Zefanaya 1:6 - BAYỊBURU Izii

⁶ waa ndu ono, alawaa azụ azụ l'etso Chipfu ono; waa ndu ono ta achọedu Chipfu; ọphu ẹphe ejejeẹdu iya akpata ishi.

Zefanaya 1:6 ပူးပေါင်းရင်းမြစ်များ

2 Sámẹlu 22:22

Noo kẹle ọ bụepho ụzo, Chipfu tọru bẹ mu anọduje etso. Ọphu mu egudejedu eme ẹjo-iphe gbakụta Chileke azụ.

2 Iphe, ndu eze meru 15:13

l'onye ta achọduru Chipfu, bụ Chileke kẹ Ízurẹlu bẹ ee-gbu egbugbu; obeta ọ bụru nwata ọzoo ọgerenya; ọzoo nwoke ọzoo nwanyị.

Ebvu-ọma 10:4

Ndu ẹjo-iphe egudeje eku onwophẹ jịka achọ Chileke; ọphu ẹphe arivujedu Chileke ililekpọo.

Ebvu-ọma 125:5

Ọle iphe, bụkpoo ndu eshi ụzo, apfụduru nhamụnha bẹ Chipfu a-tụko ẹphe lẹ ndu eme ẹjo-iphe l'alị-a wofukọta. G'ẹhu-guu bụkwaru kẹ ndu Ízurẹlu.

Ebvu-ọma 36:3

Opfu, eshije iya l'ọnu bụkotaepho ẹjo opfu; waa aghọ ụgho; ọphu oomejeẹdu g'onye kwarụ ẹnya; ọphu oomekwaphọ iphe, dụ ree.

Azáya 1:4

Oowaa! Unubẹ ọha iphe-ẹji-a! Unubẹ ndu ẹjo-iphe jiru ẹhu-a! Eri ndu ẹjo-ememe-a! Ụnwegirima ụrwuali-a! Ndu-a gwọbewaru Chipfu. Ẹphe ta agụbeeduru Onye nsọ kẹ ndu Ízurẹlu iphe; ẹphe woru azụ ghaaru iya.

Azáya 43:22

Obenu lẹ gụbe Jiékọpu te ekwedu raku mu. Mbụ-a; gụbe Ízurẹlu sụ l'ike mu bvụwaru ngu.

Azáya 9:12

Ndu Arámu shiakwa l'ụzo ẹnyanwu-awawa. Ndu Filisitayinu shi l'ụzo ẹnyanwu-arịba saa ọnu gabala bya eworu ndu Ízurẹlu lwụa. Ọle iphemiphe ono mechaarụ; ẹhu nọdu eghuẹle-a Chileke eghu. Ọ paliẹle-a ẹka g'ọ paliru iya.

Azáya 9:13

Ọle ndu Ízurẹlu ta adakọbeduru lwapfuta onye ono, chiru phẹ iphe ono; mbụ l'ẹphe ta achọduru Chipfu ono, bụ Ọkalibe-Kakọta-Ike ono.

Jieremaya 10:25

Tụ-koshi ọhamoha ono oke-ẹhu-eghu ngu; mbụ ndu ono, ekwedu nkengu ono. Tụ-koshi iya ndu ono, te ekujedu ẹpha ngu ono; kẹle ẹphe riwaru oshilọkpa Jiékọpu ripyaa. Ẹphe kewaru iya gburugburu gbẹshi; bya emebyishia alị iya, bụ ibe iya l'ophu.

Jieremaya 15:6

Wakwa iphe, Chipfu epfu baa: “Ị gbadowaru mu; laahaa azụ azụ. Ọo ya bụ lẹ mu a-zụ ngu ẹka gburumu woru ngu mebyishia. Ọphu ọ dụedu iphe, e-me gẹ mu phụaru ngu obu-imemini.

Jieremaya 2:13

Ndibe mu mewaru uzi iphe-ẹji labọ. Ẹphe gbadowaru mu; mbụ mụbe ọ̀gbà mini, doru rịsaa; asọ gborogboro; bya ebvuaru onwophẹ iduma-nnakọbe-mini; tẹme ọ bụru iduma-nnakọbe-mini, gbawashịhuru agbawashịhu; ọphu mini adọjeduru iya.”

