Zefanaya 3:2 - BAYỊBURU Izii

² Mkpụkpu ono ta anụjedu iphe lẹ nchị; ọphu ọ dụdu iphe, ookweje lẹ ya mesweru. Mkpụkpu ono ta akpọduru obu yeru Chipfu; ọphu ọo kpokubejedu Chileke iya ntse.

Zefanaya 3:2 ပူးပေါင်းရင်းမြစ်များ

Nehemaya 9:26

Obenu l'ẹphe te ekwedu mee iphe, ị sụru g'ẹphe mee; tẹme ẹphe kwefuru ngu ike; woru ekemu ngu nwucha l'azụ. Ẹphe gbushiru ndu mpfuchiru ngu, bụ ndu lọru phẹ ẹka lẹ nchị g'ee-shi g'ẹphe gha iphu l'ẹka ị nọ. Ẹphe pfubyishia ẹpha ngu njọ epfubyishi.

Ebvu-ọma 10:4

Ndu ẹjo-iphe egudeje eku onwophẹ jịka achọ Chileke; ọphu ẹphe arivujedu Chileke ililekpọo.

Ebvu-ọma 50:17

L'ẹka ị jịkaru sụ gẹ mu ta alọshi ngu ẹka lẹ nchị; woru opfu mu l'ophu nwuru ye l'azụ.

Ebvu-ọma 73:28

Obenu lẹ mbẹdua bẹ ẹhu anọduje atsọ ụtso lẹ mu nọ-kube Chileke; mbụ lẹ mbẹdua wowaru Nnajịuphu, bụ Chipfu; mee ẹka mu a-nọduje ezeru ndzụ. Ọo ya bụ lẹ mu e-gude ọnu mu kọkota iphe, dụ ree, iime l'ẹhu mu.

Ebvu-ọma 78:22

Kẹle ẹphe te ekwetadụru lẹ Chileke dụru iphe, ọ bụ; tẹme ọphu ẹphe ekwetakwarụpho l'ọo-dụ ike dzọo phẹ.

Ẹkwo Ẹtu 1:7

Ọ kwa atsụ Chipfu ebvu bụ egbube ishi mmamiphe. Obenu lẹ ndu eswe bẹ ta adụdu iphe, ẹphe agụbeje mmamiphe yẹe ahụ̀hù.

Ẹkwo Ẹtu 5:12

Noo teke ịi-sụ: “?Dẹnuanu g'o gude e shi alọ mu ẹka lẹ nchị; ọphu mu agụbejedu iya iphe; mbụ e shi abajẹru mu mba; ọphu o rwujedu mu l'ẹhu?

Azáya 1:5

?Dẹnu g'o gude e je a-nụ unu aphụ ọzo? ?Bụ gụnu meru g'o gude unu kwẹe ẹka l'ekwefuru Chileke ike? Ishi bụkotawa unu ọ́nyá ọ́nyá; tẹme meji nọdu ebuhuwaa unu ebuhu.

Azáya 29:13

Sụ-a; wakwa iphe, Nnajịuphu epfu baa: “Ndu-a bụepho epfupfu bẹ ẹphe epfujeru mu l'ẹphe nọ mu ntse. Ọ bụru eli ọnu bẹ ẹphe gude akwabẹ mu ùbvù. Obenu l'obu phẹ nọgbaa mu ụzenya. Ebvu, ẹphe atsụ mu bụ iphe, ẹphe gude eme iya bụ ekemu, nemadzụ tụru.

Azáya 31:1

Nshịo unubẹ ndu ono, agba ala alị ndu Ijiputu eje achọ n-yemẹka; ndu daphuberu ịnya; bya akpọru obu yeru ikpoto ụgbo-ịnya, ẹphe nweru; yẹe oke ọkpehu dụ ndu ojọgu phẹ, bụ ndu egudeje ịnya eje ọgu; ọphu ẹphe adabẹduru ẹnya l'ẹka Onye nsọ kẹ ndu Ízurẹlu nọ; mbụ ọphu ẹphe agbapfuduru Chipfu g'o yeru phẹ ẹka.

Azáya 43:22

Obenu lẹ gụbe Jiékọpu te ekwedu raku mu. Mbụ-a; gụbe Ízurẹlu sụ l'ike mu bvụwaru ngu.

Azáya 9:12

Ndu Arámu shiakwa l'ụzo ẹnyanwu-awawa. Ndu Filisitayinu shi l'ụzo ẹnyanwu-arịba saa ọnu gabala bya eworu ndu Ízurẹlu lwụa. Ọle iphemiphe ono mechaarụ; ẹhu nọdu eghuẹle-a Chileke eghu. Ọ paliẹle-a ẹka g'ọ paliru iya.

Jieremaya 13:25

Noo oke iya nkengu bụ ono; mbụ okiphe, mu tụ-buhawaru doberu ngu. Ọ bụru iphe, kparụ iya nụ bụ l'unu zọharu mu je akpọru obu yeru agwa, ata abụdu ire-lanụ.

