Zefanaya 3:13 - BAYỊBURU Izii

¹³ Nwa ndu ono, phọduru lẹ Ízurẹlu ono tee mebaẹkwa iphe, apfụduru-ọto; ọphu ẹphe abyadụ adzụ ụka; ọphu ọ dụdu onye anụma phẹ opfu ẹregede l'ọnu. Mbụ l'ẹphe e-rije nri zẹe pyakọo; ọphu ọ dụdu onye byaru eye phẹ ebvu.”

Zefanaya 3:13 ပူးပေါင်းရင်းမြစ်များ

2 Iphe, ndu eze meru 20:30

Ọo ya bụ; alị-eze Jiehoshafatu dakọta jii; kẹle Chileke iya bẹ meru g'ọ tụta unme ibekẹboebo.

Jiobu 11:19

L'ị zẹe azẹe; ọ tọ dụdu onye byaru eye ngu ebvu. L'a dụ igwerigwe byaahaa g'i yeru phẹ ẹka.

Ebvu-ọma 119:3

Ndu adụkpodaa iphe, apfụduru-ọto, ẹphe emeje; bụepho ụzo, ọ tọru bẹ ẹphe eshije.

Ebvu-ọma 120:2

Dzọtanu mu jiko Chipfu l'ẹka ndu ntuphu-ire; mẹ l'ẹka ndu ẹregede.

Ebvu-ọma 120:3

Unubẹ ndu ẹregede; ?bụ gụnu bẹ unu arị l'oo-me unu? Mbụ ?bụkpoo gụnu bẹ unu arị l'ọo iphe, oo-gude byapfuta unu?

Ebvu-ọma 23:2

Oomeje gẹ mu zẹe tụta unme l'ẹka irwu ẹswa dụ. Ọ nọdu eduje mu eje l'agụga mini, dọru nyịmunyimu.

Azáya 17:2

Mkpụkpu lẹ mkpụkpu ono, azagba Arowa e-mechaa bụkotaru ẹka e budu ebubu. Ee-mechaa pakọtaru iya haarụ atụru; waa eghu g'ọ bụru ẹka ẹphe a-dọjeru; ọ tọ dụdu onye eye phẹ ebvu.

Azáya 35:8

L'a bya atọgbo iya eze gbororo; l'e kua ya ụzo, dụ nsọ. Ndu aasọ nsọ te eshidu iya. Ndu a-nọdu eshi iya nụ kpoloko abụerupho ndu ọ dụru; ọphu ndu eme eswe aghaphedu l'ime iya.

Azáya 54:14

Ee-me g'ị ngụru angụru l'ụzo, pfụru ọto. Ọ tọ dụdu onye byaru eme ngu mmegbu; ọphu ọ dụdu iphe, byaru eme ngu g'ị tsụa ebvu. Ndzụ-agụgu bẹ ee-wofu l'ẹka ị nọ je edobe ụzenya; ọphu ọobyadu ngu ntse ililekpọo.

Azáya 6:13

Sụ l'a makwarụ-a l'oke-lanụ-l'ụzo-iri a-phọdu lẹ ndu alị ono. Ọle ọ kwaphọ e -mechaa; ẹphe abụru mkpurupyata. Ọle ọ bụ; ọo g'eegbutsuje oshi achị; ọzoo oshi akpụrata; upfu iya akwaa l'alị-a; bụ g'oo-mecha nweru nwa ndu a-phọdu nụ l'ime oshilọkpa Ízurẹlu, bụ ndu a-dụru mụbe Chipfu nsọ.”

Azáya 60:21

Noo teke ndibe ngu l'ophu a-bụkotaru ndu pfụberekoto. Ẹphe enweru alị ono jasụ l'ojejoje. Mbụ-a; ọ kwa ẹphebedua bụ irwu oshi ono, mu dzabẹru ono; mbụ ozi, mu gude ẹka mu jee; g'e gude hụma gẹ mu dụ-be akpabiri.

Azáya 63:8

Ọ sụru: “Eviya eviya; ndu-a bụ ndibe mu; ụnwu mu, ata abyadụ adzụru mu ụka.” Ọ bụru iphe ono meru g'o gude a dzọta phẹ.

Azáya 65:10

Nsụda Sharọnu a-bụru ẹka aa-nọdu eche iphe-edobe. Tẹme nsụda Akọru abụru ọdu-eswi dụru ndibe mu, bụ ndu achọ mu nụ.

Jieremaya 23:4

Mu e-ye ndu nche atụru, a-nọdu eleta phẹ ẹnya. Teke ono bẹ ndzụ taa gụedu phẹ; ọphu ọ dụedu iphe, eyekwadu phẹ ebvu; ọphu ọ dụedu ọphu aachọkwadu achọcho.” Nokwa iphe, Chipfu eepfu.

