Zefanaya 3:12 - BAYỊBURU Izii

¹² Ọ bụchia lẹ mu a-harụ unu ndu dụ àgù bya ewoze onwophẹ alị; mbụ ndu kpọru obu yeru ẹpha Chipfu.

Zefanaya 3:12 ပူးပေါင်းရင်းမြစ်များ

Ẹzura 9:8

Ọle kẹ nwanta bẹ gụbe Chipfu, bụ Chileke mewaru anyi iphe-ọma; kẹle i meru anyi nweru nwa ndu ọphu, phọduru nụ; bya emee g'anyi ngụru angụru l'ẹka-a, dụru ngu nsọ-a; k'ọphu bụ lẹ gụbe Chileke anyi e-me g'ẹnya sahụ anyi; bya emekwaphọ g'anyi shi l'abụ ohu, anyi bụ-a jakerehu.

Ebvu-ọma 37:40

Mbụ lẹ Chipfu eyejeru phẹ ẹka nafụta phẹ. Ọonafutaje phẹ l'ẹka ndu ẹjo-iphe; shi nno dzọo phẹ; kẹle ẹphe gbabarụ l'ime iya je ezeru ndzụ.

Azáya 14:30

Noo teke onye kachaa akpa nri l'ime ndu akpa nri a-hụma nri riaha. Ndu adụdu g'ọ dụ phẹ azẹ pyakọo; ọ tọ dụdu iphe, byaru eme phẹ nụ. Obenu l'ọgbarabvu nkengu bẹ mu e-gude ọkpa-nri mebyishia. L'o woru nwa ndibe ngu; nwa ndu ọphu phọduru nụ phụshikota tẹerii.

Azáya 14:32

?Bụ ọnu gụnu bẹ ee-yeru ndu-ozi, shi l'ọha onoya? “Ọnu, ee-ye bụ lẹ Chipfu meakwaru Zayọnu; ọ ngụru angụru. Ọ bụru l'ime iya bẹ ndibe iya, aakpa ẹhu a-gbaba je ezee ndzụ.”

Azáya 29:19

Ndu wozeru onwophẹ alị bẹ a-nọdu l'ẹka Chipfu ẹhu atsọ phẹ ụtso. Mbụ lẹ ndu adụdu g'ọ dụ phẹ a-nọdu l'ime Onye Nsọ kẹ ndu Ízurẹlu ete ẹswa.

Azáya 50:10

?Bụ onye l'echilabọ unu atsụ Chipfu ebvu; tẹme ọ nọdu emeje iphe, onye-ozi Chipfu sụru g'e meje? Mbụ-a; g'onye eje ije l'ọchii; mbụ onye enwedu ìphóró, e gude aphụ ụzo; g'onye ono kpọru obu ye l'ẹpha Chipfu! G'onye ono chịru ụpfu kwẹe lẹ Chileke iya!

Azáya 6:13

Sụ l'a makwarụ-a l'oke-lanụ-l'ụzo-iri a-phọdu lẹ ndu alị ono. Ọle ọ kwaphọ e -mechaa; ẹphe abụru mkpurupyata. Ọle ọ bụ; ọo g'eegbutsuje oshi achị; ọzoo oshi akpụrata; upfu iya akwaa l'alị-a; bụ g'oo-mecha nweru nwa ndu a-phọdu nụ l'ime oshilọkpa Ízurẹlu, bụ ndu a-dụru mụbe Chipfu nsọ.”

Jieremaya 17:7

Obenu l'onye dakoberu Chipfu bụ onye a gọru ọnu-ọma nụ; onye bụ iya bẹ ọ kpọru obu yeru.

Jieremaya 50:20

Wakwa iphe, Chipfu epfu baa: O -rwua mbọku ono; lẹ teke ono gẹdegede bẹ aa-vọkpoo g'a maru ẹka ikpe nmarụ Ízurẹlu; ọle ọ tọ dụdu ọphu aa-chọ-vu. L'avọo iphe-ẹji Jiuda nta vọo imo; ọ tọ dụdu iphe, aa-vọta. Noo kẹle nwa ndu ono, mu meru g'ẹphe phọdu ono bẹ mu a-gụru nvụ.”

