Zekaraya 1:3 - BAYỊBURU Izii

³ Ọo ya bụ lẹ-a; karụ ndu-a sụ phẹ-a: Wakwa iphe, oopfu baa; mbụ Chipfu, bụ Ọkalibe-Kakọta-Ike: Unu lwaphuta azụ lwapfuta mu; k'ọphu mu a-lwaphuta azụ lwapfuta unu. Nokwa iphe, Chipfu, bụ Ọkalibe-Kakọta-Ike eepfu.

Zekaraya 1:3 ပူးပေါင်းရင်းမြစ်များ

2 Iphe, ndu eze meru 15:2

Ọ lụfu jepfushia Asa je asụ iya: “Asa; mẹ ndu Jiuda; mẹ ndu Benjiaminu l'ophu; unu ngabẹru mu nchị. Chipfu bẹ a-tụkwaru íkè yeru unu; mẹ ọ -bụru l'unu tụru íkè yeru iya. Unu -chọo ya bẹ unu a-chọta iya. Ọle unu -haa ya; l'ọ haa unu.

2 Iphe, ndu eze meru 15:4

Ọle ẹphe nọepho l'iphe-ẹhuka; ẹphe dakọbe lwapfuta Chipfu, bụ Chileke kẹ Ízurẹlu; ẹphe chọo ya; chọta iya.

Nehemaya 9:28

Nchị bya adụle phẹ phọ doo; ẹphe mee ẹjo-iphe l'iphu ngu ọzo. I wokwaru phẹ ye l'ẹka ndu ọhogu phẹ ọzo; ẹphe bụru ishi phẹ. Ẹphe byakwa araku ngu ọzo; ị gbẹ l'imigwe ngabẹru phẹ nchị. Ị phụahaaru phẹ obu-imemini; nafụta phẹ ugbo olemole.

Jiobu 22:23

L'ị -lwaphuta azụ lwapfuta Ọkalibe-kangokọtaru-nụ bẹ oo-dophu ngu azụ l'ọnodu ngu. Ị -tụko ẹjo-iphe, dụ l'ibe ngu woshikọta;

Azáya 31:6

“Sụ-a; unubẹ ndu Ízurẹlu; unu lwaphutanụ azụ lwapfuta onye ono, unu kwefuru ike ono;

Azáya 44:22

Mu rwufuwaru emeswe, i mesweru mu. Ọ gbakahụwa g'ẹka igwe rwuchaaru erwurwu; gbakaa ya. Mu bya agbaka iphe-ẹji, i meru mu; ọ tahụ g'iji, kwarụ l'ụtsu atahụje-a. Lwapfutanụ mu; kẹle mu gbafụtawaru ngu.”

Jieremaya 12:15

Teke mu phefuchaẹru phẹ phọ; mu abya aphụaru phẹ obu-imemini; duphutachaa phẹ azụ nanụnanu g'ẹphe haa; g'ẹphe lwaphuta azụ l'okiphe phẹ ono;

Jieremaya 25:5

“Ẹphe pfua sụ: ‘Unu ghakọbedupho nta; g'unu ha l'ẹhu l'ẹhu; unu hadaphọ ẹjo-ememe, unu eme; mẹkpoo ẹjo-iphe, unu anwụ ememe. Ọ kwa iya bụ g'unu a-nọdu l'alị ono, Chipfu nụru unu; bya anụ iya ndiche unu phẹ ono jasụ l'ojejoje.

Jieremaya 3:1

“Ọ -bụru lẹ nwoke chịfuru nyee ya; nwanyị ono -parụ iya haa je alụru nwoke ọzo; nwoke ono; ?ọo-chọkwarupho nwanyị ono eje tọo? Ono ?tọ bụdu atụrwu alị l'ophu l'ophu? Obenu lẹ gụbedua gbawaru ụkpara l'ẹka ndu dụ igwerigwe, unu l'ẹphe eshi ọ̀nyà. ?Ịi-dụ ike lwaphuta azụ lwapfuta mu tọo? Nokwa iphe, Chipfu eepfu bụ ono.”

Jieremaya 3:22

“Unu lwadụpho; unubẹ ndu ono, ekweẹdu kẹ Chileke ono! Mu e-me g'unu ta abụheru ndu laphuru azụ.” “Ao; anyi abyapfuta ngu-a; kẹle ọo ngu bụ Chipfu bya abụru Chileke anyi.