Jieremaya 30:10

“Gẹ ndzụ ba agụkwa ngu; gụbe Jiékọpu, bụ onye-ozi mu! Nokwa iphe, Chipfu eepfu. G'e be yekwa ngu ebvu; gụbe Ízurẹlu; kẹle-a; lekwa lẹ-a; mu e-shikwa l'ẹka dụ ẹnya dzọta ngu. Mu adzọta ụnwu ngu l'alị ẹka a kpụru phẹ lẹ ndzụ laa. Noo teke Jiékọpu a-lwa azụ bya anọdu l'ẹhu-guu. Tẹme ọ tọ dụedu iphe, byaru emebaa ya nụ; ọphu ọ dụdu onye byaru emebaa ya g'ọ bụru onye ndzụ agụ.

Jieremaya 31:33

Wakwa iphe, Chipfu epfu baa: Wakwa ụdu ọgbandzu ọphu mu l'ọnu-ụlo Ízurẹlu a-gba: mẹ e -mechaẹpho teke ono. Ekemu mu bẹ mu e-woru ye phẹ l'egomunggo. Ọ bụru l'ime ọkpoma phẹ bẹ mu e-de iya edede. Mu a-bụru Chileke phẹ; ẹphebedua abụru ndibe mu.

Ezekẹlu 39:26

Ẹphe a-zọhakota iphe-iphere ono, e meru phẹ ono; mẹ ghẹlegheleghele ono, ẹphe dụ teke ono ẹphe bu tụsaru ẹhu l'alị phẹ ono; ọphu ọ dụdu onye byaru eyee phẹ ebvu ono.

Jiowẹlu 3:17

Noo teke unu a-maru l'ọo mbẹdua bụ Chipfu bya abụru Chileke unu; lẹ mu bu ebubu l'úbvú Zayọnu; mbụ úbvú ono, dụru mu nsọ ono. Noo teke Jierúsalẹmu a-dụ nsọ; ọphu ndu ọhozo agbabaẹdu iya ophorokpo.

Jiowẹlu 3:21

Noo teke mu a-gụru phẹ nvụ l'ikpe-ọchi ọphu mu te eshidu gụhawaru phẹ nvụ iya.” “Chipfu bu l'úbvú Zayọnu!”

Ndu Uke 26:6

“Mu e-me g'unu buru l'ẹhu-guu l'alị ono; k'ọphu bụ l'unu a-zẹ pyakọo; ọ tọ dụdu onye eye unu ebvu. Mu emee g'ẹjo anụ-ẹgbudu chịhu l'alị ono; ọphu a byadu alwụ ọgu l'alị unu ono.

Mayịka 4:4

Onyemonye a-nọduje lẹ mkpula vayịnu nkiya; mẹkwapho lẹ mkpula oshi figu nkiya; ọphu ọ dụdu onye byaru eye phẹ ebvu; kẹle ọ kwa Chipfu, bụ Ọkalibe-Kakọta-Ike eepfu iya.

Mayịka 4:7

Ndu ẹniyeni bẹ mu e-me g'ẹphe bụru ndu warụ nụ. Mu emee ndu a chịfuru l'alị phẹ g'ẹphe bụru ọha, ike dụ. Ọ bụru Chipfu a-bụru eze phẹ l'eli úbvú Zayọnu e -shi mbọku ono jasụ l'ojejoje.

Mayịka 7:14

Gudenụ oshi-ẹree ngu chee ndibe ngu g'onye eche atụru; mbụ ndu ono, bụ okiphe ngu ono, bụ ndu ọphu bu nwẹkinyi phẹ l'ime ọswa; l'alị, zeru ẹswa nri eghu yẹe atụru ono. G'ẹphe nọdunu l'alị Beshanu yẹle alị Giladu je ataa nri g'o shi dụhawaa teke ndiche ono.

Zefanaya 2:7

Ndu e-mechaa nweru iya nụ a-bụru nwa ndu a-wafụ nụ lẹ ndu ọnu-ụlo Jiuda; ọ bụru ẹka ono bẹ ẹphe e-cheje iphe-edobe phẹ. Ọ bụru l'ụlo ndu Ashikelọnu bẹ ẹphe a-kwajẹ mẹ o -be l'ẹnyashi. Ọ bụru Chipfu, bụ Chileke phẹ a-nọdu eche phẹ nche; kẹle oo-dophu phẹ azụ l'ọnodu phẹ.