Ezekẹlu 6:8

“Ọle o nweru-a ndu ọphu mu e-dobe ndzụ. Mbụ-a ọ dụru-a ndu ọphu mu e-me g'ẹphe nahụ ogu-echi ono; ẹphebedua bẹ aa-chịkashi je edokashịa; ẹphe edzuru alị nọnu; mẹ l'ọhamoha, dụ iche iche.

Mayịka 5:6

Ẹphe e-gude ogu-echi lwụa alị ndu Asiriya ono; mbụ l'ẹphe a-mị-lita ogu-echi phẹ gude lwụa alị Nimurọdu. Ọ bụru iya a-nafụta anyi l'ẹka ndu Asiriya; m'ẹphe -byaẹpho bya awụba l'alị anyi wata azọ garamugaramu awụ ala l'oke alị anyi ono.

Nahumu 1:7

Chipfu dụkwa ree; oo-gbobutajẹ nemadzụ mẹ ọ -nọdu eje iphe-ẹhuka. Ndu gbabarụ lẹ mkpula iya je ezee ndzụ bẹ ọonoduje eleta ẹnya.

Zekaraya 11:11

Ọ bụru l'eswe mbọku ono bẹ e mebyiru iya. Ndu ono, azụje atụru ono bya ere iya erere, bụ ndu ọphu elekpọe mu phọ ẹnya teke ono maẹrupho l'ọo Chipfu gude iphe ono, mu meru ono epfu opfu.

Zekaraya 11:7

No iya; ndu ono, azụje atụru ono bya ere iya erere ono bya ebuta mu; mu byanụ awata eche atụru ono, e doberu k'egbugbu ono. Mu chịta oshi-mpalẹka labọ chịru. Mu gụbe nanụ “n-yemobu”; bya agụa ọphuu “atụgba nanụ”. No iya mu cheahaa ikpoto atụru ọbu.

Matiyu 11:5

Ndu atsụ ishi bẹ e meru ẹphe nọdu aphụwaa ụzo; ndu ẹniyeni nọdu ejewaa ije; e mee ndu ekpenta; ẹphe wekọrohuchaa; ndu ada nkụchi nọdu anụwaa iphe lẹ nchị. Ndu nwụhuru anwụhu bẹ e mewaru ẹphe teta; a saarụ ndu ụkpa ozi-ọma ono asasa; ẹphe nụma.

Matiyu 12:21

Ọ bụru iya bụ onye ọhamoha a-nọdu ele ẹnya l'ẹka.”

Matiyu 5:3

“Ẹhu-ụtso bẹ a gọru nụ ndu wozetaru onwophẹ alị l'iphu Chileke; kẹle ẹka Chileke bụ eze bụ nkephẹ!

Romu 15:12

Tẹme Azáya byakwaphọ bya epfua sụ: “Oshilọkpa Jiesi l'a-bya! Ọo ya e-tsefuta bya abụru eze k'iphe, bụ ndu bụ ndu abụdu ndu Jiu. Ọ bụru iya bụ onye ẹphe a-nọdu ele ẹnya iya.”

Jiemusu 2:5

Unu ngabẹkpodapho nchị; ụnwunna mu, mu yeru obu. ?Tọ bụdu ndu ụkpa lẹ mgboko-a bẹ Chileke họtaru g'ẹphe bụru ndu shi l'ekweta, ẹphe kwetarụ nweru iphe l'iphu Chileke; bụkwarupho ndu e-nweru ẹka ọ bụ eze, bụ iphe, ọ sụru lẹ ya a-nụ ndu yeru iya obu-a.

1 Pyịta 1:21

Ọo Kéreshi ono bẹ unu nọ l'ẹka iya kweta kẹ Chileke; ọ bụru Chileke ono meru iya o shi l'ọnwu teta dzụru ndzụ; bya abụkwaru iya phọ kwabẹru iya ùbvù ọphu shi l'imigwe. Ọo ya bụ; l'unu nọwa Chileke l'ẹka elekwaphọ ẹnya l'ọo ya l'a-dzọ unu.