Zefanaya 2:3 - BAYỊBURU Izii

³ Unu chọo Chipfu; iphe, bụ unubẹ ndu wozeru onwunu alị l'alị-a; mbụ unubẹ ndu emeje iphe, ọ tụru ekemu sụ g'e meje; unu chọkwaa apfụbekoto; unu ewoze onwunu alị; ?a maru; Chipfu e-domi unu; m'o -rwua mbọku ono, ẹhu e-ghu iya eghu ono.

Zefanaya 2:3 ပူးပေါင်းရင်းမြစ်များ

2 Sámẹlu 12:22

Dévidi sụ phẹ: “Mu shi akwa ẹkwa; aswị ẹgu teke nwata ono shi nọdukwadu ndzụ; kẹle mu rịru sụ: ‘?Bụ onye maru mẹ Chipfu e-meru mu eze-iphe-ọma dobe nwata ono ndzụ?’

Ebvu-ọma 105:4

Unu wojeru ẹnya dabẹ lẹ Chipfu mẹ l'ọkpehu iya! Mbụa unu chọje iphu iya mkpụrumkpuru!

Ebvu-ọma 149:4

noo kẹle Chipfu bẹ ndibe iya dụ l'obu. Ndu wozeru onwophẹ alị bẹ ookpubeje ndzọta g'okpu-eze.

Ebvu-ọma 22:26

Ndu ụkpa bẹ ẹpho e-ji. Ndu achọ Chipfu ajaa ya ajaja. “Gẹ ndzụ unu bụru ojejoje.”

Ebvu-ọma 31:20

Iiwojeru phẹ domia lẹ mgboru ẹka ị nọ; g'ẹjo idzu, ụnwu-eliphe chịru ta vụ l'ẹhu phẹ. Ọ bụru l'ibe ngu bẹ iidobeje phẹ; gẹ njọ opfu te erwu phẹ l'ẹhu.

Ebvu-ọma 45:4

Dụnu akpabiri akpabiri nyikoru l'ụgbo-ịnya ngu gbaru kwaakwaakwaa je alwụa lwụ-kpee! See iswi ire-lanụ; yẹe ewoze onwonye alị; yẹe apfụbekoto. G'ẹka-ụtara ngu mekwaa iphe, dụ ebvu.

Ebvu-ọma 57:1

Gụbe Chileke; meeru mu eze-iphe-ọma! Jiko meeru mu rọ eze-iphe-ọma! Kẹle ọo l'ẹka ngu bẹ mu nọ ezeru ndzụ. Mu a-nọdu lẹ mkpula oke ǹkù ngu ezeru ndzụ; jasụ teke ẹjo-iphe-ẹhuka, byaru mu nụ-a a-bvụebe.

Ebvu-ọma 91:1

Onye nọ lẹ mkpula Ọkalibe-kakọta-shii l'e-buru eburu lẹ mkpula ibvu Ọkalibe-kangokọtaru-nụ.

Awụfu 12:27

unu asụ phẹ: ‘Ọo ngwẹja egbu anụ ọbo Ojeghata, eegweru Chipfu, bụ onye ghataru ụlo ndu Ízurẹlu l'alị ndu Ijiputu je egbushia ndu Ijiputu; mbụ onye harụ unuphu ibe anyi; ọphu o gbuduru ndibe anyi.’ ” Ndu Ízurẹlu -nụmaepho iphe ono; ẹphe phozeta; baarụ Chipfu ẹja.

Ẹkwo Ẹtu 18:10

Ẹpha Chipfu bụkwa ụlo-eli ephekerephe, shihuru dụngudungu. Ndu pfụberekoto nọdu agbabajẹ iya je anọdu; ọ tọ dụedu iphe-ọnuka, emekwadu phẹ nụ.

Azáya 1:17

Unu nwụnaa eme iphe, dụ ree! Unu chọnaa ikpe, pfụru nhamụnha! Unu ahụ̀a ndu eme ndu ọzo ewere ahụ̀hù! Unu gbajẹnuru nwogbee, enwedu nna ọdzori! Unu agbachitajeru nwanyị, ji iya anọedu ndzụ!”

Azáya 11:4

Ọ chia iphe, meru nụ bụ l'oo-kpeje ndu adụdu g'ọ dụ phẹ ikpe, pfụru ọto. Ọ bụru ikpe, pfụru nhamụnha bẹ oo-gudeje kpebua ikpe ndu ụkpa l'eliphe-a. Eliphe l'ophu bẹ oo-gude mgbọro, dụ iya l'ọnu chia gbaagbaa. Ọ bụru unme, ọ tụru atụtu bẹ oo-gude phụa ndu ẹjo-iphe tẹerii.

Azáya 61:1

Unme Nnajịuphu, bụ Chipfu dụ mu l'ẹhu; kẹle ọ họtaru mu gẹ mu je ezia ndu wozeru onwophẹ alị ozi-ọma. Ndu meji tọfuru bẹ o ziru mu gẹ mu je emee gẹ meji nmapfuru phẹ; gẹ mu je ezia ndu a kpụtaru lẹ ndzụ l'ẹphe e-nweru onwophẹ. Mu epfukwarụpho ndu nọ l'ọka-mkpọro l'aa-ha phẹ.

