Zefanaya 2:9 - BAYỊBURU Izii

⁹ Ọo ya bụ lẹ-a; wakwa iphe, mu epfu; mbụ Chipfu, bụ Ọkalibe-Kakọta-Ike bya abụru Chileke kẹ ndu Ízurẹlu: Eshinu mu nọ ndzụ gẹ mu nọ iya-a; bẹ ndu Mówabu e-mechaa dụepho gẹ ndu Sọdomu; ndu Amọnu adụ gẹ ndu Gọmóra; mbụ l'ẹphe a-bụru ẹgbudu yẹe nsụkutu únú; mbụ l'ọo-bụru ochobu jasụ l'ojejoje. Nwandibe mu ọphu phọduru nụ l'a-kwa iphe phẹ l'ọkwata; mbụ l'ọo ndu ọha mu nwa ndu ọphu wafụru nụ bẹ alị phẹ a-bụru okiphe phẹ.”

Zefanaya 2:9 ပူးပေါင်းရင်းမြစ်များ

Azáya 11:14

Ẹphe e-zi phaa je ndu Filisitayinu bu l'ụzo ẹnyanwu-arịba swọkoswoko. Ẹphe abyakwaphọ erwukọbe onwophẹ je akwagwoo ndu bu l'ụzo ẹnyanwu-awawa. Ẹphe a-zụ ndu Edọmu yẹe ndu Mówabu gburumu. Ẹphe emee ndu Amọnu ẹphe anọdu phẹ l'ẹka.

Azáya 25:10

Kẹle ẹka Chipfu a-dụkwa l'eli úbvú-a. Mbụ lẹ ndu Mówabu bẹ aa-zọ tọlitoli l'ibe phẹ ẹgube ono, aazọje ẹswa ekperema pyakapyaka l'ikpọzu ono.

Azáya 49:18

Palinaa ẹnya ngu imeli lephee mgburugburu! Ụnwu ngu g'ẹphe ha anọkoakwa alwapfuta ngu. Wakwa iphe, mụbe Chipfu epfu baa: Eshinu mu nọ ndzụ gẹ mu nọ iya-a bẹ ii-mechaa yee phẹ g'ẹphe hakọta g'onye yeru uwe. Mbụ l'ii-gude phẹ kwaa ngwa gẹ ngwa nwanyị, aabya alụ k'ọ̀phúú.

Jieremaya 46:18

Wakwa iphe, Eze ono epfu baa; mbụ onye ẹpha iya bụ Chipfu, bụ Ọkalibe-Kakọta-Ike: Eshinu mu nọ ndzụ gẹ mu nọ iya-a bẹ o nweru onye a-bya nụ. Onye ono a-dụ g'úbvú Tabọ l'ẹka úbvú dọru. Mbụ l'ọo-dụ g'úbvú Kamẹlu, nọ l'agụga eze-ẹnyimu.

Jieremaya 48:1

A -bya l'opfu ẹhu ndu Mówabu; wakwa iphe, oopfu; mbụ Chipfu, bụ Ọkalibe-Kakọta-Ike; mbụ Chileke ndu Ízurẹlu: “Nshịo Nebo; kẹle e meru iya; ọ bụru ochobu. Ndu Kiriyatayimu bẹ e meru iphe-iphere; bya akpụa phẹ lẹ ndzụ. Ụlo phẹ, bụ ẹka a kpụshiru ike bẹ e meru iphe-iphere tụkaa ya nanụnanu.

Jieremaya 49:1

A bya l'opfu ẹhu ndu Amọnu; wakwa iphe, oopfu; mbụ Chipfu: ?Bụ lẹ Ízurẹlu te enwedu ụnwegirima unwoke tọo? ?To nwedu onye e-ri iphe iya tọo? ?Dẹnu g'o gude Molẹku gbẹ nata alị ndu Gadu; ọ bụru okiphe iya? ?Dẹnu g'o gude ndibe iya bụru lẹ mkpụkpu iya bẹ ẹphe bugbaa?

Jieremaya 49:18

Ọo ẹgube ono, e mebyishiru mkpụkpu Sọdomu yẹe Gọmóra ono; bya emebyishia mkpụkpu lẹ mkpụkpu, nọgbaa phẹ lẹ mgboru ono; nokwa g'ọ tọ dụdu onye e-bu l'alị ndu Ẹdomu; ọphu ọ dụdu onye e-me iya unuphu. Nokwa iphe, Chipfu eepfu bụ ono.

Jieremaya 49:33

Mkpụkpu Hazọ l'e-mechaa bụru ẹka nkụta-ọswa a-dọjeru; kẹle ọo-bụru ochobu jasụ l'ojejoje. Ọ tọ dụdu onye byaru eburu l'ẹka ono. Mbụ l'ọ tọ dụdu nwoke, byaru akwabaa ya unuphu buru.”

