Zefanaya 2:8 - BAYỊBURU Izii

⁸ “Mu nụmaakwaru ọkonu, ndu Mówabu kọru unu; bya anụmakwapho ìphù, ndu Amọnu phuru unubẹ ndibe mu; l'ẹphe gude oke-oke alị phẹ eye unu ebvu.

Zefanaya 2:8 ပူးပေါင်းရင်းမြစ်များ

Mbụlembu 19:37

Onye k'ọgerenya bya anwụa nwoke; o woru iya gụa Mówabu. Ọ bụru iya bụ nna ndu Mówabu ntanụ-a.

Mbụlembu 19:38

Onye kẹ nwata nwụtakwapho nwoke; o woru iya gụa Benu-Ami; ọo ya bụ nna ndu Amọnu ntanụ-a.

Azáya 15:1

Ọwaa bụ ozi, Chileke ziru zidoru ndu Mówabu. Mkpụkpu Aru, nọ l'alị ndu Mówabu bụakwaa mkpurupyata. Ọ bụru ẹnyashi bẹ e gude mebyishia ya. Mkpụkpu Kiru, nọkwapho l'alị ndu Mówabu bụru mkpurupyata. Ọ bụru ẹnyashi bẹ e gude mebyishia ya.

Azáya 16:6

Anyi nụmawaru gẹ ndu Mówabu ekube onwophẹ; l'ẹphe anyanụka ndu; tẹme ẹphe nọdu etse etsetse. L'ekuku ono, ẹphe eku onwophẹ ono; mẹkpoo sukusuku ono, dụ phẹ l'ẹhu ono bẹ pawaru ẹka. Ọle ẹpha ono, ẹphe etu onwophẹ ono bụkota okorobo iphe.

Jieremaya 12:14

Wakwa iphe, Chipfu epfu baa: “Ọ -bụru kẹ ndu iwe ono, bụ obutobu mu ono g'ẹphe ha; mbụ ndu ono, denyiru ẹka l'okiphe, mu hẹru ndibe mu, bụ ndu Ízurẹlu g'ọ bụru okiphe phẹ ono; lekwa lẹ ndu ono bẹ mu e-phefu ephefu l'alị phẹ. Mu abyakwaphọ ephefu ndu Jiuda g'ẹphe ba nọhe l'echilabọ phẹ.

Jieremaya 48:1

A -bya l'opfu ẹhu ndu Mówabu; wakwa iphe, oopfu; mbụ Chipfu, bụ Ọkalibe-Kakọta-Ike; mbụ Chileke ndu Ízurẹlu: “Nshịo Nebo; kẹle e meru iya; ọ bụru ochobu. Ndu Kiriyatayimu bẹ e meru iphe-iphere; bya akpụa phẹ lẹ ndzụ. Ụlo phẹ, bụ ẹka a kpụshiru ike bẹ e meru iphe-iphere tụkaa ya nanụnanu.

Jieremaya 49:1

A bya l'opfu ẹhu ndu Amọnu; wakwa iphe, oopfu; mbụ Chipfu: ?Bụ lẹ Ízurẹlu te enwedu ụnwegirima unwoke tọo? ?To nwedu onye e-ri iphe iya tọo? ?Dẹnu g'o gude Molẹku gbẹ nata alị ndu Gadu; ọ bụru okiphe iya? ?Dẹnu g'o gude ndibe iya bụru lẹ mkpụkpu iya bẹ ẹphe bugbaa?

Ebvu Aphụ 3:61

Gụbe Chipfu; ị nụmawaru-a g'ẹphe epfubyishi mu; mẹkwapho ẹjo-idzu, ẹphe achịkotaru mu.

Ezekẹlu 21:28

“Ọo ya bụ; nwa ndiphe; pfuaru phẹ iphe e-me nụ; sụ phẹ: Wakwa iphe, Nnajịuphu, bụ Chipfu epfu l'opfu-ẹhu ndu Amọnu; lẹ k'iphe-iphere, ẹphe eme ndu Ízurẹlu baa: “Ọo ogu-echi! Ọo ogu-echi! A mịfutaakwaru ogu-echi, ee-gude ekwoshi nemadzụ ishi. E huchawaru iya ehucha g'e gude iya lwụa nemadzụ alwụlwu; mbụ l'e mewaru iya; g'ọ chaa vaa vaa g'ebemu-igwe.

Ezekẹlu 25:1

Tọbudu iya bụ; Chipfu bya epfuru opfu yeru mu sụ:

Ezekẹlu 35:12

Ọo teke ono bẹ ịi-maru lẹ mụbe Chipfu nụmakotaru ẹjo-epfupfu ono, i pfukọtaru kpua úbvú úbvú Ízurẹlu ono. Ị sụru: “E mewaru; ẹphe dabyiru bụru ochobu; e wowaru phẹ nụ anyi g'anyi vụkaa avụka.”

Ezekẹlu 36:2

Wakwa iphe, Nnajịuphu, bụ Chipfu epfu baa: Ọo kẹle ndu ọhogu ngu sụru Hẹe! Nta-a bẹ iphe, bụ úbvú úbvú ono, shi lẹ ndiche ono bụkotaakwa nkanyi.’

Émọsu 1:13

Wakwa iphe, Chipfu epfu baa: “Eshinu ndu Amọnu mewaru iphe-ẹji ẹto bya eye ẹka lẹ k'ẹno bẹ mu tee sephuẹkwaru phẹ oke ẹhu-eghu mu azụ; kẹle ụnwanyi, dụ ime l'alị Giladu bẹ ẹphe wachaaru ibe; opfu l'ẹphe eme g'oke alị phẹ kabaa ọsa.

Émọsu 2:1

Wakwa iphe, Chipfu epfu baa: “Eshinu Mówabu mewaru iphe-ẹji ẹto bya eye ẹka lẹ k'ẹno bẹ mu tee sephuẹkwaru iya oke ẹhu-eghu mu azụ; kẹle o keru ọkpu onye eze ndu Edọmu ọku; jasụ ọ bụru ntụ.

Zefanaya 2:10

Ọo iphe ono a-bụru urwu, ẹphe e-rita l'ekuku, ẹphe eku onwophẹ; kẹle ọo ndibe Chipfu, bụ Ọkalibe-Kakọta-Ike bẹ ẹphe kọru ọnu bya eyee ébvù.

Jioshuwa 5:9

No iya; Chipfu sụ Jioshuwa: “Ntanụ-a bẹ mu swafụwaru unu iphere ono, shi unu lẹ teke unu gbẹshiru l'alị Ijiputu ono!” Ọo ya bụ; e woru ẹka ono gụa Gilugalu, bụ iya bụ “eswifu.”