Zefanaya 2:10 - BAYỊBURU Izii

¹⁰ Ọo iphe ono a-bụru urwu, ẹphe e-rita l'ekuku, ẹphe eku onwophẹ; kẹle ọo ndibe Chipfu, bụ Ọkalibe-Kakọta-Ike bẹ ẹphe kọru ọnu bya eyee ébvù.

Zefanaya 2:10 ပူးပေါင်းရင်းမြစ်များ

1 Iphe, ndu eze meru 16:21

Ọphu ọ dụdu onye o kweru g'o mee phẹ ewere. Ọ nọdu egudeje opfu ẹhu phẹ baarụ ndu eze mba;

Awụfu 10:3

Ọo ya bụ; Mósisu yẹe Erọnu bya ejepfu Fero sụ iya: “Waa iphe, Chipfu, bụ Chileke ndu Hiburu pfuru baa: ‘?Bụ teke ole bẹ ịijika-beru ewoze onwongu alị l'atatiphu mu? Haa ndibe mu g'ẹphe la; k'ọphu ẹphe e-je abaarụ mu ẹja!

Awụfu 9:17

Obenu l'iigude opfu ẹhu ndibe mu eku onwongu; jịka l'ị tịi hadụ phẹ g'ẹphe la.

Azáya 16:6

Anyi nụmawaru gẹ ndu Mówabu ekube onwophẹ; l'ẹphe anyanụka ndu; tẹme ẹphe nọdu etse etsetse. L'ekuku ono, ẹphe eku onwophẹ ono; mẹkpoo sukusuku ono, dụ phẹ l'ẹhu ono bẹ pawaru ẹka. Ọle ẹpha ono, ẹphe etu onwophẹ ono bụkota okorobo iphe.

Jieremaya 12:14

Wakwa iphe, Chipfu epfu baa: “Ọ -bụru kẹ ndu iwe ono, bụ obutobu mu ono g'ẹphe ha; mbụ ndu ono, denyiru ẹka l'okiphe, mu hẹru ndibe mu, bụ ndu Ízurẹlu g'ọ bụru okiphe phẹ ono; lekwa lẹ ndu ono bẹ mu e-phefu ephefu l'alị phẹ. Mu abyakwaphọ ephefu ndu Jiuda g'ẹphe ba nọhe l'echilabọ phẹ.

Jieremaya 48:14

?Dẹnu g'unu e-shi sụ l'ọkpehu dụ unu; l'unu bụ ndu dụ ike l'ọgu?

Jieremaya 48:29

Anyi nụmakwaru gẹ Mówabu gude ekube onwiya. Mbụ l'o kunukaru onwiya; tẹme ọ nọdu etsenụka etsetse. Mbụ l'eku-onwonye ọbu mẹkpoo etsetse iya ọbu; mẹkpoo mkpọfu-ọkpoma iya ọbu bẹ parụ ẹka.”

Ebvu Aphụ 1:9

Emerwụshi ono, o merwushiru onwiya ono bẹ rakụwaru l'iphe, ọ nma l'upfu. Ọ tọ rịduru ọriri rị-vu ẹgube iphe, a-dapfuta iya nụ l'atatiphu. Ọo ya bụ; ọ daa darwua alị k'ọphu dụ biribiri; Ọphu ọ tọ dụdu onye dụa ya obu. Gụbe Chipfu; hụmanu ẹgube iphe-ẹhuka, mu eje; Ọhogu mu ono bẹ lwụ-kpewaru nụ!

Ezekẹlu 25:6

“ ‘Lẹ-a; wakwa iphe, Nnajịuphu, bụ Chipfu epfu baa: Eshi ọphu ị kụru ẹka pyaa; tee ebvu; gudekọta ẹjo obu teru ẹswa kpua ndu Ízurẹlu;

Danẹlu 4:37

Nta-a bẹ mụbe Nebukadineza ekele eze k'imigwe ekele; bya akwabẹ iya ùbvù; bya ekutsekwa iya phọ. Iphemiphe, oome pfụru nhamụnha bya adụkota ree; ọzo bụ lẹ ndu eku onwophẹ bẹ ọoduje ike kuzeta alị.”

Obedaya 1:11

Mbụ lẹ mbọku ono bẹ ịi pfụpheerupho iche; ndu ọhozo anọdu egwe iphe oshilọkpa Jiékọpu; ndu abụdu ndu Ízurẹlu anọdu awụba l'ọnu ọguzo mkpụkpu phẹ; nọdu atụ ido eke Jierúsalẹmu; mbụ-a; gụ l'ẹphe adụepho g'unu bụ iphe lanụ.

Obedaya 1:3

Ọ kwa eku-onwonye ono, nọ ngu l'obu ono dephuru ngu; mbụ gụbe onye ono, bu l'ime agbara mkpuma; bya eworu unuphu kwaa l'ephekerephe; mbụ gụbe onye ono, anọduje arị sụ: ‘?Bụ onye sụru mu akwatsu gẹ mu darwua alị?’

Zefanaya 2:8

“Mu nụmaakwaru ọkonu, ndu Mówabu kọru unu; bya anụmakwapho ìphù, ndu Amọnu phuru unubẹ ndibe mu; l'ẹphe gude oke-oke alị phẹ eye unu ebvu.

1 Pyịta 5:5

Nokwaphọ gẹ mu akakwarụpho unubẹ ndu ọphu ka abụru ụnwegirima; unu wozejekwa onwunu alị l'iphu ndu bụ ọgerenya. Mbụ-a; iphe, mu epfuru unu g'unu ha bụ; g'iphemiphe, unu eme goshijekwa l'unu ewozeje onwunu alị l'ẹka nwibe unu nọ. Unu eyetajẹru nwibe unu ẹka; kẹle “Chileke ajịkajekwa ndu eku onwophẹ; ọ nọdu emejekwanụru ndu ọphu wozeru onwophẹ alị eze-iphe-ọma.”