Jieremaya 35:15

Ndu ozi mu, bụ ndu mpfuchiru g'ẹphe ha bẹ mu yewaru g'ẹphe byapfuta unu; mu -yechaa; mu eyebaa; ẹphe bya bya asụ unu-a: ‘G'unu ha l'onye l'onye hanaa ẹjo-iphe, unu eme; dozia umere unu; g'unu te tsohẹkwaru agwa; unu ba bahẹru iya ẹja. Ọo ya bụ g'unu eburu l'alị ono, mu nụru unu lẹ nna unu oche phẹ ono.’ Ọphu unu angaduru nchị; ọphu unu eyedụru mu ọnu.

Jieremaya 4:1

Wakwa iphe, Chipfu epfu baa: “Ọ -bụru l'ịi-lwa; gụbe Ízurẹlu; g'ị lwapfutanụ mu! Ọ -bụru l'ịi-tso agwa ono, bụ mu ẹbyi ono ọgu gẹ mu ta ahụmajehe iya; ọphu ị kpa-phuhuẹduru akpaphuhu;

Ezekẹlu 18:19

“Unu gbẹkwapho ajịje sụ: ‘?Bụ gụnu kparụ iphe, nwa ta alajẹdu l'ọchi k'iphe, nna iya meru?’ Eshi ọphu nwatibe iya eme iphe, pfụru ọto; mẹ iphe, gbaru nụ; bya anwụbe ẹnya emekọta iphe, mu tọru ọkpa iya g'e meje bẹ ọo-dzụnuru ndzụ.

Ezekẹlu 18:31

Unu tụkokpoo ẹjo-iphe, unu mekọtaru g'ọ ha gwọbekota; unu emee obu unu g'ọ bụru obu ọ̀phúú; unu abya anọdu ndzụ ọ̀phúú. ?Bụ gụnu kparụ iphe, unu gude ẹka ekutaru onwunu ọnwu unubẹ ndu Ízurẹlu?

Ezekẹlu 18:32

Kẹle ọ tọ dụdu onye ọoduje mu ree l'ọ nwụhuru. G'izimanụ lwa unu azụ; gẹ ndzụ abụru nkunu! Nokwa iphe, Nnajịuphu, bụ Chipfu epfu.

Ezekẹlu 33:11

Sụ phẹ; wakwa iphe, Nnajịuphu, bụ Chipfu epfu baa: ‘Ọo gẹ mu nọ ndzụ gẹ mu nọ iya-a bụ g'ọ bụ ire-lanụ l'anwụhu onye ẹjo-iphe ta atsọjedu mu ụtso; ọ chia g'onye ẹjo-iphe haa ẹjo ụzo iya; bya adzụru ndzụ. Unu ghaa umere! Unu ghaa umere; haa ẹjo ụzo unu g'ọ ha! Oowaa! ?Bụ gụnu meru iphe, unu a-nwụshihu; unubẹ ndu Ízurẹlu?’

Hosiya 14:1

“Unubẹ ndu Ízurẹlu; unu lwapfuta Chipfu, bụ Chileke unu! Ọ kwa iphe-ẹji, unu eme meru g'o gude unu daa!

Hosiya 14:4

“Mu e-me-a g'ẹphe dụ-buhu ghẹlegheleghele ono, ẹphe dụ ono. Mu abya atụshihu ẹhu; yee phẹ obu; kẹle mu taa vụheduru phẹ ọvuma.

Hosiya 6:1

“Unu bya g'anyi laphuta azụ lapfu Chipfu; kẹle ọ kwa iya lakashịru anyi iphiriba iphiriba; ọ bụru iya e-me g'anyi wekọrohu. O mekawarụ anyi iphe; ọle oo-gude-a iphe kechia ọ́nyá, o chibashiru anyi.

Jiowẹlu 2:12

Wakwa iphe, Chipfu epfu baa: Ntaakpọnu; unu gudenụ ọkpoma unu g'ọ ha lwapfuta mu! Unu gude aswi ẹgu; mẹ ara ẹkwa; mẹ agụ aphụ gude lwa!

Malakayi 3:7

E -shi lẹ nna unu oche phẹ bẹ unu shikwa; ọphu unu emejeẹdu iphe, mu sụru g'unu meje. Unu lwanụ azụ lwapfuta mu; gẹ mu a-lwapfuta unubẹdua.” Noo iphe, Chipfu, bụ Ọkalibe-Kakọta-Ike eepfu. “Unu a-jịkwaro sụ: ‘?Anyi a-lwa azụ ịlwaghaa ya?’