Jieremaya 2:17

?Tọbudu ngu meru iya onwongu; eshinu ị jịkaru Chipfu, bụ Chileke ngu teke o du ngu eje lẹ gbororo?

Jieremaya 3:10

Iphemiphe-a mekọtakpo Ízurẹlu; ọphu o medụru nwune iya nwanyị, e gudedu ire iya ẹka bụ Jiuda g'o gude obu iya g'ọ ha lwapfuta mu; ọ bụleru-a ẹregede bẹ o gude lwa. Nokwa iphe, Chipfu eepfu.”

Ezekẹlu 3:20

Ọzo bụ; teke onye pfụberekoto parụ eme iphe, pfụru ọto haa; meahaa ẹjo-iphe bẹ mu e-doberu iya iphe; l'oovukota daa; dagbua onwiya. Eshinu ị tị lọduru iya ẹka lẹ nchị bẹ ọo-nwụhu nụ-a; k'ẹjo-iphe ono, oome ono, l'a-zọhashikota iphe, dụ ree, o shi mee. Ọle ọo kwanụ gụbedua bẹ mu a-kpa ishi ọchi iya.

Hosiya 11:7

Ndibe mu kebefụtaekwarupho l'ẹphe a-lụfu mu l'ẹka; mbụ-a; ọ tọ dụkwa m'obeta ẹphe kuchakpọnu onye ono, bụ Ọkalibe-kakọta-shii onoya; ọ tọ dụedu iphe, e-mekwadụ g'o kutsee phẹ ọzo.

Hosiya 7:10

Eku-onwonye Ízurẹlu anọduje agba ama g'ọ gbaru. Ọ -mechakpọo g'oomehabẹ; ọ tọo lwaphutadu azụ alwapfuta Chipfu, bụ Chileke iya; ọphu ọ chọkpodaa ya nụ achọcho ophu.

Hosiya 7:7

“G'ẹphe ha nọdu atakọta pfụpfupfu g'ọku ụzu. Ẹphe ekepyashịje ndu-ishi phẹ. Iphe, bụ ndu eze phẹ g'ẹphe hakọta dakọtaru. Ọphu ọ dụdu g'ẹphe ha mẹ onye lanụ, rakuru mu nụ.”

Zefanaya 3:2

Mkpụkpu ono ta anụjedu iphe lẹ nchị; ọphu ọ dụdu iphe, ookweje lẹ ya mesweru. Mkpụkpu ono ta akpọduru obu yeru Chipfu; ọphu ọo kpokubejedu Chileke iya ntse.

Romu 3:11

Ọphu ọ dụdu mẹ onye lanụ, nweru egomunggo; ọphu ọ dụkwapho onye eseje gẹ ya maru Chileke.

Hiburu 2:3

?dẹnu g'anyi e-shi nahụ mẹ ọ -bụru l'anyi weru eze ndzọta ono gbẹgelegbegele, bụ ọphu Nnajịuphu vuhawaa ụzo pfua opfu iya; ndu nụmaru iya nụ byakwanụ bya emee g'anyi maru l'ọ bụ eviya.

Jioshuwa 23:12

“Obenu l'ọ -bụru l'unu nọnyaaru gbakụta iya azụ; bya eje; unu l'ọha ọwa, a lwụ-phodoru-a tụgba bụru nanụ; ọzoo l'unu l'ẹphe watarụ alụgba nwanyị; wata emegbaa l'iphemiphe;

1 Sámẹlu 15:11

“Mu tarụ onwomu ụta lẹ mu meru Sọlu g'ọ bụru eze; kẹle ọ gbakụtawaru mu azụ; haa etso mbẹdua; ọphu o to mejedu iphe, mu tụru ekemu iya.” Iphe ono tsụa Sámẹlu l'ẹhu shii. Ọ rakọta ẹkwa l'ẹnyashi ono l'ophu raku Chipfu.