Jieremaya 50:40

Wakwa iphe, Chipfu epfu baa: Ọ kwa ẹgube ono, Chileke mebyishiru Sọdomu yẹe Gọmóra; yẹe mkpụkpu, nọ-pheru iya mgburugburu ono bụ g'ọ tọ dụdu onye byaru eburu l'ime iya; ọphu ọ dụdu nwoke, byaru akwa iya unuphu buru.

Émọsu 1:13

Wakwa iphe, Chipfu epfu baa: “Eshinu ndu Amọnu mewaru iphe-ẹji ẹto bya eye ẹka lẹ k'ẹno bẹ mu tee sephuẹkwaru phẹ oke ẹhu-eghu mu azụ; kẹle ụnwanyi, dụ ime l'alị Giladu bẹ ẹphe wachaaru ibe; opfu l'ẹphe eme g'oke alị phẹ kabaa ọsa.

Émọsu 2:1

Wakwa iphe, Chipfu epfu baa: “Eshinu Mówabu mewaru iphe-ẹji ẹto bya eye ẹka lẹ k'ẹno bẹ mu tee sephuẹkwaru iya oke ẹhu-eghu mu azụ; kẹle o keru ọkpu onye eze ndu Edọmu ọku; jasụ ọ bụru ntụ.

Zefanaya 2:14

Ọ bụru iphe, a-dọjeru iya nụ bụ ikpoto iphe-edobe; mẹkpoo anụ-ẹgbudu ọphu dụ g'ọ dụ; iphe, bụ mgbashị-ujiku a-tụko akpa ẹpfune l'eli itso, nọ iya nụ. Ngao ngao ngao, ẹphe a-nọdu ara bẹ a-nọdu adagbaa lẹ windo lẹ windo; ikpọzu akụru l'ọnu-ụlo l'ọnu-ụlo; noo kẹle e-woru iphe, e gude oshi sida mee lajashịchaa alajashị.

Zefanaya 2:7

Ndu e-mechaa nweru iya nụ a-bụru nwa ndu a-wafụ nụ lẹ ndu ọnu-ụlo Jiuda; ọ bụru ẹka ono bẹ ẹphe e-cheje iphe-edobe phẹ. Ọ bụru l'ụlo ndu Ashikelọnu bẹ ẹphe a-kwajẹ mẹ o -be l'ẹnyashi. Ọ bụru Chipfu, bụ Chileke phẹ a-nọdu eche phẹ nche; kẹle oo-dophu phẹ azụ l'ọnodu phẹ.

Zefanaya 3:13

Nwa ndu ono, phọduru lẹ Ízurẹlu ono tee mebaẹkwa iphe, apfụduru-ọto; ọphu ẹphe abyadụ adzụ ụka; ọphu ọ dụdu onye anụma phẹ opfu ẹregede l'ọnu. Mbụ l'ẹphe e-rije nri zẹe pyakọo; ọphu ọ dụdu onye byaru eye phẹ ebvu.”

Zekaraya 2:13

Nọduekwapho nwa nggujingguji l'iphu Chipfu; unubẹ ụnwu-eliphe l'ophu; kẹle ọ kpatsuwaru onwiya l'ẹka ono, o bu ono, bụ ẹka dụ nsọ ono.”

Ọ́gú 14:21

Ọle; eshinu mu nọ ndzụ gẹ mu nọ iya-a; ọdu-biribiri nkemu sweta mgboko g'o swetaru iya-a;

Romu 14:11

Noo l'e deru l'ẹkwo-opfu Chileke sụ: “ ‘Eshinu mu dzụ ndzụ’; bẹ onyemonye e-mechakwaa gbuaru mu ikpere l'alị. Nokwa iphe, Chipfu eepfu. Onyemonye e-mechaa pfukọta l'ọo mu bụ Chileke.”

Ditoronomi 29:22

“Ụnwu unu, bụ ọgbo ọphu e-tsota k'unu; mẹ ndu bụ nlwamụlwa, shi l'ẹka dụ ẹnya a-hụma ẹjo-iphe, a-nwụ l'alị ono; waa iphe-ememe, Chipfu e-gude kpakaa alị ono.

Ditoronomi 29:23

Alị ono g'ọ ha bẹ iphe, e-jiru iya nụ bụ ọku nshị-egbe; waa únú; yẹe onwu-phuruphuru; k'ọphu bụ l'a taa kọdu iphe l'alị ono; ọphu ọ dụdu iphe, emehu iya nụ; ọphu ẹswa efukpọdaa ya nụ. Mbụ l'ee-me iya iphe, e meru Sọdomu; yẹe Gọmóra; mee ya iphe, e meru Adama; yẹe Zebowimu; bụ ndu Chipfu gude oke ẹhu-eghu iya mebyishia ono.