Jieremaya 2:30

Iphe, mu chiru ndibe unu bụkwa iphe-mmanụ; g'ọ tọ bụdu l'ẹphe eye ọnu k'emezi iphe, ẹphe mesweru-a. Ogu-echi ngu sụwaru ndu mpfuchiru unu pyaapyaa g'oduma, alajashị iphe o guderu alajashị.

Jieremaya 22:21

Mu kakwaru ngu teke ono, i shi dobesụ l'ọ tọ dụdu iphe, byaru eme ngu nụ ono. Ị sụle-a l'i tii yedu ọnu. Ọ kpọkwa g'i shi teke ị bụ okorọbya meta bụ ono. I tiki meswekwaa iphe, mu sụru g'i mee.

Jieremaya 32:33

Ẹphe gharu mu okpurukpu haa agharu mu iphu. A makwarụ-a lẹ mu ziru phẹ iphe nzitọ; ọle ẹphe te eyeduru ọnu ọphu ahụ̀hù, mu ahụ̀ phẹ erwudu phẹ l'ẹhu.

Jieremaya 35:13

Wakwa iphe, opfu; mbụ Chipfu, bụ Ọkalibe-Kakọta-Ike; mbụ Chileke kẹ ndu Ízurẹlu: “Je je akaru ndu Jiuda; yẹe ndu Jierúsalẹmu sụ phẹ-a: ?Unu tee gudedu ndu-a nwụta iphe wata eme iphe, mu sụru g'unu meje? Ọ kwa Chipfu epfu.

Jieremaya 35:17

“Ọo ya bụ lẹ-a; wakwa iphe, oopfu; mbụ Chipfu, bụ Ọkalibe-Kakọta-Ike, bụ Chileke kẹ ndu Ízurẹlu: Unu ngabẹkwa nchị! Iphe, bụkpoo ẹjo iphe-ẹhuka ono, mu sụru lẹ mu e-wotaru unubẹ ndu Jiuda ono bẹ mu e-wotakwaru unu; wotaru iya iphe, bụkpoo onyemonye, bu lẹ Jierúsalẹmu. Mu pfuru phẹ opfu; ọphu ẹphe angaduru nchị. Mu kua phẹ oku; ọphu ẹphe azaduru ẹnu.”

Jieremaya 5:3

Gụbe Chipfu; ?tọ bụdu iphe, bụ ire-lanụ bẹ ịinoduje ele ẹnya iya? I chiru phẹ iphe; ọphu o medụru phẹ ẹhuka. I bya egwee phẹ arakabya; ọphu ẹphe ekwekwaphọ emezita iphe, ẹphe mesweru. Ẹphe mechaa iphu phẹ; o shihugbaa dụngudungu gẹ mkpuma; bya ajịka l'izimanụ taa lwadụ phẹ azụ.

Ezekẹlu 22:24

“Nwa ndiphe; sụ alị ono-a: Ị bụ alị, e teke atụrwudu ẹjo-iphe, nọ iya nụ; ọphu mini edzeduru kpua ya lẹ mbọku oke-ẹhu-eghu mu ono.

Ezekẹlu 24:13

Iphe, bụ inyi ono, dụ ngu l'ẹhu ono bẹ bụ ụrwuali. Eshi ọphu mu mekọtaru gẹ mu e-me hufu ngu inyi ono; ọphu o kwedu gẹ mu hufu ngu iya; bẹ a ta abyadụ ehufubaa ngu iya jasụ teke mu e-gude oke ẹhu-eghu mu mee ngu g'ọ dụ mu.

Zefanaya 1:6

waa ndu ono, alawaa azụ azụ l'etso Chipfu ono; waa ndu ono ta achọedu Chipfu; ọphu ẹphe ejejeẹdu iya akpata ishi.

2 Timoti 3:16

Iphe, bụ iphe, e deru l'ẹkwo-opfu Chileke bẹ shikọtakwa l'ẹka Unme Chileke. Ọ dụ ree l'egudeje zia ọkpobe-opfu ono; mẹ g'e gudeje iya goshije nemadzụ ẹka o meru ẹji; waa g'e gudeje iya agbazi egomunggo; waa g'e gude iya mefụtaje nemadzụ g'onye ọbu bụru onye pfụberekoto l'iphu Chileke.

Hiburu 10:22

bụnu iya bụ g'anyi gude obu anyi g'ọ ha; mbụ obu, kwetashikpọoru ike lẹ Chileke a-nata anyi gude kpịritaru iya ntse. Lẹ Jizọsu gudeakwa mee ya phedzuru obu anyi; k'ọphu bụ l'ọ tọ dụedu g'ọ ka mma l'ọo nwantekuru iphe-ẹji, anmakwadu anyi ikpe l'obu. Anyi dụakwapho gẹ ndu e gudewaa mini, doru edodo saa.