iphe, ẹphe e-gude eme iya bụ mkpuma rọbo agbagba phẹ. Ẹphe a-ngụ iphe, aangụ angụngu; aba gẹ ndu mẹe atsụ. Ẹphe ejije pyịmu g'ochi, eegudeje ephe mee l'agụga ọru-ngwẹja Chileke.

Jiọnu 13:19

Mu epfukwaru iya unu nta-a, o toko rwudu-a; k'ọphu bụ; ọ -nwụje; unu ekweta l'ọo mbẹdua bụ onye ọbu.

Jiọnu 16:4

Ọle mu tụkowaru iphemiphe-a epfuru unu g'ọo-bụru: o -rwuẹpho teke ẹphe e-me iphe ono; unu anyatajẹ lẹ mu pfuhawaru unu opfu ẹhu phẹ.” “Mu te eshikwa pfuhawaaru unu iphe-a lẹ mbụlembu; opfu lẹ mu nọkwadu swiru unu.