Jieremaya 39:18

Ọ tọ dụkwa iphe, e-me gẹ mu ta adzọta ngu; k'ọphu bụ l'e tee gbudu ngu l'ogu-echi; ọ bụ-chia l'ii-gude ndzụ ngu gbala; kẹle ị kpọru obu yeru mu. Nokwa iphe, Chipfu eepfu bụ ono.”

Jieremaya 45:5

?Dẹnu g'ii-shi bya awata achọru onwongu iphe, parụ ẹka? Ba chọkwa iya nno. Kẹle mu e-mekwa nemadzụ mgburugburu ẹjo-iphe. Nokwa iphe, Chipfu eepfu. Obenu lẹ gụbedua bẹ mu a-nọduepho eleta ẹnya l'ẹkameka, i jekpọoru. Mu a-haa ngu rọ g'i gude ndzụ ngu gbala.’ ”

Ezekẹlu 13:5

Unu ta agbajẹduru ọkpa l'ẹka igbulọ Ízurẹlu gbashịru ọru; ọphu ọ bụro kẹ kpụkwaa ya akpụkwa; g'ọ pfụshia ike; kwabẹru eswe kẹ Chipfu ono.

Hosiya 10:12

Sụ-a; unu kọoru onwunu apfụbekoto g'opfu! Unu akpata akpụru-iphe, ọ mịtaru, bụ n-yemobu! Unu gbukpọshia alị unu ono, e te shidu kọwaa akọko ono; kẹle o rwuakwaru teke aa-wata achọ Chipfu; jasụ l'ọ bya edzee apfụbekoto gẹ mini l'ẹhu unu.

Hosiya 7:10

Eku-onwonye Ízurẹlu anọduje agba ama g'ọ gbaru. Ọ -mechakpọo g'oomehabẹ; ọ tọo lwaphutadu azụ alwapfuta Chipfu, bụ Chileke iya; ọphu ọ chọkpodaa ya nụ achọcho ophu.

Jiona 3:9

G'a maru ?Chileke a-ghakọbe gude obu-imemini iya gbanwee oke ẹhu-eghu iya ono; k'ọphu anyi taa laẹdu l'iswi.”

Zekaraya 8:19

Wakwa iphe, Chipfu, bụ Ọkalibe-Kakọta-Ike eepfu: “Aswị ẹgu l'ọnwa k'ẹno mẹ k'ise mẹ k'ẹsaa mẹ k'iri a-tụko bụru teke ẹhu a-tsọje unubẹ ndu ọnu-ụlo Jiuda ụtso; unu etee ẹswa; l'ọ bụru unu Ọbo-iphe ẹhu-ụtso. Ọo ya bụ lẹ-a; unu yee ire-lanụ obu; unu eyee nchị-adụ-doo obu!”

Matiyu 5:5

Ẹhu-ụtso bẹ a gọru nụ ndu dụ àgù; kẹle ọo phẹ l'e-mechaa nweru mgboko.

1 Tesalonayika 4:1

Ụnwunna anyi; iphe ọzo, anyi nọ l'ẹka Nnajịuphu anyi bụ Jizọsu epfuru unu epfushiru iya unu ike bụ l'iphe, unu nwụtaru l'ẹka anyi bụkwa g'unu l'e-shi gude ndzụ unu eme iphe, dụ Chileke ree emeshi iya ike. Ọ bụerupho iphe ono bẹ unu emeẹpho. Nta-a bụkwa g'unu kabaa ya emeshi ike.

1 Tesalonayika 4:10

Mbụ unu nọdu emeẹkwapho g'o ziru iya unu; bya eyee ụnwunna anyi, nọkota lẹ Masedoniya mgburugburu obu ẹgube ono. Ọle iphe, anyi epfushiru unu ike; ụnwunna bụ; g'unu kabakpọoro eme ẹgube ono kwasẹru.

1 Pyịta 1:22

Sụ-a; unu anọduje eme iphe, ọkpobe-opfu ono pfuru. Unu shi ẹgube ono safụkota iphe, dụ ẹji lẹ ndzụ unu; k'ọphu bụ l'unu byaru bya eyewa ụnwunna unu obu; ọphu obu ọbu, unu yeru ụnwunna unu ọbu abụkwa tụko-l'ẹhu-atụko-l'obu. Ọo ya bụ; unu ta ahakwa eye nwibe unu obu. Unu kukebejekwa ẹhu gude ọkpoma unu l'ophu yee nwibe unu obu.

1 Pyịta 3:4

G'ọ bụjechiaru g'unu e-me dozirwee ime ọkpoma unu g'ọ tọ bụru ẹka retọshihuru eretọshihu; g'ọ bụru omemma k'eme odoo yẹe eji obu oyi. Iphemiphe ono bẹ tụkokwaru bụkotaru iphe, aswa parụ ẹka l'ẹnya kẹ Chileke.

2 Pyịta 3:18

Ọo ya bụ lẹ-a; g'eze-iphe-ọma kẹ Chileke nọdu aka shii l'ẹhu unu; unu akakwaphọ amaru Nnajịuphu anyi bya abụru Onye-Ndzọta anyi, bụ Jizọsu Kéreshi ọkpobe amaru. Ọo ya kpoloko kpẹekpu bụ onye aa-nọdu akwabẹ ùbvù mbọku-mbọku jasụ lẹ tuutuutuu lẹ mịimiimii. Nokwa g'ọ dụ.