Zefanaya 3:5

Chipfu, bụ onye pfụberekoto nọkwanu l'echilabọ phẹ. Ọphu ọ dụdu iphe, apfụduru-ọto, oomeje. Mbọku-mbọku bẹ oomeje g'a maru lẹ ya ekpeje ikpe, pfụru ọto; ọphu ọ dụdu mbọku, nwụtaru anwụta, o too mejedu iya; ọphu iphere adụjekwapho ndu apfụbeduru ẹka ọto.

Zekaraya 8:12

“Mebyi-iphe, a kụru l'alị a-nọdu eme ree; vayịnu amị mebyi iya ree; alị amịa mebyi iphe, e meberu iya; igwe akwa iji iya. Iphemiphe ono bẹ mu a-nụ g'ọ bụru okiphe, nwa ndu ono phọduru nụ ono e-keta.

Zekaraya 8:16

Wakwa iphe, unu a-nọdu eme baa; unu pfujeru nwibe unu ire-lanụ; unu ekpeje ikpe, bụ ire-lanụ bya abụru ikpe, e-me gẹ nchị dụ doo l'ime ụlo-ikpe unu.

Zekaraya 8:3

Wakwa iphe, Chipfu epfu baa: “Mu a-lwaphutakwa azụ lẹ Zayọnu je eburu eburu lẹ Jierúsalẹmu. Noo teke aa-wata eku Jierúsalẹmu ‘mkpụkpu ire-lanụ’; l'awata eku úbvú kẹ Chipfu, ‘úbvú, dụ nsọ’ mbụ úbvú kẹ Chipfu ono, bụ Ọkalibe-Kakọta-Ike ono.”

Matiyu 13:41

Abụbu-Ndiphe e-zi ụnwu-ojozi-imigwe iya g'ẹphe chịshikotakpo iphe, bụ ndu ono, kpatarụ nwibe phẹ eme iphe-ẹji ono mẹ iphe, bụ ndu emeje ẹjo-iphe ọzo g'ẹphe hakọta;

Jiọnu 1:47

Jizọsu hụmaepho gẹ Natanẹlu eje abyapfuta iya; ọ sụ: “Onye ọwa-a bụ ọkpobe onye Ízurẹlu, adụdu iphe, aata iya ụta iya.”

Kọlosi 3:9

Unu ta adzụjekwaru nwibe unu ụka; eshinu unu hakọtawaru akahụ umere ono yẹe ẹjo ememe, tso iya nụ.

1 Pyịta 3:14

Ọ -bụkpooru nụ l'unu a-nọdu eje iphe-ẹhuka; opfu l'unu eme iphe, pfụru-ọto; g'ẹhu tsọjekwa unu. Gẹ ndzụ ta agụjekwa unu m'ẹphe -nọdu eye unu ebvu; ọphu ọ dụkwa iphe, unu ejejekpọo ayọ ọshi iya.

1 Jiọnu 5:18

Anyi maru l'onyemonye, Chileke nwụru te emejedu iphe-ẹji. Kẹle Nwa ono Chileke nwụru ono anọduje eleta onye ọbu ẹnya ọkpobe eleta; k'ọphu Onye-Njọ ono, bụ Obutuswe tee byidu iya ẹka.

Ọphulenya 14:5

Ẹphe bụ ndu teke adụ-swee onye a-sụ l'ẹphe dzụjeru ụka. Ọphu ọ dụdu iphe ụta, dụ phẹ l'ẹhu.

Ọphulenya 21:27

Ọle ọ tọ dụkwanu iphe, aasọ nsọ, byaru abahụ lẹ mkpụkpu ono. Onye eme ẹjo ememe m'onye adzụ ụka bẹ e te ekwekwa g'ọ bahụ iya. Ndu a-bahụ iya nụ kpoloko bụepho ndu e deru ẹpha phẹ l'ẹkwo Nwatụru ono, bụkwanu ẹka e deshiru ẹpha ndu a-nọ ndzụ ojejoje.

Ọphulenya 21:8

Obenu kẹ ndu ono, atsụ ebvu ẹnya ono; mẹ ndu ono, ekwedu nụ ono; mẹ ndu ono eme ẹjo ahụma ono; mẹ ndu egbu nemadzụ; mẹ ndu eme kẹ nwanyị; mẹ ndu mgbashị; mẹ ndu anọduje agwa iphe; mẹ ndu adzụje ụka g'ẹphe ha; ndu ono bẹ iphe nọ swiru phẹ nụ bụ eze iduma ono, ọku mẹ nshị-egbe enwu taphutaphu ono, bụ iya bụ ọnwu nnwụ labọ.